ਆਈਫੋਨ ਦੁਆਰਾ ਬਚਾਈ ਗਈ 2 ਨੌਜਵਾਨਾਂ ਦੀ ਜਾਨ

ਆਕਲੈਂਡ- ਕੀ ਤੁਸੀ ਕਦੇ ਸੋਚਿਆ ਹੈ ਕਿ ਇੱਕ ਫੋਨ ਵਿਅਕਤੀ ਦੀ ਜਾਨ ਬਚਾ ਸਕਦਾ ਹੈ? ਅਜਿਹੀ ਘਟਨਾ ਨਿਊਜ਼ੀਲੈਂਡ ਤੋਂ ਸਾਹਮਣੇ ਆਈ ਹੈ। ਐਪਲ ਆਈਫੋਨ 14 ਸੀਰੀਜ ਦੇ ਫੋਨਸ ਵਿੱਚ ਸੈਟਲਾਈਟ ਕਨੈਕਟੀਵਿਟੀ ਵਾਲਾ ਫੀਚਰ ਇੱਕ ਵਾਰ ਫਿਰ ਮੁਸ਼ਕਿਲ ਸਥਿਤੀ ਦੇ ਵਿੱਚ ਕੰਮ ਆਇਆ ਹੈ। ਦਰਅਸਲ ਬੁੱਧਵਾਰ ਨੂੰ ਆਰਥਰਜ਼ ਪਾਸ ਦੇ ਨੇੜੇ ਅਚਾਨਕ ਵੈਲੀ ਸਟ੍ਰੀਮ ‘ਤੇ ਦੋ ਨੌਜਵਾਨ ਗੰਭੀਰ ਸਥਿੱਤੀ ‘ਚ ਫਸ ਗਏ ਸਨ, ਇਸ ਦੌਰਾਨ ਨੌਜਵਾਨਾਂ ਵਿੱਚੋਂ ਇੱਕ ਨੇ ਐਸ ਓ ਐਸ ਵਾਇਆ ਸੈਟਲਾਈਟ ਫੀਚਰ ਆਈਫੋਨ 14 ਵਿਸ਼ੇਸ਼ਤਾ ਦੀ ਵਰਤੋਂ ਕੀਤੀ, ਜਿਸ ਨੇ ਸੈਟੇਲਾਈਟ ਰਾਹੀਂ ਅਮਰੀਕਾ ਵਿੱਚ ਐਪਲ ਦੇ ਸਿਖਲਾਈ ਪ੍ਰਾਪਤ ਐਮਰਜੈਂਸੀ ਮਾਹਿਰਾਂ ਨੂੰ ਇੱਕ ਪਿੰਗ ਭੇਜਿਆ। ਐਪਲ ਨੇ ਫਿਰ ਨੌਜਵਾਨਾਂ ਦੇ ਵੱਲੋਂ NZ ਪੁਲਿਸ ਨਾਲ ਸੰਪਰਕ ਕੀਤਾ ਜਿਸਨੇ ਗਾਰਡਨ ਸਿਟੀ ਹੈਲੀਕਾਪਟਰ ਏਵੀਏਸ਼ਨ (GCH) ਬਚਾਅ ਹੈਲੀਕਾਪਟਰ ਨੂੰ ਰਵਾਨਾ ਕੀਤਾ।

ਐਪਲ ਦੇ ਬੁਲਾਰੇ ਨੇ 1 ਨਿਊਜ਼ ਨੂੰ ਪੁਸ਼ਟੀ ਕੀਤੀ ਕਿ ਇਹ ਨਿਊਜ਼ੀਲੈਂਡ ਵਿੱਚ ਆਈਫੋਨ ਬਚਾਓ ਦੀ ਪਹਿਲੀ ਘਟਨਾ ਹੈ। ਐਪਲ ਦੀ ਨਵੀਂ ਸੁਰੱਖਿਆ ਸੇਵਾ ਐਮਰਜੈਂਸੀ ਐਸਓਐਸ ਇਸ ਸਾਲ ਮਈ ਵਿੱਚ ਨਿਊਜ਼ੀਲੈਂਡ ਅਤੇ ਆਸਟਰੇਲੀਆਈ ਆਈਫੋਨ 14 ਉਪਭੋਗਤਾਵਾਂ ਲਈ ਉਪਲਬਧ ਹੋ ਗਈ ਸੀ। ਇਹ ਤਕਨਾਲੋਜੀ ਉਪਭੋਗਤਾਵਾਂ ਨੂੰ ਸਿੱਧੇ ਸੈਟੇਲਾਈਟਾਂ ਨਾਲ ਜੋੜਦੀ ਹੈ, ਜਿਸ ਨਾਲ ਵਾਈਫਾਈ ਜਾਂ ਸੈੱਲ ਸੇਵਾ ਤੋਂ ਬਿਨਾਂ ਕਿਸੇ ਖੇਤਰ ਦੇ ਲੋਕਾਂ ਨੂੰ ਐਮਰਜੈਂਸੀ ਸੇਵਾਵਾਂ ਨਾਲ ਸੰਪਰਕ ਕਰਨ ਦੇ ਯੋਗ ਬਣਾਉਂਦਾ ਹੈ।