ਕੰਗਨਾ ਥੱਪੜ ਕਾਂਡ ‘ਤੇ ਕਰਨ ਜੌਹਰ ਦਾ ਬਿਆਨ ਆਇਆ ਸਾਹਮਣੇ
![](http://mehakewattan.com/wp-content/uploads/2024/06/2024_6image_10_58_05992916419-ll.jpg)
ਹਿਮਾਚਲ ਪ੍ਰਦੇਸ਼- ਸੰਸਦ ਮੈਂਬਰ ਬਣਨ ਤੋਂ ਬਾਅਦ ਚੰਡੀਗੜ੍ਹ ਏਅਰਪੋਰਟ ‘ਤੇ ਕੰਗਨਾ ਰਣੌਤ ਨਾਲ ਹੋਈ ਥੱਪੜ ਦੀ ਘਟਨਾ ‘ਤੇ ਕਰਨ ਜੌਹਰ ਦੀ ਪ੍ਰਤੀਕਿਰਿਆ ਆਖ਼ਰਕਾਰ ਸਾਹਮਣੇ ਆਈ ਹੈ। ਕੰਗਨਾ ਰਣੌਤ ਅਤੇ ਕਰਨ ਜੌਹਰ ਵਿਚਾਲੇ ਕਈ ਸਾਲਾਂ ਤੋਂ ਮਤਭੇਦ ਚੱਲ ਰਿਹਾ ਹੈ ਪਰ ਹੁਣ ਕਰਨ ਨੇ ਅਦਾਕਾਰਾ ਨਾਲ ਜੋ ਵੀ ਹੋਇਆ ਉਸ ਨੂੰ ਗਲਤ ਦੱਸਿਆ ਹੈ। ਇੱਕ ਇਵੈਂਟ ‘ਚ ਜੌਹਰ ਤੋਂ ਇਸ ਬਾਰੇ ਸਵਾਲ ਕੀਤਾ ਗਿਆ ਸੀ।
ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਕੰਗਨਾ ਰਣੌਤ ਦੀ ਘਟਨਾ ‘ਤੇ ਉਨ੍ਹਾਂ ਦਾ ਕੀ ਕਹਿਣਾ ਹੈ? ਇਸ ‘ਤੇ ਕਰਨ ਨੇ ਕਿਹਾ, ”ਦੇਖੋ, ਮੈਂ ਕਿਸੇ ਵੀ ਤਰ੍ਹਾਂ ਦੀ ਹਿੰਸਾ ਦਾ ਸਮਰਥਨ ਨਹੀਂ ਕਰਦਾ। ਭਾਵੇਂ ਇਹ ਜ਼ੁਬਾਨੀ ਹੋਵੇ ਜਾਂ ਸਰੀਰਕ।” ਇਹ ਕਹਿ ਕੇ ਕਰਨ ਚੁੱਪ ਹੋ ਗਏ। ਹਿਮਾਚਲ ਤੋਂ ਦਿੱਲੀ ਆ ਰਹੀ ਕੰਗਨਾ ਰਣੌਤ ਨੂੰ ਚੰਡੀਗੜ੍ਹ ਏਅਰਪੋਰਟ ‘ਤੇ ਇਕ ਮਹਿਲਾ ਸਿਪਾਹੀ ਨੇ ਥੱਪੜ ਮਾਰ ਦਿੱਤਾ, ਜਿਸ ਤੋਂ ਬਾਅਦ ਕੰਗਨਾ ਨੇ ਸੋਸ਼ਲ ਮੀਡੀਆ ‘ਤੇ ਵੀਡੀਓ ਸ਼ੇਅਰ ਕਰਕੇ ਪੂਰੀ ਘਟਨਾ ਬਾਰੇ ਦੱਸਿਆ। ਉਸ ਦੇ ਪ੍ਰਸ਼ੰਸਕਾਂ ਨੇ ਔਰਤ ਦੀ ਹਰਕਤ ਨੂੰ ਗਲਤ ਦੱਸਦੇ ਹੋਏ ਕੰਗਨਾ ਦਾ ਸਮਰਥਨ ਕੀਤਾ ਪਰ ਕਈ ਘੰਟੇ ਬੀਤ ਜਾਣ ਦੇ ਬਾਵਜੂਦ ਫ਼ਿਲਮ ਇੰਡਸਟਰੀ ਨਾਲ ਜੁੜੇ ਲੋਕਾਂ ਨੇ ਇਸ ਬਾਰੇ ਕੋਈ ਗੱਲ ਨਹੀਂ ਕੀਤੀ। ਜਿਸ ਤੋਂ ਬਾਅਦ ਕੰਗਨਾ ਨੇ ਇੰਸਟਾਗ੍ਰਾਮ ‘ਤੇ ਇਕ ਸਟੋਰੀ ਸ਼ੇਅਰ ਕੀਤੀ ਹੈ। ਜਿਸ ਨੂੰ ਕੁਝ ਸਮੇਂ ਬਾਅਦ ਡਿਲੀਟ ਵੀ ਕਰ ਦਿੱਤਾ ਗਿਆ।