ਭਾਰਤ ’ਚ ਪਹਿਲੀ ਵਾਰ ਨਦੀ ਦੇ ਹੇਠਾਂ ਦੌੜੀ ਮੈਟਰੋ ਟਰੇਨ, ਹਾਵੜਾ ਤੋਂ ਪਹੁੰਚੀ ਕਲਕੱਤਾ
April 13, 2023
![](http://mehakewattan.com/wp-content/uploads/2023/04/2023_4image_03_57_345154449ccl-ll.jpg)
ਕਲਕੱਤਾ- ਕਲਕੱਤਾ ਮੈਟਰੋ ਨੇ ਬੁੱਧਵਾਰ ਨੂੰ ਉਸ ਸਮੇਂ ਇਤਿਹਾਸ ਰਚ ਦਿੱਤਾ, ਜਦੋਂ ਉਸ ਦੀ ਇਕ ਟਰੇਨ ਨੇ ਦੇਸ਼ ’ਚ ਪਹਿਲੀ ਵਾਰ ਇਕ ਨਦੀ ਹੇਠ ਬਣੀ ਸੁਰੰਗ ’ਚ ਦੌੜ ਲਗਾਈ। ਇਕ ਸੀਨੀਅਰ ਅਧਿਕਾਰੀ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ। ਮੈਟਰੋ ਦੀ ਇਸ ਟਰੇਨ ’ਚ ਸਿਰਫ ਅਧਿਕਾਰੀ ਅਤੇ ਇੰਜੀਨੀਅਰ ਸਵਾਰ ਸਨ। ਉਹ ਹੁਗਲੀ ਨਦੀ ਦੇ ਹੇਠੋਂ ਹੁੰਦੀ ਹੋਈ ਕੋਲਕਾਤਾ ਤੋਂ ਹਾਵੜਾ ਪਹੁੰਚੀ। ਅਧਿਕਾਰੀ ਨੇ ਕਿਹਾ ਕਿ ਕੋਲਕਾਤਾ ਅਤੇ ਉਸ ਦੇ ਉਪ ਨਗਰਾਂ ’ਚ ਵਸਦੇ ਨਾਗਰਿਕਾਂ ਨੂੰ ਆਧੁਨਿਕ ਆਵਾਜਾਈ ਵਿਵਸਥਾ ਮੁਹੱਈਆ ਕਰਵਾਉਣ ਦੀ ਦਿਸ਼ਾ ਇਹ ਇਕ ਕ੍ਰਾਂਤੀਕਾਰੀ ਕਦਮ ਹੈ। ਮੈਟਰੋ ਰੇਲਵੇ ਦੇ ਮਹਾਪ੍ਰਬੰਧਕ ਪੀ. ਉਦੇ ਕੁਮਾਰ ਰੈਡੀ ਅਤੇ ਹੋਰ ਸੀਨੀਅਰ ਅਧਿਕਾਰੀਆਂ ਨੇ ਕੋਲਕਾਤਾ ਦੇ ਮਹਾਕਰਨ ਸਟੇਸ਼ਨ ਤੋਂ ਹਾਵੜਾ ਮੈਦਾਨ ਸਟੇਸ਼ਨ ਤੱਕ ਟਰੇਨ ’ਚ ਯਾਤਰਾ ਕੀਤੀ।