ਯੂਗਾਂਡਾ ਵਿੱਚ ਭਾਰਤੀ ਕਾਰੋਬਾਰੀ ਦੀ ਗੋਲੀ ਮਾਰ ਕੇ ਹੱਤਿਆ
November 1, 2022
![](http://mehakewattan.com/wp-content/uploads/2022/11/2022_11largeimg_1826617558.jpg)
ਯੂਗਾਂਡਾ ਦੇ ਕਿਸੋਰੋ ਕਸਬੇ ’ਚ ਇਕ ਪੁਲੀਸ ਕਰਮੀ ਨੇ 24 ਵਰ੍ਹਿਆਂ ਦੇ ਭਾਰਤੀ ਕਾਰੋਬਾਰੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਮ੍ਰਿਤਕ ਦੀ ਪਛਾਣ ਕੁਨਤਾਜ ਪਟੇਲ ਵਜੋਂ ਹੋਈ ਹੈ। ਸਿਪਾਹੀ ਐਲੀਓਦਾ ਗੁਮੀਜ਼ਾਮੂ (21) ਨੂੰ ਪੁਲੀਸ ਨੇ 27 ਅਕਤੂਬਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਅਖ਼ਬਾਰ ‘ਦਿ ਡੇਲੀ ਮੌਨਿਟਰ’ ਦੀ ਰਿਪੋਰਟ ਮੁਤਾਬਕ ਸਿਪਾਹੀ ਕਾਰੋਬਾਰੀ ਦੀ ਹੱਤਿਆ ਕਰਨ ਮਗਰੋਂ ਫ਼ਰਾਰ ਹੋਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਪਰ ਪੁਲੀਸ ਨੇ ਉਸ ਨੂੰ ਫੜ ਲਿਆ। ਪੁਲੀਸ ਉਸ ਦੇ ਹੋਰ ਸਾਥੀਆਂ ਦੀ ਭਾਲ ਕਰ ਰਹੀ ਹੈ। ਇਹ ਘਟਨਾ ਉਸ ਸਮੇਂ ਵਾਪਰੀ ਹੈ ਜਦੋ ਦੋ ਭਾਰਤੀਆਂ ਨੂੰ ਕੀਨੀਆ ’ਚ ਕਈ ਮਹੀਨੇ ਪਹਿਲਾਂ ਅਗਵਾ ਕਰਨ ਮਗਰੋਂ ਮਾਰ ਦਿੱਤਾ ਗਿਆ ਸੀ।