ਕੈਨੇਡਾ ‘ਚ ਆਨਲਾਈਨ ਫੂਡ ਡਿਲਿਵਰੀ ਕੰਪਨੀ ਦੀ ਅਨੋਖੀ ਸਰਵਿਸ, ਘਰ-ਘਰ ਪਹੁੰਚਾਏਗੀ ‘ਭੰਗ’
![](http://mehakewattan.com/wp-content/uploads/2022/10/2022_10image_17_03_040881512canada-ll.jpg)
ਟੋਰਾਂਟੋ : ਆਨਲਾਈਨ ਫੂਡ ਡਿਲੀਵਰੀ ਦੀ ਸਹੂਲਤ ਨਾ ਸਿਰਫ਼ ਗਾਹਕਾਂ ਲਈ ਸਗੋਂ ਕਈ ਰੈਸਟੋਰੈਂਟਾਂ ਲਈ ਵੀ ਫ਼ਾਇਦੇਮੰਦ ਸਾਬਤ ਹੋਈ ਹੈ। ਹੁਣ ਇਸ ਦਾ ਦਾਇਰਾ ਵਧਦਾ ਜਾ ਰਿਹਾ ਹੈ। ਇੱਕ ਆਨਲਾਈਨ ਫੂਡ ਡਿਲੀਵਰੀ ਕੰਪਨੀ ਉਬੇਰ ਈਟਸ ਪਹਿਲੀ ਵਾਰ ਮਾਰਿਜੁਆਨਾ ਭਾਵ ਭੰਗ ਦੀ ਡਿਲੀਵਰੀ ਕਰਨ ਜਾ ਰਹੀ ਹੈ ਅਤੇ ਇਹ ਸਹੂਲਤ ਕੈਨੇਡਾ ਵਿੱਚ ਸ਼ੁਰੂ ਹੋਵੇਗੀ। ਕੈਨੇਡਾ ਵਿੱਚ ਲੋਕ ਹੁਣ ਐਪ ਤੋਂ ਆਨਲਾਈਨ ਮਾਰਿਜੁਆਨਾ ਆਰਡਰ ਕਰ ਸਕਦੇ ਹਨ। ਇਸ ਦੇ ਲਈ ਜਦੋਂ ਡਿਲਿਵਰੀ ਬੁਆਏ ਉਨ੍ਹਾਂ ਦੇ ਦਰਵਾਜ਼ੇ ‘ਤੇ ਪਹੁੰਚਦਾ ਹੈ, ਤਾਂ ਗਾਹਕਾਂ ਨੂੰ ਇਹ ਸਾਬਤ ਕਰਨਾ ਹੋਵੇਗਾ ਕਿ ਉਹ ਘੱਟੋ-ਘੱਟ 19 ਸਾਲ ਦੇ ਹਨ।
ਆਨਲਾਈਨ ਆਰਡਰ ਕਰਨ ਵੇਲੇ ਮੀਨੂ ਵਿੱਚ ਬਹੁਤ ਸਾਰੇ ਭੰਗ ਉਤਪਾਦ ਸ਼ਾਮਲ ਹੋਣਗੇ, ਜਿਵੇਂ ਕਿ ਚਾਕਲੇਟ ਅਤੇ ਕੈਂਡੀਜ਼। ਆਨਲਾਈਨ ਡਿਲੀਵਰੀ ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਮਾਰਿਜੁਆਨਾ ਪ੍ਰਾਪਤ ਕਰਨ ਲਈ “ਸੁਰੱਖਿਅਤ ਅਤੇ ਸੁਵਿਧਾਜਨਕ” ਤਰੀਕਾ ਪ੍ਰਦਾਨ ਕਰੇਗੀ ਜੋ ਬਲੈਕ ਮਾਰਕੀਟ ਨੂੰ ਖ਼ਤਮ ਕਰੇਗੀ। ਕਈ ਲੋਕ ਇਸ ਯੋਜਨਾ ਦਾ ਸਮਰਥਨ ਕਰ ਰਹੇ ਹਨ, ਜਦਕਿ ਕੁਝ ਲੋਕ ਭੰਗ ਦੀ ਵਰਤੋਂ ਦੇ ਖ਼ਿਲਾਫ਼ ਹਨ।
ਅਮਰੀਕੀ ਬਾਜ਼ਾਰ ਵਿਚ ਦਾਖਲ ਹੋਣ ਦਾ ਕੋਈ ਇਰਾਦਾ ਨਹੀਂ
ਖੋਜੀਆਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਮਾਰਿਜੁਆਨਾ ਦੀ ਵਾਰ-ਵਾਰ ਵਰਤੋਂ ਨੌਜਵਾਨਾਂ ਵਿੱਚ ਦਿਮਾਗ ਦੇ ਵਿਕਾਸ ਨੂੰ ਵਿਗਾੜ ਸਕਦੀ ਹੈ।ਇਸ ਦੀ ਲਤ ਕਾਰਨ ਡਿਪਰੈਸ਼ਨ ਜਾਂ ਕਰੀਅਰ ਅਤੇ ਰਿਸ਼ਤਿਆਂ ਵਿੱਚ ਸਮੱਸਿਆਵਾਂ ਦਾ ਖਤਰਾ ਹੋ ਸਕਦਾ ਹੈ। ਡੇਲੀਮੇਲ ਨਾਲ ਗੱਲ ਕਰਦੇ ਹੋਏ ਕੰਪਨੀ ਨੇ ਕਿਹਾ ਕਿ ਉਹ ਅਮਰੀਕੀ ਬਾਜ਼ਾਰ ‘ਚ ਦਾਖਲ ਹੋਣ ਦਾ ਇਰਾਦਾ ਨਹੀਂ ਰੱਖਦੀ, ਜਿੱਥੇ 19 ਰਾਜਾਂ ‘ਚ ਇਸ ਦੀ ਵਰਤੋਂ ਨੂੰ ਕਾਨੂੰਨੀ ਮਾਨਤਾ ਦਿੱਤੀ ਗਈ ਹੈ। ਅਧਿਕਾਰਤ ਅੰਦਾਜ਼ੇ ਦੱਸਦੇ ਹਨ ਕਿ ਹਰ ਸਾਲ 48.2 ਮਿਲੀਅਨ ਤੋਂ ਵੱਧ ਅਮਰੀਕੀ ਮਾਰਿਜੁਆਨਾ ਦਾ ਸੇਵਨ ਕਰਦੇ ਹਨ। ਇਹ ਅੰਕੜਾ ਨੌਜਵਾਨ ਬਾਲਗਾਂ ਵਿੱਚ ਵਧਿਆ ਹੈ ਕਿਉਂਕਿ 19 ਰਾਜਾਂ ਨੇ ਹੁਣ ਇਸਨੂੰ ਵਰਤਣ ਲਈ ਕਾਨੂੰਨੀ ਤੌਰ ‘ਤੇ ਮਾਨਤਾ ਦਿੱਤੀ ਹੈ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)
ਘੱਟ ਹੋ ਸਕਦਾ ਹੈ IQ
ਮਾਰਿਜੁਆਨਾ ਇੱਕ ਨਸ਼ੀਲਾ ਪਦਾਰਥ ਹੈ ਜਿਸਦਾ ਸੇਵਨ ਸਿਗਰਟਨੋਸ਼ੀ ਦੇ ਰੂਪ ਵਿੱਚ ਜਾਂ ਗੋਲੀ ਲੈ ਕੇ ਕੀਤਾ ਜਾਂਦਾ ਹੈ। ਇਸ ਦੀ ਜ਼ਿਆਦਾ ਵਰਤੋਂ ਦਿਮਾਗ ਦੇ ਵਿਕਾਸ ਨੂੰ ਪ੍ਰਭਾਵਿਤ ਕਰਦੀ ਹੈ ਅਤੇ ਆਈਕਿਊ ਨੂੰ ਘਟਾਉਂਦੀ ਹੈ। ਬਹੁਤ ਸਾਰੇ ਮਾਮਲਿਆਂ ਵਿੱਚ, ਇਹ ਡਿਪਰੈਸ਼ਨ ਅਤੇ ਹੋਰ ਮਾਨਸਿਕ ਸਿਹਤ ਸਮੱਸਿਆਵਾਂ ਦਾ ਕਾਰਨ ਵੀ ਬਣਦਾ ਹੈ। ਕੈਨੇਡਾ ਵਿੱਚ ਡਿਲੀਵਰੀ ਲੈਣ ਲਈ, ਸਾਰੇ ਗਾਹਕਾਂ ਨੂੰ ਆਪਣੀ ਆਈਡੀ ਦਿਖਾਉਣੀ ਪਵੇਗੀ, ਜਿਸ ਵਿੱਚ ਉਹਨਾਂ ਦੀ ਉਮਰ ਘੱਟੋ-ਘੱਟ 19 ਸਾਲ ਹੋਣੀ ਚਾਹੀਦੀ ਹੈ।