ਮਾਟੀਓ ਬੇਰੇਟਿਨੀ ਸੱਟ ਕਾਰਨ ਆਸਟ੍ਰੇਲੀਅਨ ਓਪਨ ਤੋਂ ਹਟਿਆ
January 15, 2024
ਮੈਲਬੋਰਨ : ਪੈਰ ਦੀ ਸੱਟ ਕਾਰਨ ਮਾਟੀਓ ਬੇਰੇਟਿਨੀ ਐਤਵਾਰ ਨੂੰ ਆਪਣੇ ਪਹਿਲੇ ਦੌਰ ਦੇ ਮੈਚ ਤੋਂ ਪਹਿਲਾਂ ਆਸਟ੍ਰੇਲੀਅਨ ਓਪਨ ਤੋਂ ਹਟ ਗਿਆ। ਸਾਲ 2021 ਵਿੰਬਲਡਨ ਰਨਰ-ਅੱਪ ਅਤੇ 2022 ਵਿੱਚ ਮੈਲਬੌਰਨ ਪਾਰਕ ਵਿੱਚ ਸੈਮੀਫਾਈਨਲ ਤਕ ਦਾ ਸਫਰ ਤੈਅ ਕਰਨ ਵਾਲੇ ਬੇਰੇਟਿਨੀ ਨੇ ਸੋਮਵਾਰ ਨੂੰ ਰੋਡ ਲੇਵਰ ਅਰੇਨਾ ਵਿੱਚ 2023 ਦੇ ਉਪ ਜੇਤੂ ਸਟੀਫਾਨੋਸ ਸਿਟਸਿਪਾਸ ਨਾਲ ਖੇਡਣਾ ਸੀ।
ਟੂਰਨਾਮੈਂਟ ਦੇ ਪ੍ਰਬੰਧਕਾਂ ਨੇ ਇੱਥੇ ਜਾਰੀ ਬਿਆਨ ‘ਚ ਕਿਹਾ, ‘ਮਾਟੀਓ ਬੇਰੇਟਿਨੀ ਸੱਜੇ ਲੱਤ ਦੀ ਸੱਟ ਕਾਰਨ ਆਸਟ੍ਰੇਲੀਅਨ ਓਪਨ ਤੋਂ ਹਟ ਗਿਆ ਹੈ। ਅਸੀਂ ਤੁਹਾਡੀ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰਦੇ ਹਾਂ। ਬੇਰੇਟਿਨੀ ਦੀ ਥਾਂ ‘ਤੇ ਕੁਆਲੀਫਾਇੰਗ ਦੇ ‘ਲੱਕੀ ਲੂਜ਼ਰ’ ਜ਼ੀਜ਼ੋ ਬਰਗਸ ਨੂੰ ਮੁੱਖ ਡਰਾਅ ‘ਚ ਸ਼ਾਮਲ ਕੀਤਾ ਗਿਆ ਹੈ, ਜੋ ਸੱਤਵਾਂ ਦਰਜਾ ਪ੍ਰਾਪਤ ਸਿਟਸਿਪਾਸ ਖਿਲਾਫ ਖੇਡੇਗਾ।