ਵੀਵੋ ਲਾਂਚ ਕਰੇਗਾ ‘ਮੇਡ ਇਨ ਇੰਡੀਆ’ ਫੋਲਡੇਬਲ ਫੋਨ ‘ਐਕਸ ਫੋਲਡ 3 ਪ੍ਰੋ’

ਨਵੀਂ ਦਿੱਲੀ — ਚੀਨੀ ਸਮਾਰਟਫੋਨ ਕੰਪਨੀ ਵੀਵੋ ਆਪਣਾ ਫੋਲਡੇਬਲ ਫੋਨ ‘X Fold3 Pro’ ਬਾਜ਼ਾਰ ‘ਚ ਲਾਂਚ ਕਰਨ ਵਾਲੀ ਹੈ। ਇਸ ਫੋਨ ਨੂੰ ਕੰਪਨੀ ਦੇ ਗ੍ਰੇਟਰ ਨੋਇਡਾ ਪਲਾਂਟ ‘ਚ ਤਿਆਰ ਕੀਤਾ ਗਿਆ ਹੈ। 6 ਜੂਨ ਨੂੰ ਬਾਜ਼ਾਰ ‘ਚ ਲਾਂਚ ਹੋਣ ਵਾਲੇ ਇਸ ਸਮਾਰਟਫੋਨ ਦੇ ਨਾਲ ਕੰਪਨੀ ਮਹਿੰਗੇ (ਪ੍ਰੀਮੀਅਮ ਸੈਗਮੈਂਟ) ਮੋਬਾਇਲ ਫੋਨ ਬਾਜ਼ਾਰ ‘ਚ ਆਪਣੀ ਹਿੱਸੇਦਾਰੀ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।

ਕੰਪਨੀ ਨੇ ਕਿਹਾ ਕਿ ਭਾਰਤ ਵਿੱਚ ਸਮਾਰਟਫੋਨ ਬਾਜ਼ਾਰ ਵਿੱਚ ‘ਪ੍ਰੀਮੀਅਮਾਈਜ਼ੇਸ਼ਨ’ ਦੀ ਰਫ਼ਤਾਰ ਵੱਧ ਰਹੀ ਹੈ, ਅਤੇ ਇਹ ਰੁਝਾਨ ਉਦੋਂ ਵੀ ਜਾਰੀ ਰਹੇਗਾ, ਭਾਵੇਂ ਸਮੁੱਚੀ ਮਾਰਕੀਟ ਫੈਲਦੀ ਅਤੇ ਵਧਦੀ ਹੈ। ਵੀਵੋ ਇੰਡੀਆ ਦੇ ਕਾਰਪੋਰੇਟ ਰਣਨੀਤੀ ਦੇ ਮੁਖੀ ਗੀਤਾਜ ਚੰਨਾ ਨੇ ਕਿਹਾ, “ਅਸੀਂ ਅਜਿਹੇ ਪੜਾਅ ‘ਤੇ ਹਾਂ ਜਿੱਥੇ ਗਾਹਕ ਸਾਡੇ ਬ੍ਰਾਂਡ ‘ਤੇ ਭਰੋਸਾ ਕਰਦੇ ਹਨ ਅਤੇ ਸਾਨੂੰ ‘ਫੋਲਡ’ ਵਰਗੀ ਡਿਵਾਈਸ ਪੇਸ਼ ਕਰਨ ਦਾ ਮੌਕਾ ਦੇਣ ਲਈ ਤਿਆਰ ਹਨ। ਅਸੀਂ ਅਜਿਹੇ ਪੜਾਅ ‘ਤੇ ਵੀ ਹਾਂ ਜਿੱਥੇ ਅਸੀਂ ‘ਫੋਲਡ’ ਹਿੱਸੇ ਵਿੱਚ ਕੁਝ ਮੌਜੂਦਾ ਮੁੱਦਿਆਂ ਨੂੰ ਹੱਲ ਕਰ ਸਕਦੇ ਹਾਂ।” ਕੰਪਨੀ ਨੇ ਜਲਦ ਹੀ ਲਾਂਚ ਹੋਣ ਵਾਲੀ ਡਿਵਾਈਸ ਦੀ ਵਿਕਰੀ ਦੇ ਟੀਚੇ ਜਾਂ ਕੀਮਤ ਦਾ ਖੁਲਾਸਾ ਨਹੀਂ ਕੀਤਾ ਹੈ। X Fold 3 Pro ਭਾਰਤੀ ਬਾਜ਼ਾਰ ‘ਚ ਕੰਪਨੀ ਦੀ ਸਭ ਤੋਂ ਮਹਿੰਗੀ ਪੇਸ਼ਕਸ਼ ਹੋਵੇਗੀ।