ਦਵਾਈ ਨਿਰਮਾਤਾ ਕੰਪਨੀ Novo Nordisk ਇੰਸੁਲਿਨ ਦੀ ਕੀਮਤ ‘ਚ 75 ਫ਼ੀਸਦੀ ਤੱਕ ਕਰੇਗੀ ਕਟੌਤੀ

ਅਮਰੀਕਾ ਦੀ ਦਵਾਈ ਨਿਰਮਾਤਾ ਕੰਪਨੀ Novo Nordisk ਕੰਪਨੀ ਨੇ ਸ਼ੂਗਰ ਦੀਆਂ ਦਵਾਈਆਂ ਦੀਆਂ ਕੀਮਤਾਂ ‘ਚ ਵੱਡੀ ਕਟੌਤੀ ਕੀਤੀ ਹੈ। ਕੰਪਨੀ ਨੇ ਇਹ ਫ਼ੈਸਲਾ ਇਲਾਜ ਦੀ ਵਧਦੀ ਲਾਗਤ ਦੇ ਮੱਦੇਨਜ਼ਰ ਲਿਆ ਹੈ। ਦੱਸ ਦੇਈਏ ਕਿ Novo Nordisk ਅਮਰੀਕਾ ਸਮੇਤ ਦੁਨੀਆ ਦੀ ਸਭ ਤੋਂ ਵੱਡੀ ਡਰੱਗ ਨਿਰਮਾਤਾ ਕੰਪਨੀ ਹੈ। ਮੰਗਲਵਾਰ ਨੂੰ ਕੰਪਨੀ ਦੁਆਰਾ ਇਕ ਬਿਆਨ ਜਾਰੀ ਕੀਤਾ ਗਿਆ ਸੀ ਕਿ ਉਹ ਸ਼ੂਗਰ ਦੀਆਂ ਦਵਾਈਆਂ ਵਿੱਚ 75 ਫ਼ੀਸਦੀ ਦੀ ਕਟੌਤੀ ਕਰੇਗੀ। ਕੰਪਨੀ ਨੇ ਕਿਹਾ ਕਿ ਅਗਲੇ ਸਾਲ ਜਨਵਰੀ 2024 ਤੋਂ ਨੋਵੋਲਿਨ ਅਤੇ ਲੇਵੇਮਿਰ ਦੀਆਂ ਕੀਮਤਾਂ ‘ਚ 65 ਫ਼ੀਸਦੀ ਤੱਕ ਦੀ ਕਟੌਤੀ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ ਨੋਵੋ ਨੇ ਆਪਣੇ ਗੈਰ-ਬ੍ਰਾਂਡਡ ਡਾਇਬਟੀਜ਼ ਪ੍ਰੋਡਕਟਜ਼ ਦੀਆਂ ਕੀਮਤਾਂ ਵਿੱਚ ਕਟੌਤੀ ਕਰਨ ਦੀ ਯੋਜਨਾ ਬਣਾਈ ਹੈ ਤਾਂ ਕਿ ਨੋਵੋ ਦੇ ਸਬੰਧਤ ਬ੍ਰਾਂਡਾਂ ਦੀਆਂ ਘੱਟ ਕੀਮਤਾਂ ਨਾਲ ਮਿਲਾਨ ਕੀਤਾ ਜਾ ਸਕੇ।

ਨੋਵੋ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਸਟੀਵ ਐਲਬਰਸ ਨੇ ਕਿਹਾ, “ਅਸੀਂ ਅੱਗੇ ਵਧਣ ਲਈ ਇਕ ਟਿਕਾਊ ਹੱਲ ਲੱਭ ਰਹੇ ਹਾਂ, ਜੋ ਮਰੀਜ਼ ਦੀ ਸਮਰੱਥਾ ਦੇ ਅਨੁਕੂਲ ਹੋਵੇ ਅਤੇ ਮਾਰਕੀਟ ਅਤੇ ਨੀਤੀਗਤ ਤਬਦੀਲੀਆਂ ਦਾ ਪ੍ਰਬੰਧਨ ਕਰੇ।” ਉਨ੍ਹਾਂ ਕਿਹਾ ਕਿ Novo Nordisk ਇਹ ਸੁਨਿਸ਼ਚਿਤ ਕਰਨ ਲਈ ਵਚਨਬੱਧ ਹੈ ਕਿ ਡਾਇਬਟੀਜ਼ ਤੋਂ ਪੀੜਤ ਮਰੀਜ਼ ਸਾਡੀਆਂ ਦਵਾਈਆਂ ਦਾ ਖਰਚ ਉਠਾ ਸਕੇ, ਇਹ ਇਕ ਜ਼ਿੰਮੇਵਾਰੀ ਹੈ, ਜਿਸ ਨੂੰ ਅਸੀਂ ਬਹੁਤ ਗੰਭੀਰਤਾ ਨਾਲ ਲੈਂਦੇ ਹਾਂ। ਉਨ੍ਹਾਂ ਕਿਹਾ ਕਿ ਬੀਮਾ ਵਾਲੇ ਬਹੁਤ ਸਾਰੇ ਲੋਕ ਲਾਗਤ ‘ਚ ਇਕ ਸਮਾਨ ਗਿਰਾਵਟ ਨਹੀਂ ਦੇਖ ਸਕਦੇ ਕਿਉਂਕਿ ਉਹ ਨਿਸ਼ਚਿਤ ਮਾਸਿਕ ਅਦਾਇਗੀਆਂ ਦਾ ਭੁਗਤਾਨ ਕਰਦੇ ਹਨ। ਫਿਰ ਵੀ ਬੀਮਾ ਰਹਿਤ ਲੋਕ ਅਤੇ ਉੱਚ-ਕਟੌਤੀਯੋਗ ਯੋਗ ਸਿਹਤ ਯੋਜਨਾਵਾਂ ਵਾਲੇ ਲੋਕ ਕੀਮਤਾਂ ‘ਚ ਕਟੌਤੀ ਦੇ ਨਤੀਜੇ ਵਜੋਂ ਘੱਟ ਲਾਗਤਾਂ ਦੇਖ ਸਕਦੇ ਹਨ। 

ਸਟੀਵ ਐਲਬਰਸ ਨੇ ਕਿਹਾ ਕਿ ਨੋਵੋ ਦੀਆਂ ਕੀਮਤਾਂ ਵਿੱਚ ਕਟੌਤੀ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਏਲੀ ਲਿਲੀ ਐਂਡ ਕੰਪਨੀ ਦੇ ਫ਼ੈਸਲੇ ਦਾ ਪਾਲਣ ਕਰਦੀ ਹੈ ਤੇ 2023 ਦੀ ਚੌਥੀ ਤਿਮਾਹੀ ‘ਚ ਸ਼ੂਗਰ ਦੀਆਂ ਦਵਾਈਆਂ ਦੀਆਂ ਕੀਮਤਾਂ ਵਿੱਚ 70 ਪ੍ਰਤੀਸ਼ਤ ਦੀ ਕਟੌਤੀ ਕੀਤੀ ਜਾਵੇਗੀ। ਲਿਲੀ ਨੇ ਇਹ ਵੀ ਕਿਹਾ ਕਿ ਇਹ ਮਰੀਜ਼ਾਂ ‘ਤੇ $35/ਮਹੀਨੇ ਕੈਪ ਦਾ ਵਿਸਤਾਰ ਕਰੇਗੀ।