ਸਿਮੋਨਾ ਹਾਲੇਪ ਅਸਥਾਈ ਡੋਪਿੰਗ ਮੁਅੱਤਲੀ ਕਾਰਨ ਅਮਰੀਕੀ ਓਪਨ ਤੋਂ ਬਾਹਰ

ਨਿਊਯਾਰਕ : ਸਿਮੋਨਾ ਹਾਲੇਪ ਨੂੰ ਸੋਮਵਾਰ ਨੂੰ ਡੋਪਿੰਗ ਦੇ ਅਸਥਾਈ ਮੁਅੱਤਲੀ ਕਾਰਨ ਯੂ. ਐਸ. ਓਪਨ ਟੈਨਿਸ ਟੂਰਨਾਮੈਂਟ ਤੋਂ ਬਾਹਰ ਕਰ ਦਿੱਤਾ ਗਿਆ। ਅਮਰੀਕੀ ਟੈਨਿਸ ਸੰਘ ਨੇ ਘੋਸ਼ਣਾ ਕੀਤੀ ਕਿ ਦੋ ਵਾਰ ਦੀ ਗ੍ਰੈਂਡ ਸਲੈਮ ਚੈਂਪੀਅਨ ਅਤੇ ਵਿਸ਼ਵ ਦੀ ਸਾਬਕਾ ਨੰਬਰ ਇਕ ਹਾਲੇਪ ਨੂੰ ਟੂਰਨਾਮੈਂਟ ਦੇ ਡਰਾਅ ਤੋਂ ਆਪਣੇ ਆਪ ਹੀ ਹਟਾ ਦਿੱਤਾ ਗਿਆ ਹੈ। ਟੇਲਰ ਟਾਊਨਸੇਂਡ ਨੇ ਫਲਸ਼ਿੰਗ ਮੀਡੋਜ਼ ਵਿਖੇ 28 ਅਗਸਤ ਤੋਂ ਸ਼ੁਰੂ ਹੋ ਰਹੇ ਯੂਐਸ ਓਪਨ ਦੇ ਮਹਿਲਾ ਸਿੰਗਲਜ਼ ਡਰਾਅ ਵਿੱਚ ਹਾਲੇਪ ਦੀ ਥਾਂ ਲਈ ਹੈ।

ਅਸਥਾਈ ਮੁਅੱਤਲੀ ਦੌਰਾਨ, ਕੋਈ ਵੀ ਖਿਡਾਰੀ ਕਿਸੇ ਮਾਨਤਾ ਪ੍ਰਾਪਤ ਮੁਕਾਬਲੇ ਵਿੱਚ ਹਿੱਸਾ ਨਹੀਂ ਲੈ ਸਕਦਾ। ਇੰਟਰਨੈਸ਼ਨਲ ਟੈਨਿਸ ਇੰਟੈਗਰਿਟੀ ਏਜੰਸੀ ਦੇ ਅਨੁਸਾਰ, ਹਾਲੇਪ ਨੇ ਪਿਛਲੇ ਸਾਲ ਦੇ ਯੂ. ਐਸ. ਓਪਨ ਵਿੱਚ ਪਾਬੰਦੀਸ਼ੁਦਾ ਪਦਾਰਥ ਰੋਕਸਡਸਟੈਟ ਲਈ ਸਕਾਰਾਤਮਕ ਟੈਸਟ ਕੀਤਾ ਸੀ। ਹਾਲੇਪ ‘ਤੇ ਉਸ ਦੇ ਐਥਲੀਟ ਬਾਇਓਲਾਜੀਕਲ ਪਾਸਪੋਰਟ ‘ਚ ਬੇਨਿਯਮੀਆਂ ਕਾਰਨ ਮਈ ‘ਚ ਦੂਜੀ ਵਾਰ ਡੋਪਿੰਗ ਦਾ ਦੋਸ਼ ਲਗਾਇਆ ਗਿਆ ਸੀ।