ਮੈਲਬੋਰਨ ਵਿੱਚ 2 ਵੱਖੋ-ਵੱਖ ਰੈਸਟੋਰੈਂਟ ਭੇਦਭਰੇ ਹਲਾਤਾਂ ਵਿੱਚ ਸੜ੍ਹਕੇ ਹੋਏ ਸੁਆਹ

ਮੈਲਬੋਰਨ – ਮੈਲਬੋਰਨ ਵਿੱਚ ਬੀਤੀ ਰਾਤ 2 ਵੱਖੋ-ਵੱਖ ਰੈਸਟੋਰੈਂਟਾਂ ਦੇ ਸੜ੍ਹਕੇ ਸੁਆਹ ਹੋਣ ਦੀ ਖਬਰ ਹੈ। ਪੁਲਿਸ ਅਨੁਸਾਰ ਇਹ ਮਾਮਲਾ ਸ਼ੱਕੀ ਹੈ ਤੇ ਛਾਣਬੀਣ ਸ਼ੁਰੂ ਕਰ ਦਿੱਤੀ ਗਈ ਹੈ। ਇੱਕ ਰੈਸਟੋਰੈਂਟ ਟੇਲਰਜ਼ ਲੇਕਸ ਦੇ ਮੈਲਟਨ ਹਾਈਵੇਅ ‘ਤੇ ਸਥਿਤ ਸੀ, ਜਦਕਿ ਦੂਜਾ ਐਸੇਂਡਨ ਦੇ ਮਾਉਂਟ ਅਲੈਗਜੈਂਡਰ ਰੋਡ ‘ਤੇ ਸਥਿਤ ਸੀ। ਦੋਨਾਂ ਰੈਸਟੋਰੈਂਟਾਂ ‘ਤੇ 15 ਮਿੰਟ ਦੇ ਫਾਸਲੇ ‘ਤੇ ਅੱਗ ਲੱਗਣ ਦੀ ਘਟਨਾ ਵਾਪਰੀ ਹੈ। ਇੱਕ ਰੈਸਟੋਰੈਂਟ ‘ਤੇ ਤੜਕੇ 2.45 ‘ਤੇ ਅਤੇ ਦੂਜੇ ‘ਤੇ ਕਰੀਬ 3 ਵਜੇ ਅੱਗ ਲੱਗਣ ਦੀ ਖਬਰ ਮਿਲੀ ਸੀ। ਇਸ ਮਾਮਲੇ ਵਿੱਚ ਅਜੇ ਤੱਕ ਕਿਸੇ ਨੂੰ ਨਾਮਜੱਦ ਨਹੀਂ ਕੀਤਾ ਗਿਆ ਹੈ।