‘ਸਿੰਘਮ’ ਅਦਾਕਾਰ ਰਵਿੰਦਰ ਬੇਰਦੇ ਦਾ ਹੋਇਆ ਦਿਹਾਂਤ
![](http://mehakewattan.com/wp-content/uploads/2023/12/2023_12image_15_36_402726577aaaaa-ll.jpg)
‘ਨਾਇਕ: ਦਿ ਰੀਅਲ ਹੀਰੋ’ (ਅਨਿਲ ਕਪੂਰ) ਅਤੇ ‘ਸਿੰਘਮ’ (ਅਜੈ ਦੇਵਗਨ) ਵਰਗੀਆਂ ਫ਼ਿਲਮਾਂ ‘ਚ ਭੂਮਿਕਾਵਾਂ ਲਈ ਜਾਣੇ ਜਾਂਦੇ 78 ਸਾਲਾ ਰਵਿੰਦਰ ਕੈਂਸਰ ਨਾਲ ਆਪਣੀ ਜ਼ਿੰਦਗੀ ਦੀ ਲੜਾਈ ਹਾਰ ਗਏ। ਲਕਸ਼ਮੀਕਾਂਤ ਬੇਰਦੇ ਦੇ ਭਰਾ ਰਵਿੰਦਰ ਬੇਰਦੇ ਦਾ ਅੱਜ ਦਿਹਾਂਤ ਹੋ ਗਿਆ। ਉਨ੍ਹਾਂ ਦੇ ਦਿਹਾਂਤ ਦੀ ਖ਼ਬਰ ਨਾਲ ਮਰਾਠੀ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਦੌੜ ਗਈ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਰਵਿੰਦਰ ਬੇਰਦੇ ਨੂੰ ਗਲੇ ਦਾ ਕੈਂਸਰ ਸੀ। ਉਨ੍ਹਾਂ ਨੂੰ ਮੁੰਬਈ ਦੇ ਟਾਟਾ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ। ਉਹ ਪਿਛਲੇ ਕਈ ਮਹੀਨਿਆਂ ਤੋਂ ਕੈਂਸਰ ਦਾ ਇਲਾਜ ਕਰਵਾ ਰਹੇ ਸਨ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਰਵਿੰਦਰ ਬੇਰਦੇ ਨੂੰ 2 ਦਿਨ ਪਹਿਲਾਂ ਹਸਪਤਾਲ ਤੋਂ ਛੁੱਟੀ ਮਿਲੀ ਸੀ ਪਰ ਬੁੱਧਵਾਰ ਸਵੇਰੇ ਅਚਾਨਕ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ, ਜਿਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਰਵਿੰਦਰ ਬੇਰਦੇ ਨੂੰ ਇਸ ਤੋਂ ਪਹਿਲਾਂ 1995 ‘ਚ ਇੱਕ ਨਾਟਕ ਦੌਰਾਨ ਦਿਲ ਦਾ ਦੌਰਾ ਪਿਆ ਸੀ ਅਤੇ 2011 ‘ਚ ਉਨ੍ਹਾਂ ਨੂੰ ਕੈਂਸਰ ਦਾ ਪਤਾ ਲੱਗਿਆ ਸੀ। ਇਨ੍ਹਾਂ ਚੁਣੌਤੀਆਂ ਦੇ ਬਾਵਜੂਦ ਉਹ ਲਗਾਤਾਰ ਕੰਮ ਕਰਦੇ ਰਹੇ।
ਦੱਸਣਯੋਗ ਹੈ ਕਿ ਰਵਿੰਦਰ ਬੇਰਦੇ ਨੇ 300 ਤੋਂ ਵੱਧ ਮਰਾਠੀ ਫ਼ਿਲਮਾਂ ‘ਚ ਕੰਮ ਕੀਤਾ ਸੀ। ਉਨ੍ਹਾਂ ਨੇ ਆਪਣੇ ਪੂਰੇ ਕਰੀਅਰ ਦੌਰਾਨ ‘ਅਸ਼ੋਕ ਸਰਾਫ’, ‘ਵਿਜੇ ਚਵਾਨ’, ‘ਮਹੇਸ਼ ਕੋਠਾਰੇ’, ‘ਵਿਜੂ ਖੋਟੇ’, ‘ਸੁਧੀਰ ਜੋਸ਼ੀ’ ਅਤੇ ‘ਭਰਤ ਜਾਧਵ’ ਵਰਗੇ ਦਿੱਗਜ ਕਲਾਕਾਰਾਂ ਨਾਲ ਕੰਮ ਕੀਤਾ। ਇਸ ਤੋਂ ਇਲਾਵਾ ਉਨ੍ਹਾਂ ਕਈ ਹਿੰਦੀ ਫ਼ਿਲਮਾਂ ‘ਚ ਵੀ ਕੰਮ ਕੀਤਾ। ਉਨ੍ਹਾਂ ਨੇ ਅਨਿਲ ਕਪੂਰ ਨਾਲ ‘ਨਾਇਕ: ਦਿ ਰੀਅਲ ਹੀਰੋ’ ‘ਚ ਸਕ੍ਰੀਨ ਸਪੇਸ ਕੀਤੀ ਸੀ। ਇਹ ਫ਼ਿਲਮ 2001 ‘ਚ ਰਿਲੀਜ਼ ਹੋਈ ਸੀ। ਇਸ ਤੋਂ ਇਲਾਵਾ ਉਹ ਰੋਹਿਤ ਸ਼ੈੱਟੀ ਦੀ ਫ਼ਿਲਮ ‘ਸਿੰਘਮ’ ਦਾ ਵੀ ਹਿੱਸਾ ਸੀ, ਜਿਸ ‘ਚ ਅਜੇ ਦੇਵਗਨ ਨੇ ਮੁੱਖ ਭੂਮਿਕਾ ਨਿਭਾਈ ਸੀ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)