ਵੈਮਬਲੀ ’ਚ ਪਰਫਾਰਮ ਕਰਨਾ ਮੇਰੀ ਜ਼ਿੰਦਗੀ ਦਾ ਬੇਸ਼ਕੀਮਤੀ ਪਲ : ਆਯੁਸ਼ਮਾਨ ਖੁਰਾਨਾ

ਮੁੰਬਈ – ਬਾਲੀਵੁੱਡ ਸਟਾਰ ਆਯੁਸ਼ਮਾਨ ਖੁਰਾਨਾ ਵਿਸ਼ਵ ਦੇ ਪ੍ਰਸਿੱਧ ਵੈਮਬਲੀ ਸਟੇਡੀਅਮ ’ਚ ਪਹਿਲੀ ਵਾਰ ਪ੍ਰਦਰਸ਼ਨ ਕਰਕੇ ਆਪਣੇ ਲਈ ਇਕ ਨਵਾਂ ਮੀਲ ਪੱਥਰ ਹਾਸਲ ਕਰਨ ਲਈ ਤਿਆਰ ਹਨ। ਉਹ ਕਹਿੰਦੇ ਹਨ, ‘‘ਮੇਰੇ ਲਈ ਵੈਮਬਲੇ ਸਟੇਡੀਅਮ ’ਚ ਪ੍ਰਦਰਸ਼ਨ ਕਰਨਾ ਬਹੁਤ ਮਾਣ ਵਾਲੀ ਗੱਲ ਹੈ। ਇਕ ਅਜਿਹੀ ਜਗ੍ਹਾ ਜਿਸ ਨੇ ਹੁਣ ਤੱਕ ਜਿਵੇਂ ਕਿ ਕਵੀਨ, ਕੋਲਡਪਲੇ, ਜਾਰਜ ਮਾਈਕਲ, ਮਾਈਕਲ ਜੈਕਸਨ ਵਰਗੇ ਸੰਗੀਤਕ ਦਿੱਗਜਾਂ ਤੋਂ ਲੈ ਕੇ 1966 ਫੀਫਾ ਵਿਸ਼ਵ ਕੱਪ ਫਾਈਨਲ ਸਣੇ ਕਈ ਇਤਿਹਾਸਕ ਖੇਡ ਸਮਾਗਮਾਂ ਦੀ ਮੇਜ਼ਬਾਨੀ ਕੀਤੀ ਹੈ।’’ 

ਆਯੁਸ਼ਮਾਨ ਖੁਰਾਨਾ ਦਾ ਕਹਿਣਾ ਹੈ, ‘‘ਭਾਰਤ ਹਰ ਖੇਤਰ ’ਚ ਦੁਨੀਆ ਭਰ ’ਚ ਛਾਇਆ ਹੋਇਆ ਹੈ। ਇਕ ਭਾਰਤੀ ਵਜੋਂ ਵੈਮਬਲੇ ’ਚ ਪ੍ਰਫਾਰਮ ਕਰਨਾ ਤੇ ਯੂ.ਕੇ. ’ਚ ਲੋਕਾਂ ਲਈ ਹਿੰਦੀ ਫਿਲਮ ਉਦਯੋਗ ਤੇ ਹਿੰਦੀ ਸਿਨੇਮਾ ਦੀ ਨੁਮਾਇੰਦਗੀ ਕਰਨਾ ਮੇਰੇ ਲਈ ਬਹੁਤ ਵੱਡਾ ਪਲ ਹੈ।’’