ਸਰਹੱਦ ਪਾਰ: ਪਾਕਿ ਦੇ ਸਰਕਾਰੀ ਮੈਡੀਕਲ ਕਾਲਜ ’ਚ ਭਾਰਤੀ ਤਿਰੰਗਾ ਲਹਿਰਾ ਵੰਦੇ ਮਾਤਰਮ ਦਾ ਗੀਤ ਵਜਾਇਆ

ਗੁਰਦਾਸਪੁਰ, ਪਾਕਿਸਤਾਨ : ਮੁਲਤਾਨ ਸ਼ਹਿਰ ਦੇ ਸਰਕਾਰੀ ਮੈਡੀਕਲ ਕਾਲਜ ਵਿਚ ਭਾਰਤੀ ਰਾਸ਼ਟਰੀ ਝੰਡਾ ਤਿਰੰਗਾ ਲਹਿਰਾਉਣ ਅਤੇ ਵੰਦੇ ਮਾਤਰਮ ਦੇ ਗਾਇਨ ਨੇ ਪੂਰੇ ਪਾਕਿਸਤਾਨ ਵਿਚ ਭੂਚਾਲ ਮਚਾ ਦਿੱਤਾ ਹੈ। ਇਸ ਮਾਮਲੇ ਨੂੰ ਲੈ ਕੇ ਪਾਕਿਸਤਾਨ ਦੇ ਸਮੂਹ ਸੁਰੱਖਿਆ, ਖੁਫੀਆ ਅਤੇ ਫੌਜੀ ਏਜੰਸੀਆਂ ’ਚ ਹੰਗਾਮਾ ਮਚ ਗਿਆ ਹੈ।

ਸਰਹੱਦ ਪਾਰ ਸੂਤਰਾਂ ਅਨੁਸਾਰ ਪਿਛਲੇ ਦਿਨੀਂ ਜਦੋਂ ਵਿਦਿਆਰਥੀ ਅਤੇ ਪ੍ਰੋਫ਼ੈਸਰ ਮੁਲਤਾਨ ਦੇ ਸਰਕਾਰੀ ਮੈਡੀਕਲ ਕਾਲਜ ਕੈਂਪਸ ਵਿੱਚ ਆਏ ਤਾਂ ਕਾਲਜ ਵਿੱਚ ਭਾਰਤੀ ਤਿਰੰਗੇ ਝੰਡੇ ਨੂੰ ਦੇਖ ਕੇ ਹੈਰਾਨ ਰਹਿ ਗਏ। ਕਾਲਜ ਦੇ ਮਾਈਕ ਸਿਸਟਮ ’ਤੇ ਵੀ ਵੰਦੇ ਮਾਤਰਮ ਦਾ ਗੀਤ ਚੱਲ ਰਿਹਾ ਸੀ। ਕਾਲਜ ਦੇ ਪ੍ਰੋਫ਼ੈਸਰਾਂ ਨੇ ਤੁਰੰਤ ਮਾਈਕ ਸਿਸਟਮ ਵਿੱਚ ਲੱਗੀ ਪੈੱਨ ਡਰਾਈਵ ਨੂੰ ਹਟਾ ਕੇ ਗੀਤ ਨੂੰ ਬੰਦ ਕਰ ਦਿੱਤਾ। ਇਸ ਦੌਰਾਨ ਚੌਥੀ ਜਮਾਤ ਦੇ ਸਟਾਫ ਦੀ ਮਦਦ ਨਾਲ ਭਾਰਤੀ ਤਿਰੰਗੇ ਨੂੰ ਉਤਾਰਿਆ ਗਿਆ। ਇਸ ਸਬੰਧੀ ਪਹਿਲਾਂ ਮੁਲਤਾਨ ਪੁਲਸ ਦੇ ਅਧਿਕਾਰੀਆਂ ਨੂੰ ਮੋਬਾਈਲ ’ਤੇ ਸੂਚਿਤ ਕੀਤਾ ਗਿਆ ਅਤੇ ਬਾਅਦ ਵਿੱਚ ਲਿਖਤੀ ਸ਼ਿਕਾਇਤ ਕੀਤੀ ਗਈ।

ਭਾਰਤੀ ਚੈਨਲਾਂ ’ਤੇ ਘਟਨਾ ਦੇ ਪ੍ਰਸਾਰਣ ’ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ ਅਤੇ ਮੀਡੀਆ ਨੂੰ ਫੋਟੋਆਂ ਖਿੱਚਣ ਅਤੇ ਖਬਰਾਂ ਪ੍ਰਕਾਸ਼ਿਤ ਕਰਨ ‘ਤੇ ਵੀ ਪਾਬੰਦੀ ਲਗਾ ਦਿੱਤੀ ਗਈ ਸੀ। ਇਸ ਘਟਨਾ ਕਾਰਨ ਪਾਕਿਸਤਾਨ ਦੇ ਸਮੂਹ ਖੁਫੀਆ, ਸੁਰੱਖਿਆ ਅਤੇ ਫੌਜੀ ਏਜੰਸੀਆਂ ਹਮਲੇ ਦੇ ਘੇਰੇ ਵਿਚ ਆ ਗਈਆਂ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਕਾਲਜ ’ਚ ਭਾਰਤੀ ਤਿਰੰਗਾ ਕਿਵੇਂ ਲਗਾਇਆ ਗਿਆ ਅਤੇ ਮਾਈਕ ਸਿਸਟਮ ’ਤੇ ਵੰਦੇ ਮਾਤਰਮ ਕਿਵੇਂ ਵਜਾਇਆ ਗਿਆ। ਕੁਝ ਵਿਦਿਆਰਥੀਆਂ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਅਤੇ ਜਿਨਾਂ ਵਿਦਿਆਰਥੀਆਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ, ਉਹ ਸਾਰੇ ਬਲੋਚਿਸਤਾਨ ਦੇ ਹਨ।