ਬਰਤਾਨਵੀ ਫ਼ੌਜ ਦੀ ਅਫ਼ਸਰ ਸਿਖਲਾਈ ਟੀਮ ਦਾ ਸ੍ਰੀ ਗੁਰੂ ਸਿੰਘ ਸਭਾ ਸਾਊਥਾਲ ਪਹੁੰਚਣ ’ਤੇ ਸਵਾਗਤ
February 2, 2023
ਲੰਡਨ: ਬਰਤਾਨਵੀ ਫ਼ੌਜ ਦੇ ਭਵਿੱਖ ’ਚ ਆਉਣ ਵਾਲੇ ਅਫ਼ਸਰਾਂ ਨੇ ਸ੍ਰੀ ਗੁਰੂ ਸਿੰਘ ਸਭਾ ਸਾਊਥਾਲ ਗੁਰੂ ਨਾਨਕ ਰੋਡ ਵਿਖੇ ਹਾਜ਼ਰੀ ਭਰੀ। ਸਿੱਖ ਧਰਮ ਅਤੇ ਸਿੱਖ ਇਤਿਹਾਸ ਬਾਰੇ ਪੂਰੀ ਜਾਣਕਾਰੀ ਹਾਸਲ ਕਰਨ ’ਤੇ ਵਿਸ਼ਵਾਸ ਜਤਾਇਆ ਕਿ ਇਹ ਜਾਣਕਾਰੀ ਨਵੇਂ ਭਰਤੀ ਹੋਣ ਵਾਲੇ ਸਾਰੇ ਅਫ਼ਸਰਾਂ ਤੱਕ ਪਹੁੰਚਾਈ ਜਾਵੇਗੀ।
ਸ੍ਰੀ ਗੁਰੂ ਸਿੰਘ ਸਭਾ ਸਾਊਥਾਲ ਗੁਰੂ ਨਾਨਕ ਰੋਡ ਦੇ ਮੁੱਖ ਸੇਵਾਦਾਰ ਸੁਖਦੇਵ ਸਿੰਘ ਔਜਲਾ ਨੇ ਉਨ੍ਹਾਂ ਦਾ ਸਵਾਗਤ ਕਰਦੇ ਹੋਏ ਜੀ ਆਇਆਂ ਆਖਿਆ ਅਤੇ ਨਵਰਾਜ ਸਿੰਘ ਚੀਮਾ ਨੇ ਸਿੱਖ ਧਰਮ ਅਤੇ ਸਿੱਖ ਇਤਿਹਾਸ ਬਾਰੇ ਭਰਪੂਰ ਜਾਣਕਾਰੀ ਦਿੱਤੀ। ਇਸ ਫ਼ੌਜੀ ਅਫ਼ਸਰਾਂ ਨਾਲ ਸੁਖਦੇਵ ਸਿੰਘ ਔਜਲਾ, ਨਵਰਾਜ ਸਿੰਘ ਚੀਮਾ ਅਤੇ ਸ੍ਰੀ ਗੁਰੂ ਸਿੰਘ ਸਭਾ ਦੇ ਸਕਿਓਰਿਟੀ ਅਫ਼ਸਰ ਚਰਨਜੀਤ ਸਿੰਘ ਚੰਨੀ ਹਾਜ਼ਰ ਸਨ।