ਕੇਟੀ ਮੂਨ ਮੁੰਬਈ ਮੈਰਾਥਨ ਦੀ ਹੋਵੇਗੀ ਅੰਬੈਸਡਰ

ਮੁੰਬਈ – ਪੋਲ ਵਾਲਟ ਵਿਚ ਦੋ ਵਾਰ ਦੀ ਵਿਸ਼ਵ ਚੈਂਪੀਅਨ ਅਤੇ ਟੋਕੀਓ ਓਲੰਪਿਕ ਦੀ ਸੋਨ ਤਗਮਾ ਜੇਤੂ ਕੇਟੀ ਮੂਨ ਨੂੰ ਐਤਵਾਰ ਨੂੰ ਇੱਥੇ ਹੋਣ ਵਾਲੀ ਟਾਟਾ ਮੁੰਬਈ ਮੈਰਾਥਨ ਦੀ ਪ੍ਰਤੀਯੋਗਿਤਾ ਅੰਬੈਸਡਰ ਨਿਯੁਕਤ ਕੀਤਾ ਗਿਆ ਹੈ। ਪ੍ਰਬੰਧਕਾਂ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਮੁੰਬਈ ਮੈਰਾਥਨ ਨੂੰ ਵਿਸ਼ਵ ਅਥਲੈਟਿਕਸ ਵਿੱਚੋਂ ‘ਗੋਲਡ ਲੈਵਲ’ ਦੌੜ ਦਾ ਦਰਜਾ ਹਾਸਲ ਹੈ। ਅਮਰੀਕਾ ਦੀ ਸਟਾਰ ਅਥਲੀਟ ਮੂਨ ਨੇ 2022 ਵਿੱਚ ਯੂਜੀਨ ਅਤੇ 2023 ਵਿੱਚ ਬੁਡਾਪੇਸਟ ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਸੋਨ ਤਗਮੇ ਜਿੱਤੇ ਸਨ।