ਰਿਕੀ ਪੋਂਟਿੰਗ ਦਿੱਲੀ ਕੈਪੀਟਲਜ਼ ਦੇ ਮੁੱਖ ਕੋਚ ਬਣੇ ਰਹਿਣਗੇ

ਨਵੀਂ ਦਿੱਲੀ— ਆਸਟ੍ਰੇਲੀਆ ਦੇ ਸਾਬਕਾ ਕਪਤਾਨ ਰਿਕੀ ਪੋਂਟਿੰਗ ਦਾ ਦਿੱਲੀ ਕੈਪੀਟਲਜ਼ ਦੇ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਪਿਛਲੇ ਸੀਜ਼ਨ ‘ਚ ਨੌਵੇਂ ਸਥਾਨ ‘ਤੇ ਰਹਿਣ ਦੇ ਬਾਵਜੂਦ ਮੁੱਖ ਕੋਚ ਵਜੋਂ ਬਣੇ ਰਹਿਣਾ ਯਕੀਨੀ ਹੈ। ਟੀਮ ਦੇ ਸਹਿ-ਮਾਲਕ ਪਾਰਥ ਜਿੰਦਲ ਨੇ ਅਜਿਹੇ ਸੰਕੇਤ ਦਿੱਤੇ ਹਨ। ਅਟਕਲਾਂ ਚੱਲ ਰਹੀਆਂ ਸਨ ਕਿ ਟੀਮ ਦੇ ਖਰਾਬ ਪ੍ਰਦਰਸ਼ਨ ਤੋਂ ਬਾਅਦ ਪੌਂਟਿੰਗ ਅਸਤੀਫਾ ਦੇ ਸਕਦਾ ਹੈ ਪਰ ਜਿੰਦਲ ਨੇ ਟਵਿੱਟਰ ‘ਤੇ ਸਾਰੇ ਸ਼ੰਕਿਆਂ ਨੂੰ ਦੂਰ ਕਰਦੇ ਹੋਏ ਐਲਾਨ ਕੀਤਾ ਕਿ ਕ੍ਰਿਕਟ ਦੇ ਨਿਰਦੇਸ਼ਕ ਸੌਰਵ ਗਾਂਗੁਲੀ ਅਤੇ ਪੋਂਟਿੰਗ ਥਿੰਕ ਟੈਂਕ ਦਾ ਹਿੱਸਾ ਬਣੇ ਰਹਿਣਗੇ।

ਜਿੰਦਲ ਨੇ ਕਿਹਾ, ”ਇੱਥੇ ਦਿੱਲੀ ਕੈਪੀਟਲਸ ‘ਚ ਸੌਰਵ ਗਾਂਗੁਲੀ ਅਤੇ ਰਿਕੀ ਪੋਂਟਿੰਗ ਨਾਲ ਅਗਲੇ ਸਾਲ ਦੇ ਆਈ. ਪੀ. ਐੱਲ. ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਅਸੀਂ ਪ੍ਰਸ਼ੰਸਕਾਂ ਨੂੰ ਭਰੋਸਾ ਦਿਵਾਉਂਦੇ ਹਾਂ ਕਿ ਕਿਰਨ ਅਤੇ ਮੈਂ ਟੀਮ ਨੂੰ ਉੱਥੇ ਵਾਪਸ ਲਿਆਉਣ ਲਈ ਸਖਤ ਮਿਹਨਤ ਕਰ ਰਹੇ ਹਾਂ ਜਿੱਥੇ ਅਸੀਂ ਇਸ ਚਾਹੁੰਦੇ ਹਾਂ ਕਿ ਇਹ ਫਰੈਂਚਾਈਜ਼ੀ ਹੋਵੇ ਅਤੇ ਇਹ ਗੱਲ ਸਭ ਤੋਂ ਉੱਪਰ ਹੈ।

ਹਾਲਾਂਕਿ ਇਹ ਸਪੱਸ਼ਟ ਨਹੀਂ ਹੈ ਕਿ ਪੋਂਟਿੰਗ ਨੂੰ ਉਨ੍ਹਾਂ ਦੀ ਪਸੰਦ ਦਾ ਸਪੋਰਟਸ  ਸਪੋਰਟ ਸਟਾਫ ਮਿਲੇਗਾ ਜਾਂ ਨਹੀਂ ਕਿਉਂਕਿ ਸ਼ੇਨ ਵਾਟਸਨ ਅਤੇ ਜੇਮਸ ਹੋਪਸ ਅਗਲੀ ਵਾਰ ਡਗ ਆਊਟ ‘ਚ ਨਜ਼ਰ ਨਹੀਂ ਆਉਣਗੇ। ਫੀਲਡਿੰਗ ਕੋਚ ਬੀਜੂ ਜਾਰਜ ਦੀ ਕਿਸਮਤ ਬਾਰੇ ਕੋਈ ਸਪੱਸ਼ਟਤਾ ਨਹੀਂ ਹੈ ਜਦਕਿ ਪ੍ਰਵੀਨ ਅਮਰੇ ਅਤੇ ਅਜੀਤ ਅਗਰਕਰ ਦੇ ਬਣੇ ਰਹਿਣ ਦੀ ਸੰਭਾਵਨਾ ਹੈ।