ਕੈਨੇਡਾ ‘ਚ ਕਾਰ ਚੋਰੀ ਦੇ ਮਾਮਲਿਆਂ ‘ਚ 64 ਪੰਜਾਬੀ ਨਾਮਜ਼ਦ

ਰੋਜ਼ੀ-ਰੋਟੀ ਦੀ ਭਾਲ ਵਿਚ ਵੱਡੀ ਗਿਣਤੀ ‘ਚ ਪੰਜਾਬੀ ਵਿਦੇਸ਼ਾਂ ਵਿਚ ਜਾ ਰਹੇ ਹਨ ਤੇ ਮਿਹਨਤ ਨਾਲ ਆਪਣਾ ਤੇ ਪਰਿਵਾਰ ਦਾ ਗੁਜ਼ਾਰਾ ਕਰ ਰਹੇ ਹਨ। ਉੱਥੇ ਹੀ ਕੁਝ ਲੋਕ ਆਪਣੇ ਕੰਮਾਂ ਨਾਲ ਬਾਕੀਆਂ ਨੂੰ ਬਦਨਾਮ ਕਰ ਰਹੇ ਹਨ। ਟੋਰਾਂਟੋ ਪੁਲਸ ਵੱਲੋਂ ਇਕ ਵਿਸ਼ੇਸ਼ ਮੁਹਿੰਮ ਤਹਿਤ ਵਾਹਨ ਚੋਰਾਂ ਦੀ ਸੂਚੀ ਜਾਰੀ ਕੀਤੀ ਗਈ ਹੈ, ਜਿਸ ਵਿਚ ਕੁਝ ਪੰਜਾਬੀਆਂ ਦੇ ਨਾਂ ਵੀ ਸ਼ਾਮਲ ਹਨ। ਦਰਅਸਲ, ਟੋਰਾਂਟੋ ਪੁਲਸ ਨੇ ਚੋਰੀ ਕੀਤੇ ਵਾਹਨਾਂ ਦੀ ਬਰਾਮਦਗੀ ਲਈ 1 ਸਾਲ ਲੰਬੀ ਵਿਸ਼ੇਸ਼ ਮੁਹਿੰਮ ਚਲਾਈ ਗਈ ਸੀ, ਜਿਸ ਨੂੰ ‘ਪ੍ਰਾਜੈਕਟ ਸਟਾਲੀਅਨ’ ਦਾ ਨਾਂ ਦਿੱਤਾ ਗਿਆ ਸੀ। ਪੁਲਸ ਵੱਲੋਂ ਇਸ ਮੁਹਿੰਮ ਤਹਿਤ 1080 ਵਾਹਨ ਬਰਾਮਦ ਕੀਤੇ ਗਏ। ਇਸ ਨੂੰ ਲੈ ਕੇ 228 ਵਿਅਕਤੀਆਂ ਨੂੰ ਨਾਮਜ਼ਦ ਕਰਕੇ 553 ਚਾਰਜ ਲਗਾਏ ਗਏ ਹਨ। ਬਰਾਮਦ ਕੀਤੇ ਗਏ ਵਾਹਨਾਂ ਦੀ ਕੀਮਤ 5 ਕਰੋੜ ਤੋਂ ਵੀ ਵੱਧ ਦੱਸੀ ਜਾ ਰਹੀ ਹੈ। ਨਾਮਜ਼ਦ ਕੀਤੇ ਗਏ ਵਿਅਕਤੀਆਂ ਵਿਚ 64 ਪੰਜਾਬੀ ਵੀ ਸ਼ਾਮਲ ਹਨ। ਇਨ੍ਹਾਂ ਵਿਚ ਕੁਝ ਲੜਕੀਆਂ ਦੇ ਨਾਂ ਵੀ ਸ਼ਾਮਲ ਹਨ। 

ਨਿਰਮਲ ਸਿੰਘ (47) ਵਾਸੀ ਕੈਲਡਨ,  ਸੁੱਖਵਿੰਦਰ ਗਿੱਲ ਵਾਸੀ ਵੁੱਡ ਬਰਿੱਜ, (40) , ਜਗਜੀਤ ਭਿੰਡਰ (40) ਵਾਸੀ ਬਰੈਂਪਟਨ,  ਪ੍ਰਦੀਪ ਗਰੇਵਾਲ (38) ਵਾਸੀ ਬਰੈਂਪਟਨ,  ਵਰਿੰਦਰ ਕਾਲੀਆ (32) ਗੁਰਵੀਨ ਰਾਹਤ (26) ਵਾਸੀ ਬਰੈਂਪਟਨ,  ਸੁੱਚਾ ਚੌਹਾਨ (45) ਵਾਸੀ ਬਰੈਂਪਟਨ,  ਗਗਨਦੀਪ ਸਿੰਘ (23), ਸੰਦੀਪ ਤ਼ਖੜ (36) ਵਾਸੀ ਬਰੈਂਪਟਨ,  ਸਤਵਿੰਦਰ ਗਰੇਵਾਲ(29) ਪ੍ਰਿੰਸਦੀਪ (25) ਵਾਸੀ ਬਰੈਂਪਟਨ,  ਵਰਿੰਦਰ ਕਾਲੀਆ (32) ਅਮ੍ਰਿਤ ਕਲੇਰ (28) ਵਾਸੀ ਕੈਂਬਰਿਜ,  ਅਜੇ ਕੁਮਾਰ (23) ਵਾਸੀ ਬਰੈਂਪਟਨ, ਖੇਮਨਾਥ ਸਿੰਘ (58) ਵਾਸੀ ਟੋਰਾਂਟੋ , ਸਟੀਵਨ ਸਿੰਘ (21) ਵਾਸੀ ਬਰੈਂਪਟਨ,  ਇਨਕਲਾਬ ਸਿੰਘ (26) ਹਰਪ੍ਰੀਤ ਸਿੰਘ (35) ਮਨਪ੍ਰੀਤ ਗਿੱਲ (36) ਵਾਸੀ ਬਰੈਂਪਟਨ,  ਮਨਦੀਪ ਸਿੰਘ ਤੂਰ (44) ਵਾਸੀ ਮਿਸੀਸਾਗਾ, ਦਿਲਪ੍ਰੀਤ ਸਿੰਘ (23) ਤਰੀਦੇਵ ਵਰਮਾ(34) ਵਾਸੀ ਬਰੈਂਪਟਨ,  ਜੋਗਾ ਸਿੰਘ (31), ਦਿਲਪ੍ਰੀਤ ਸੈਣੀ (32, ) ਵਾਸੀ ਬਰੈਂਪਟਨ,  ਪ੍ਰਿੰਸ ਦੀਪ ਸਿੰਘ (25) ਵਾਸੀ ਬਰੈਂਪਟਨ,  ਮਨਪ੍ਰੀਤ ਗਿੱਲ (37) ਵਾਸੀ ਬਰੈਂਪਟਨ,  ਗੌਰਵ ਦੀਪ ਸਿੰਘ (22) ਜਗਦੀਪ ਜੰਡਾ (25) ਵਾਸੀ ਮਿਸੀਸਾਗਾ। ਹਰਸ਼ਦੀਪ ਸਿੰਘ(28) ਵਾਸੀ ਬਰੈਂਪਟਨ,  ਰਵੀ ਸਿੰਘ (27) ਵਾਸੀ ਬਰੈਂਪਟਨ,  ਨਵਜੋਤ ਸਿੰਘ (27) ਵਾਸੀ ਬਰੈਂਪਟਨ। ਦਿਲਜੋਤ ਸਿੰਘ (24) ਵਾਸੀ ਨਿਆਗਰਾ ਫਾਲ , ਸੁਨੀਲ ਨੌਸੈਨਿਕ (42) ਸੁੱਖਵਿੰਦਰ ਸਿੰਘ (42) ਵਾਸੀ ਟੋਰਾਂਟੋ, ਆਲਮਬੀਰ ਸਿੰਘ (23) ਵਾਸੀ ਟੋਰਾਂਟੋ, ਅਮਨਜੋਤ (18) ਗੁਰਿੰਦਰਜੀਤ ਸਿੰਘ (28) ਜਗਰੂਪ ਸਿੰਘ (30) ਜਸਕਰਨ ਸੋਢੀ (28) ਟੋਰਾਂਟੋ , ਗੁਰਸਿਮਰਤ (24) ਵਾਸੀ ਬਰੈਂਪਟਨ,  ਚਰਨਪ੍ਰੀਤ ਸਿੰਘ 24। ਨਰਿੰਦਰ ਪਾਲ ਲਾਡੀ (53) ਟੋਰਾਟੋ,  ਜਗਦੀਸ਼ ਪੰਧੇਰ (41) ਬਰੈਂਪਟਨ,  ਸੁਮਿਤ ਕਪਲਾ , ਤਜਿੰਦਰ ਸਿੰਘ)24) ਰਣਜੀਤ ਸਿੰਘ (43) ਟੋਰਾਂਟੋ, ਕਮਲਜੀਤ ਸੰਧੂ (38) ਅਮ੍ਰਿਤਪਾਲ ਕਟਾਰੀਆ, ਮਨਪ੍ਰੀਤ ਕੌਰ 23 ਵਾਸੀ ਬਰੈਂਪਟਨ,  ਦਿਲਪ੍ਰੀਤ ਸਿੰਘ (24), ਸਿਮਰਨਜੀਤ ਸਿੰਘ 26 ਕੁਲਦੀਪ ਭੰਗੂ 25 ਮਿਸੀਸਾਗਾ, ਸਾਗਰਪੁਰੀ (26), ਬਰੈਂਪਟਨ,  ਨਿਰਮਲ ਸਿੰਘ 40। ਜਸ਼ਨਦੀਪ ਸਿੰਘ ਸਤਿੰਦਰ ਸਿੰਘ (29)  ਪਾਲ ਵਰਮਾ 26 , ਮਨਿੰਦਰ ਜੀਤ ਮੱਲੀ 30 ਵਾਸੀ ਬਰੈਂਪਟਨ, ਲਵਪ੍ਰੀਤ ਸਿੰਘ 26 ਵਾਸੀ ਬਰੈਂਪਟਨ,  ਸਿਮਰਨਜੀਤ ਸਿੰਘ 27 ਮਿਸੀਸਾਗਾ, ਹਰਜਿੰਦਰ ਸਿੰਘ ਸੰਧੂ (49) , ਜਗਦੀਸ਼ ਪੰਧੇਰ 41 , ਮਨਜਿੰਦਰ ਪਾਲ ਸਿੰਘ ਅਤੇ ਜਸਕਰਨ ਸੋਢੀ ਸ਼ਾਮਲ ਹਨ। 

ਈਟੋਬੀਕੋਕ ਵਿਚ ਟੋਰਾਂਟੋ ਪੁਲਸ ਕਾਲਜ ਵਿਚ ਬੁੱਧਵਾਰ ਦੁਪਹਿਰ ਇਕ ਨਿਊਜ਼ ਕਾਨਫਰੰਸ ਦੌਰਾਨ, ਟੋਰਾਂਟੋ ਪੁਲਸ ਦੇ ਮੁਖੀ ਮਾਈਰਨ ਡੈਮਕੀਵ ਨੇ ਦੱਸਿਆ ਕਿ ਇਸ ਨੂੰ ‘ਪ੍ਰਾਜੈਕਟ ਸਟਾਲੀਅਨ’ ਦਾ ਨਾਂ ਦਿੱਤਾ ਗਿਆ ਸੀ ਅਤੇ ਇਸ ਨੂੰ ਨਵੰਬਰ 2022 ਨੂੰ ਲਾਂਚ ਕੀਤਾ ਗਿਆ ਸੀ ਅਤੇ ਇਸ ਵਿਚ ਜਾਂਚ 24 ਸਤੰਬਰ 2023 ਨੂੰ ਸਮਾਪਤ ਹੋਈ। ਸੁਪਰਡੈਂਟ ਰੌਨ ਟੈਵਰਨਰ ਨੇ ਕਿਹਾ ਕਿ ਟੋਰਾਂਟੋ ਵਿਚ 2023 ਵਿਚ ਹੁਣ ਤੱਕ 9,747 ਵਾਹਨ ਚੋਰੀ ਹੋ ਚੁੱਕੇ ਹਨ। ਇਕੱਲੇ 2 ਪੁਲਸ ਡਿਵੀਜ਼ਨਾਂ ਈਟੋਬੀਕੋਕ ਅਤੇ ਉੱਤਰੀ ਪੱਛਮੀ ਟੋਰਾਂਟੋ ਵਿਚ 3,500 ਤੋਂ ਵੱਧ ਵਾਹਨ ਚੋਰੀ ਹੋਏ ਹਨ। ਪੁਲਸ ਨੇ ਕਿਹਾ ਕਿ ਵਾਹਨ, ਘਰਾਂ ਦੇ ਡਰਾਈਵਵੇਅ, ਹੋਟਲ ਅਤੇ ਏਅਰਪੋਰਟ ਪਾਰਕਿੰਗ ਸਥਾਨਾਂ ਅਤੇ ਵੁੱਡਬਾਈਨ ਕੈਸੀਨੋ ਵਰਗੀਆਂ ਥਾਵਾਂ ਤੋਂ ਚੋਰੀ ਕੀਤੇ ਗਏ ਸਨ।

ਡੈਮਕੀਵ ਨੇ ਕਿਹਾ ਕਿ ਇਸ ਪਹਿਲਕਦਮੀ ਦੇ ਨਤੀਜੇ ਵਜੋਂ ਪਹਿਲਾਂ ਹੀ 24 ਲੋਕਾਂ ਦੀ ਗ੍ਰਿਫ਼ਤਾਰੀ ਹੋ ਚੁੱਕੀ ਹੈ ਜੋ ਕਾਰਜੈਕਿੰਗ, ਘਰ ‘ਤੇ ਹਮਲਾ ਕਰਨ, ਹਮਲੇ ਜਾਂ ਧਮਕੀਆਂ ਦੇ ਹੋਰ ਰੂਪਾਂ ਨਾਲ ਸਬੰਧਤ ਕੁੱਲ 116 ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਹਨ। ਉਨ੍ਹਾਂ ਕਿਹਾ, “ਇਨ੍ਹਾਂ ਅਪਰਾਧਾਂ ਨੂੰ ਅੰਜ਼ਾਮ ਦੇਣ ਵਿਚ ਵਰਤੀ ਜਾ ਰਹੀ ਹਿੰਸਾ ਦਾ ਪੱਧਰ ਜਨਤਕ ਸੁਰੱਖਿਆ ਲਈ ਇਕ ਨਵੇਂ ਅਤੇ ਵਿਕਸਤ ਹੋ ਰਹੇ ਖ਼ਤਰੇ ਨੂੰ ਦਰਸਾਉਂਦਾ ਹੈ। ਪੁਲਸ ਮੁਖੀ ਵਜੋਂ ਧਮਕੀ ਅਤੇ ਅਪਰਾਧ ਦਾ ਇਹ ਪੱਧਰ ਮੇਰੇ ਲਈ ਅਸਵੀਕਾਰਨਯੋਗ ਹੈ। ਅਸੀਂ ਸਭ ਤੋਂ ਵੱਧ ਆਪਣੇ ਨਿਵਾਸੀਆਂ ਦੀ ਸੁਰੱਖਿਆ ਲਈ ਵਚਨਬੱਧ ਹਾਂ ਅਤੇ ਅਸੀਂ ਇਸ ਗੰਭੀਰ ਮੁੱਦੇ ਨੂੰ ਹੱਲ ਕਰਨ ਲਈ ਆਪਣੇ ਕਾਨੂੰਨ ਲਾਗੂ ਕਰਨ ਵਾਲੇ ਭਾਈਵਾਲਾਂ ਅਤੇ ਓਂਟਾਰੀਓ ਦੀ ਕ੍ਰਿਮੀਨਲ ਇੰਟੈਲੀਜੈਂਸ ਸਰਵਿਸ ਸਮੇਤ ਹੋਰ ਬਾਹਰੀ ਏਜੰਸੀਆਂ ਨਾਲ ਮਿਲ ਕੇ ਕੰਮ ਕਰਨਾ ਜਾਰੀ ਰੱਖਾਂਗੇ।”