ਸ਼ਹਿਨਾਜ਼ ਭਰਾ ਸ਼ਾਹਬਾਜ਼ ਨਾਲ ਲਾਲ ਬਾਗ ਦੇ ਰਾਜਾ ਦੇ ਦਰਬਾਰ ਪਹੁੰਚੀ

ਮੁੰਬਈ: ਅਦਾਕਾਰਾ ਸ਼ਹਿਨਾਜ਼ ਗਿੱਲ ਮਨੋਰੰਜਨ ਜਗਤ ਦਾ ਜਾਣਿਆ-ਪਛਾਣਿਆ ਨਾਂ ਹੈ। ਸ਼ਹਿਨਾਜ਼ ਟੀ.ਵੀ ਰਿਐਲਿਟੀ ਸ਼ੋਅ ਬਿੱਗ ਬੌਸ ’ਚ ਆਪਣੇ ਸਵੈਗ ਨਾਲ ਕਾਫ਼ੀ ਸੁਰਖੀਆਂ ’ਚ ਰਹਿੰਦੀ ਹੈ। ਇਸ ਦੇ ਨਾਲ ਅਦਾਕਾਰਾ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਐਕਟਿਵ ਰਹਿੰਦੀ ਹੈ। ਸ਼ਹਿਨਾਜ਼ ਆਪਣੀ ਤਸਵੀਰਾਂ ਅਤੇ ਵੀਡੀਓਜ਼ ਨਾਲ ਪ੍ਰਸ਼ੰਸਕਾਂ ਦਾ ਮਨੋਰੰਜਨ ਕਰਦੀ ਰਹਿੰਦੀ ਹੈ।

ਹਾਲ ਹੀ ’ਚ ਸ਼ਹਿਨਾਜ਼ ਮੁੰਬਈ ਦੇ ਲਾਲ ਬਾਗ ਰਾਜਾ ਦੇ ਦਰਬਾਰ ’ਚ ਪਹੁੰਚੀ ਸੀ। ਇਸ ਦੌਰਾਨ ਸ਼ਹਿਨਾਜ਼ ਦੇ ਨਾਲ ਉਨ੍ਹਾਂ ਦਾ ਭਰਾ ਸ਼ਾਹਬਾਜ਼ ਵੀ ਮੌਜੂਦ ਸੀ। ਸ਼ਹਿਨਾਜ਼ ਆਪਣੇ ਭਰਾ ਤੋਂ ਇਲਾਵਾ ਆਪਣੇ ਮੈਨੇਜਰ ਕੁਸ਼ਲ ਜੋਸ਼ੀ, ਦੋਸਤ ਆਦਿਤ ਅਗਰਵਾਲ (ਸਿਧਾਰਥ ਸ਼ੁਕਲਾ ਦਾ ਖ਼ਾਸ ਦੋਸਤ ਅਤੇ ਡਰਾਈਵਰ), ਡਰਾਈਵਰ ਮਨੋਜ ਨਾਲ ਪਹੁੰਚੀ ਸੀ।

ਇਸ ਦੌਰਾਨ ਸ਼ਹਿਨਾਜ਼ ਦਾ ਖ਼ੂਬਸੂਰਤ ਅੰਦਾਜ਼ ਦੇਖਣ ਨੂੰ ਮਿਲਿਆ। ਲੁੱਕ ਦੀ ਗੱਲ ਕਰੀਏ ਤਾਂ ਅਦਾਕਾਰਾ  ਪੀਲੇ ਰੰਗ ਦੇ ਪਲਾਜ਼ੋ ਸੂਟ ’ਚ ਨਜ਼ਰ ਆ ਰਹੀ ਹੈ। ਸ਼ਹਿਨਾਜ਼ ਨੇ ਹੱਥਾਂ ’ਚ ਸਿਲਵਰ ਰੰਗ ਦੀਆਂ ਚੂੜੀਆਂ, ਈਅਰਰਿੰਗ ਅਤੇ ਮੱਥੇ ’ਤੇ ਬਿੰਦੀ ਸ਼ਹਿਨਾਜ਼ ਨਾਲ ਆਪਣੀ ਲੁੱਕ ਨੂੰ ਹੋਰ ਵਧਾ ਰਹੀ ਹੈ।

ਭਾਵੇਂ ਸ਼ਹਿਨਾਜ਼ ਦਾ ਲੁੱਕ ਸਾਦਾ ਸੀ ਪਰ ਉਹ ਹਮੇਸ਼ਾ ਦੀ ਤਰ੍ਹਾਂ ਖੂਬਸੂਰਤ ਲੱਗ ਰਹੀ ਸੀ। ਦੂਜੇ ਪਾਸੇ ਸ਼ਾਹਬਾਜ਼ ਸਫ਼ੈਦ ਟੀ-ਸ਼ਰਟ ਅਤੇ ਜੀਂਸ ’ਚ ਨਜ਼ਰ ਆਏ। ਇਸ ਦੌਰਾਨ ਸ਼ਹਿਨਾਜ਼ ਆਪਣੇ ਭਰਾ ਸ਼ਾਹਬਾਜ਼ ਦਾ ਹੱਥ ਫੜੀ ਨਜ਼ਰ ਆਈ। ਭੈਣ-ਭਰਾ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਪ੍ਰਸ਼ੰਸਕ ਕਾਫ਼ੀ ਪਸੰਦ ਕਰ ਰਹੇ ਹਨ।

ਸ਼ਹਿਨਾਜ਼ ਗਿੱਲ ਦੇ ਫ਼ਿਲਮੀ ਕਰੀਅਰ  ਦੀ ਗੱਲ ਕਰੀਏ ਤਾਂ ਉਹ ਸਲਮਾਨ ਖ਼ਾਨ ਦੀ ਬਾਲੀਵੁੱਡ ਫ਼ਿਲਮ ’ਚ ਡੈਬਿਊ ਕਰਨ ਜਾ ਰਹੀ ਹੈ। ਹਾਲ ਹੀ ’ਚ ਫ਼ਿਲਮ ਦਾ ਟੀਜ਼ਰ ਵੀਡੀਓ ਸਾਹਮਣੇ ਆਇਆ ਹੈ। ਇਹ ਫ਼ਿਲਮ ਦਸੰਬਰ 2022 ’ਚ ਰਿਲੀਜ਼ ਹੋਵੇਗੀ।

ਇਸ ਦੇ ਨਾਲ ਹੀ ਸ਼ਹਿਨਾਜ਼ ਨੇ ਹਾਲ ਹੀ ’ਚ ਆਪਣੀ ਦੂਜੀ ਵੱਡੀ ਫ਼ਿਲਮ ਦਾ ਐਲਾਨ ਕੀਤਾ ਹੈ।ਸ਼ਹਿਨਾਜ਼ ਸਾਜਿਦ ਨਾਡਿਆਡਵਾਲਾ ਦੀ ਫ਼ਿਲਮ ‘100%’ ’ਚ ਨਜ਼ਰ ਆਵੇਗੀ। ਇਸ ’ਚ ਉਸ ਦੇ ਨਾਲ ਜਾਨ ਅਬ੍ਰਾਹਮ, ਰਿਤੇਸ਼ ਦੇਸ਼ਮੁਖ ਅਤੇ ਨੋਰਾ ਫਤੇਹੀ ਹਨ। ਇਹ ਫਿਲਮ 2023 ਦੀ ਦੀਵਾਲੀ ’ਤੇ ਰਿਲੀਜ਼ ਹੋਣ ਵਾਲੀ ਹੈ।