ਅਮਰੀਕਾ ‘ਚ ਭਿਆਨਕ ਤੂਫਾਨ ਨੇ ਮਚਾਈ ਤਬਾਹੀ, 2 ਲੋਕਾਂ ਦੀ ਮੌਤ

ਅਮਰੀਕਾ ਦੇ ਮਿਸੀਸਿਪੀ ਅਤੇ ਅਲਬਾਮਾ ਵਿੱਚ ਤੂਫਾਨ ਨੇ ਕਈ ਘਰਾਂ ਨੂੰ ਨੁਕਸਾਨ ਪਹੁੰਚਾਇਆ, ਇਕ ਫਾਇਰ ਸਟੇਸ਼ਨ ਨੂੰ ਤਬਾਹ ਕਰ ਦਿੱਤਾ, ਕਰਿਆਨੇ ਦੀ ਦੁਕਾਨ ‘ਚ ਕੁਝ ਲੋਕ ਫਸ ਗਏ ਅਤੇ ਇਕ ਅਪਾਰਟਮੈਂਟ ਕੰਪਲੈਕਸ ਦੀ ਛੱਤ ਡਿੱਗ ਗਈ। ਬੁੱਧਵਾਰ ਨੂੰ ‘ਡੀਪ ਸਾਊਥ’ ਦੇ ਕੁਝ ਹਿੱਸਿਆਂ ਵਿੱਚ ਤੂਫਾਨ ਕਾਰਨ 2 ਲੋਕਾਂ ਦੀ ਮੌਤ ਹੋਣ ਦੀ ਖ਼ਬਰ ਹੈ। ਨੈਸ਼ਨਲ ਵੈਦਰ ਸਰਵਿਸ ਨੇ ਚਿਤਾਵਨੀ ਦਿੱਤੀ ਸੀ ਕਿ ਤੂਫਾਨ ਟੈਕਸਾਸ ਤੋਂ ਪੂਰਬ ਵੱਲ ਵਧੇਗਾ।

ਮਾਂਟਗੋਮਰੀ ਸ਼ਹਿਰ ਦੇ ਉੱਤਰ ਵਿੱਚ ਫਲੈਟਵੁੱਡ ਭਾਈਚਾਰੇ ਦੇ 2 ਲੋਕ ਮਾਰੇ ਗਏ। ਮਾਂਟਗੋਮਰੀ ਕਾਉਂਟੀ ਐਮਰਜੈਂਸੀ ਮੈਨੇਜਮੈਂਟ ਏਜੰਸੀ ਦੀ ਡਾਇਰੈਕਟਰ ਕ੍ਰਿਸਟੀਨਾ ਥਾਰਨਟਨ ਨੇ ਕਿਹਾ, ”ਉਹ ਆਪਣੇ ਘਰ ‘ਚ ਸੀ ਅਤੇ ਤੂਫਾਨ ਕਾਰਨ ਉਸ ‘ਤੇ ਇਕ ਦਰੱਖਤ ਡਿੱਗ ਗਿਆ।” ਉਸ ਨੇ ਕਿਹਾ ਕਿ ਇਲਾਕੇ ਦੇ ਹੋਰ ਲੋਕ ਜ਼ਖਮੀ ਹੋਏ ਹਨ ਅਤੇ ਬਚਾਅ ਦਲ ਬੁੱਧਵਾਰ ਸਵੇਰ ਤੱਕ ਪ੍ਰਭਾਵਿਤ ਖੇਤਰ ਵਿੱਚ ਪਹੁੰਚ ਸਕਿਆ।