ਭਾਰਤ ਪੂਰੀ ਦੁਨੀਆ ’ਚ ਸਥਾਪਿਤ ਕਰ ਰਿਹਾ ਡਿਫੈਂਸ ਬਰਾਂਚ : ਜਨਰਲ ਪਾਂਡੇ

ਨਵੀਂ ਦਿੱਲੀ – ਫੌਜ ਮੁਖੀ ਜਨਰਲ ਮਨੋਜ ਪਾਂਡੇ ਨੇ ਪੂਰਬੀ ਲੱਦਾਖ ’ਚ ਚੀਨ ਨਾਲ ਸਰਹੱਦੀ ਵਿਵਾਦ ਦੇ ਪਿਛੋਕੜ ’ਚ ਸ਼ੁੱਕਰਵਾਰ ਨੂੰ ਕਿਹਾ ਕਿ ਭਾਰਤ ਦਾ ਨਜ਼ਰੀਆ ਸਾਰੇ ਦੇਸ਼ਾਂ ਦੀ ਖੁਦਮੁਖਤਿਆਰੀ ਅਤੇ ਖੇਤਰੀ ਅਖੰਡਤਾ ਦੇ ਸਨਮਾਨ ਦੇ ਨਾਲ ਵਿਵਾਦਾਂ ਦੇ ਸ਼ਾਂਤੀਪੂਰਨ ਹੱਲ ਅਤੇ ਕੌਮਾਂਤਰੀ ਨਿਯਮਾਂ ਦੀ ਪਾਲਣਾ ’ਤੇ ਜ਼ੋਰ ਦਿੰਦਾ ਹੈ। ਚਾਣਕਿਆ ਰੱਖਿਆ ਸੰਵਾਦ ’ਚ ਜਨਰਲ ਪਾਂਡੇ ਨੇ ਆਪਣੇ ਸੰਬੋਧਨ ’ਚ ਇਹ ਵੀ ਕਿਹਾ ਕਿ ਭਾਰਤ ਪੂਰੀ ਦੁਨੀਆ ’ਚ ਨਵੇਂ ਸਥਾਨਾਂ ’ਤੇ ਡਿਫੈਂਸ ਬ੍ਰਾਂਚਾਂ ਸਥਾਪਿਤ ਕਰ ਰਿਹਾ ਹੈ ਅਤੇ ਫੌਜ ਵਿਦੇਸ਼ੀ ਮਿੱਤਰ ਦੇਸ਼ਾਂ ਨਾਲ ਸਾਂਝੀ ਟ੍ਰੇਨਿੰਗ ਅਤੇ ਅਭਿਆਸਾਂ ਦਾ ਘੇਰਾ ਤੇ ਪੈਮਾਨਾ ਵਧਾਉਣਾ ਚਾਹੁੰਦੀ ਹੈ।

ਮੌਜੂਦਾ ਸਿਆਸੀ ਉਥਲ-ਪੁਥਲ ਦੇ ਸਬੰਧ ’ਚ ਉਨ੍ਹਾਂ ਕੌਮਾਂਤਰੀ ਮਾਮਲਿਆਂ ’ਚ ਰਾਸ਼ਟਰੀ ਸੁਰੱਖਿਆ ਦੀ ਵਧਦੀ ਮਹੱਤਤਾ ਅਤੇ ਆਰਥਿਕ ਤੇ ਜੰਗੀ ਸ਼ਕਤੀ ’ਤੇ ਧਿਆਨ ਦੇਣ ਦੀ ਲੋੜ ’ਤੇ ਜ਼ੋਰ ਦਿੱਤਾ। ਫੌਜ ਮੁਖੀ ਨੇ ਨਿਰਾਸ਼ਾ ਅਤੇ ਸਿਆਸੀ ਉਤਰਾਅ-ਚੜਾਅ ਵਿਚਾਲੇ ਭਾਰਤ ਦੀ ਸਥਿਤੀ ਨੂੰ ਉੱਜਵਲ ਦੱਸਿਆ।