ਪੰਜਾਬੀ ਗਾਇਕ ਨਿੰਜਾ ਨੇ ਉਜੈਨ ਦੇ ਮਹਾਕਾਲੇਸ਼ਵਰ ਮੰਦਰ ’ਚ ਕੀਤੀ ਪੂਜਾ

ਚੰਡੀਗੜ੍ਹ – ਪੰਜਾਬੀ ਗਾਇਕ ਨਿੰਜਾ ਨੇ ਅੱਜ ਉਜੈਨ ਦੇ ਮਹਾਕਾਲੇਸ਼ਵਰ ਮੰਦਰ ਵਿਖੇ ਪੂਜਾ ਕੀਤੀ। ਇਸ ਦੀ ਇਕ ਵੀਡੀਓ ਨਿੰਜਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਸਾਂਝੀ ਕੀਤੀ ਹੈ।

ਵੀਡੀਓ ਦੀ ਕੈਪਸ਼ਨ ’ਚ ਨਿੰਜਾ ਨੇ ‘ਜੈ ਜੈ ਸ਼ਿਵ ਸ਼ੰਭੂ’ ਲਿਖਿਆ। ਦੱਸ ਦੇਈਏ ਕਿ ਨਿੰਜਾ ਦੇ ਘਰ ਇਸ ਮਹੀਨੇ ਪੁੱਤਰ ਦਾ ਜਨਮ ਹੋਇਆ ਹੈ। ਨਿੰਜਾ ਨੇ ਆਪਣੇ ਪੁੱਤਰ ਦਾ ਨਾਂ ਨਿਸ਼ਾਨ ਰੱਖਿਆ ਹੈ। ਇਸ ਗੱਲ ਦੀ ਜਾਣਕਾਰੀ ਨਿੰਜਾ ਨੇ ਇਕ ਤਸਵੀਰ ਸਾਂਝੀ ਕਰਦਿਆਂ ਦਿੱਤੀ ਸੀ। ਤਸਵੀਰ ਨਾਲ ਨਿੰਜਾ ਨੇ ਲਿਖਿਆ ਸੀ, ‘‘ਮੇਰੀ ਜ਼ਿੰਦਗੀ ’ਚ ਤੇਰੇ ਆਉਣ ਤੋਂ ਬਾਅਦ, ਇਹ ਮੁੜ ਅਰਥ ਭਰਪੂਰ ਹੋਣ ਲੱਗੀ ਹੈ।’’ ਨਿੰਜਾ ਨੂੰ ਆਖਰੀ ਵਾਰ ‘ਸ਼ਾਹੀ ਮਾਜਰਾ’ ਸੀਰੀਜ਼ ’ਚ ਦੇਖਿਆ ਗਿਆ, ਜੋ 12 ਅਗਸਤ ਨੂੰ ਚੌਪਾਲ ’ਤੇ ਰਿਲੀਜ਼ ਹੋਈ ਸੀ।