ਪਾਕਿਸਤਾਨੀ ਮਹਿਲਾ ਕ੍ਰਿਕਟਰਾਂ ‘ਚ ਚੱਲੇ ਲੱਤਾਂ ਤੇ ਮੁੱਕੇ

ਪਾਕਿਸਤਾਨ ‘ਚ ਚੱਲ ਰਹੀ ਰਾਸ਼ਟਰੀ ਮਹਿਲਾ ਕ੍ਰਿਕਟ ਚੈਂਪੀਅਨਸ਼ਿਪ ਦੌਰਾਨ ਇਕ ਵੱਡੀ ਘਟਨਾ ਵਾਪਰੀ ਹੈ। ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਤਿੰਨ ਮਹਿਲਾ ਕ੍ਰਿਕਟਰਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਮੁਅੱਤਲ ਕਰ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਤਿੰਨੋਂ ਕਿਸੇ ਗੱਲ ਨੂੰ ਲੈ ਕੇ ਆਪਸ ‘ਚ ਭਿੜ ਗਈਆਂ ਸਨ। ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਸਦਫ ਸ਼ਮਸ ਅਤੇ ਯੂਸਰਾ ਨੇ ਟੀਮ ਦੇ ਸਾਥੀ ਆਇਸ਼ਾ ਬਿਲਾਲ ‘ਤੇ ਹਮਲਾ ਕੀਤਾ ਸੀ। ਮਹਿਲਾ ਕ੍ਰਿਕਟ ਦੀ ਮੁਖੀ ਤਾਨੀਆ ਮਲਿਕ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਪੀਸੀਬੀ ਇਸ ਘਟਨਾ ਤੋਂ ਨਾਖੁਸ਼ ਹੈ ਅਤੇ ਪੂਰੇ ਮਾਮਲੇ ਦੀ ਤਹਿ ਤੱਕ ਜਾਣ ਦਾ ਫੈਸਲਾ ਕੀਤਾ ਹੈ। ਦੋਸ਼ੀ ਪਾਏ ਜਾਣ ‘ਤੇ ਸਾਰੇ ਖਿਡਾਰੀਆਂ ਖ਼ਿਲਾਫ਼ ਅਗਲੀ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਫਿਲਹਾਲ ਜਾਂਚ ਪੂਰੀ ਹੋਣ ਤੱਕ ਖਿਡਾਰੀਆਂ ਨੂੰ ਮੈਦਾਨ ਤੋਂ ਦੂਰ ਰੱਖਿਆ ਗਿਆ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਰਾਸ਼ਟਰੀ ਮਹਿਲਾ ਕ੍ਰਿਕਟ ਚੈਂਪੀਅਨਸ਼ਿਪ ਵਿੱਚ ਛੇ ਖੇਤਰੀ ਟੀਮਾਂ ਕਰਾਚੀ, ਲਾਹੌਰ, ਮੁਲਤਾਨ, ਪੇਸ਼ਾਵਰ, ਕਵੇਟਾ ਅਤੇ ਰਾਵਲਪਿੰਡੀ ਹਿੱਸਾ ਲੈ ਰਹੀਆਂ ਹਨ। ਪ੍ਰਤੀਯੋਗਿਤਾ ਦੇ ਜੇਤੂਆਂ ਨੂੰ 10 ਲੱਖ ਪੀਕੇਆਰ ਅਤੇ ਉਪ ਜੇਤੂ ਨੂੰ 0.5 ਮਿਲੀਅਨ ਪੀਕੇਆਰ ਮਿਲਣਗੇ।

ਦੂਜੇ ਪਾਸੇ ਪਾਕਿਸਤਾਨ ਕ੍ਰਿਕਟ ਬੋਰਡ ਦਾ ਅਜੇ ਵੀ ਕੋਈ ਸਥਾਈ ਪ੍ਰਧਾਨ ਨਹੀਂ ਹੈ। ਜ਼ਕਾ ਅਸ਼ਰਫ ਦੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਅਸਤੀਫਾ ਦੇਣ ਤੋਂ ਬਾਅਦ ਪੀਸੀਬੀ ਇਸ ਸਮੇਂ ਸਥਾਈ ਚੇਅਰਮੈਨ ਤੋਂ ਬਿਨਾਂ ਹੈ। ਖਬਰਾਂ ਮੁਤਾਬਕ ਮੋਹਸਿਨ ਨਕਵੀ ਕਾਫੀ ਉਡੀਕੀ ਜਾ ਰਹੀਆਂ ਚੋਣਾਂ ਤੋਂ ਬਾਅਦ ਬੋਰਡ ਦੀ ਕਮਾਨ ਸੰਭਾਲਣ ਲਈ ਸਭ ਤੋਂ ਚਹੇਤੇ ਹਨ। ਅਗਲੇ ਹਫ਼ਤੇ ਚੋਣਾਂ ਹੋਣ ਦੀ ਸੰਭਾਵਨਾ ਹੈ। ਫਿਲਹਾਲ ਪੀਸੀਬੀ ਚੋਣ ਕਮਿਸ਼ਨਰ ਸ਼ਾਹ ਖਵਾਰ ਇਸ ਸਮੇਂ ਬੋਰਡ ਦੇ ਅਸਥਾਈ ਚੇਅਰਮੈਨ ਵਜੋਂ ਸੇਵਾ ਨਿਭਾਅ ਰਹੇ ਹਨ।