ਅੰਮ੍ਰਿਤਪਾਲ ਦੇ ਹੁਣ ਫਗਵਾੜਾ-ਹੁਸ਼ਿਆਰਪੁਰ ਹਾਈਵੇਅ ’ਤੇ ਇਸ ਪਿੰਡ ’ਚ ਦੇਖੇ ਜਾਣ ਦੀ ਉੱਡੀ ਖ਼ਬਰ
March 29, 2023
![](http://mehakewattan.com/wp-content/uploads/2023/03/2023_3image_02_02_073829113ssafffssassaaasaasaasaa-ll.jpg)
ਜਲੰਧਰ : ਮੰਗਲਵਾਰ ਦੇਰ ਰਾਤ ਅੰਮ੍ਰਿਤਪਾਲ ਸਿੰਘ ਨੂੰ ਫਗਵਾੜਾ-ਹੁਸ਼ਿਆਰਪੁਰ ਹਾਈਵੇਅ ’ਤੇ ਸਥਿਤ ਪਿੰਡ ਮਰਣੀਆਂ ਕਲਾਂ ’ਚ ਦੇਖਣ ਦਾ ਦਾਅਵਾ ਕੀਤਾ ਗਿਆ। ਜਿਵੇਂ ਹੀ ਪੁਲਸ ਕੋਲ ਇਹ ਸੂਚਨਾ ਪਹੁੰਚੀ ਤਾਂ ਪੰਜਾਬ ਪੁਲਸ ਦੀ ਫੋਰਸ ਅਤੇ ਸੀ.ਆਰ.ਪੀ.ਐੱਫ. ਦੇ ਜਵਾਨਾਂ ਨੇ ਪਿੰਡ ਨੂੰ ਘੇਰਾ ਪਾ ਲਿਆ। ਦੱਸਿਆ ਜਾ ਰਿਹਾ ਹੈ ਕਿ ਅੰਮ੍ਰਿਤਪਾਲ ਸਿੰਘ ਇਨੋਵਾ ਕਾਰ ’ਚ ਸਵਾਰ ਸੀ।
ਹਾਲਾਂਕਿ ਇਹ ਸੂਚਨਾ ਕਿਸ ਨੇ ਦਿੱਤੀ, ਇਸ ਬਾਰੇ ਕੋਈ ਠੋਸ ਜਵਾਬ ਨਹੀਂ ਮਿਲ ਰਿਹਾ ਪਰ ਪੁਲਸ ਨੇ ਕਾਫ਼ੀ ਦੇਰ ਤੱਕ ਪਿੰਡ ’ਚ ਤਲਾਸ਼ੀ ਮੁਹਿੰਮ ਚਲਾਈ ਪਰ ਅੰਮ੍ਰਿਤਪਾਲ ਸਿੰਘ ਦਾ ਕੋਈ ਸੁਰਾਗ ਨਹੀਂ ਮਿਲਿਆ। ਲੰਮੀ ਤਲਾਸ਼ੀ ਮੁਹਿੰਮ ਤੋਂ ਬਾਅਦ ਪੁਲਸ ਅਤੇ ਸੀ.ਆਰ.ਪੀ.ਐੱਫ. ਦੇ ਕਾਫ਼ਿਲੇ ਨੂੰ ਵਾਪਸ ਭੇਜਿਆ ਗਿਆ। ਦੱਸ ਦੇਈਏ ਕਿ ਪਿੰਡ ਮਰਨੀਆਂ ਕਲਾਂ ਜਲੰਧਰ ਤੋਂ 45 ਕਿਲੋਮੀਟਰ ਦੀ ਦੂਰੀ ’ਤੇ ਹੈ।