ਬ੍ਰਿਟਿਸ਼ ਸੰਸਦ ਨੇ ਤੇਲੰਗਾਨਾ ਦੇ CM ਨੂੰ ਲਿਖਿਆ ਪੱਤਰ, ਬਾਬਾ ਸਾਹਿਬ ਦਾ ਬੁੱਤ ਸਥਾਪਤ ਕਰਨ ‘ਤੇ ਕੀਤੀ ਸ਼ਲਾਘਾ

ਹੈਦਰਾਬਾਦ : ਭਾਰਤੀ ਮੂਲ ਦੇ ਬ੍ਰਿਟਿਸ਼ ਸੰਸਦ ਵਰਿੰਦਰ ਸ਼ਰਮਾ ਨੇ ਬਾਬਾ ਸਾਹਿਬ ਡਾ. ਭੀਮ ਰਾਓ ਅੰਬੇਡਕਰ ਦਾ 125 ਫੁੱਟ ਉੱਚਾ ਬੁੱਤ ਸਥਾਪਤ ਕਰਨ ਨੂੰ ਲੈ ਕੇ ਤੇਲੰਗਾਨਾ ਦੇ ਮੁੱਖ ਮੰਤਰੀ ਚੰਦਰਸ਼ੇਖਰ ਰਾਓ (ਕੇ.ਸੀ.ਆਰ.) ਦੀ ਸ਼ਲਾਘਾ ਕੀਤੀ। ਕੇ.ਸੀ.ਆਰ. ਨੇ 14 ਅਪ੍ਰੈਲ ਨੂੰ ਹੈਦਰਾਬਾਦ ਵਿਚ ਅੰਬੇਡਕਰ ਦੇ 125 ਫੁੱਟ ਉੱਚੇ ਬੁੱਤ ਦਾ ਉਦਘਾਟਨ ਕੀਤਾ ਸੀ। 

ਤੇਲੰਗਾਨਾ ਦੇ ਮੁੱਖ ਮੰਤਰੀ ਨੂੰ ਸੰਬੋਧਤ ਇਕ ਪੱਤਰ (ਜੋ ਸ਼ਨੀਵਾਰ ਨੂੰ ਸੀ.ਐੱਮ.ਓ. ਵੱਲੋਂ ਜਾਰੀ ਕੀਤਾ ਗਿਆ) ਵਿਚ ਇਲਿੰਗ ਦੇ ਸੰਸਦ ਮੈਂਬਰ ਵਰਿੰਦਰ ਸ਼ਰਮਾ ਨੇ ਕਿਹਾ, “ਭੀਮ ਰਾਓ ਅੰਬੇਡਕਰ ਦੇ ਨਵੇਂ ਬੁੱਤ ਦਾ ਨਿਰਮਾਣ ਇਕ ਮਹਾਨ ਪ੍ਰਾਪਤੀ ਹੈ। ਆਸ ਹੈ ਕਿ ਤੁਹਾਨੂੰ ਤੇ ਪੂਰੇ ਸੂਬੇ ਨੂੰ ਇਸ ‘ਤੇ ਮਾਣ ਹੋਵੇਗਾ। ਅੰਬੇਡਕਰ ਦੇ ਕੋਲ ਭਵਿੱਖ ਲਈ ਇਕ ਨਜ਼ਰੀਆ ਸੀ, ਜਿਸ ਨੂੰ ਅਸੀਂ ਅਜੇ ਵੀ ਪੂਰੀ ਤਰ੍ਹਾਂ ਲਾਗੂ ਨਹੀਂ ਕੀਤਾ।” ਬ੍ਰਿਟਿਸ਼ ਸੰਸਦ ਨੇ ਤੇਲੰਗਾਨਾ ਦੇ ਮੁੱਖ ਮੰਤਰੀ ਨੂੰ ਸੰਬੋਧਤ ਪੱਤਰ ਵਿਚ ਲਿਖਿਆ, “ਮੈਨੂੰ ਆਸ ਹੈ ਕਿ ਤੁਸੀਂ ਛੇਤੀ ਹੀ ਬ੍ਰਿਟੇਨ ਵਿਚ ਸਾਡੇ ਨਾਲ ਮਿਲੋਗੇ ਤੇ ਹੈਦਰਾਬਾਦ ਵਿਚ ਬੁੱਤ ਸਥਾਪਤ ਕਰਨ ਦੇ ਪਿੱਛੇ ਦੀ ਪ੍ਰੇਰਣਾ ਸਾਂਝੀ ਕਰੋਗੇ।”