ਵੱਖ-ਵੱਖ ਵਿਭਾਗਾਂ ਦੇ 97 ਅਫ਼ਸਰਾਂ ਦੀ ਨਿਯੁਕਤੀ ਕਰੇਗਾ ਸੇਬੀ

ਭਾਰਤੀ ਜ਼ਮਾਨਤ ਅਤੇ ਵਟਾਂਦਰਾ ਬੋਰਡ (ਸੇਬੀ) ਇਸ ਸਾਲ ਵੱਖ-ਵੱਖ ਵਿਭਾਗਾਂ ‘ਚ 97 ਅਧਿਕਾਰੀਆਂ ਦੀ ਭਰਤੀ ਕਰਨ ਜਾ ਰਿਹਾ ਹੈ। ਭਰਤੀ ਦੇ ਲਈ ਸੇਬੀ ਵਲੋਂ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਹੈ। ਦੱਸ ਦੇਈਏ ਕਿ ਸੇਬੀ ਨੇ ਇਸ ਮਹੀਨੇ ਜਾਰੀ ਇਕ ਜਨਤਕ ਨੋਟੀਫਿਕੇਸ਼ਨ ‘ਚ ਭਾਰਤੀ ਨਾਗਰਿਕਾਂ ਤੋਂ ਜਨਰਲ, ਕਾਨੂੰਨ, ਸੂਚਨਾ ਤਕਨਾਲੋਜੀ, ਇੰਜੀਨੀਅਰਿੰਗ ਇਲੈਕਟ੍ਰੀਕਲ, ਖੋਜ ਅਤੇ ਅਧਿਕਾਰਤ ਭਾਗ ਸੈਕਸ਼ਨ ਲਈ ਕਲਾਸ ਏ (ਸਹਾਇਕ ਮੈਨੇਜਰ) ਅਫ਼ਸਰ ਦੇ ਅਹੁਦੇ ਲਈ ਅਰਜ਼ੀਆਂ ਮੰਗੀਆਂ ਹਨ। 

ਇਸ ਦੇ ਨਾਲ ਹੀ ਸੇਬੀ ਜਨਰਲ ਸੈਕਸ਼ਨ ‘ਚ 62, ਸੂਚਨਾ ਤਕਨਾਲੋਜੀ ‘ਚ 24, ਲਾਅ ਟੀਮ ‘ਚ 5 ਅਤੇ ਇੰਜੀਨੀਅਰਿੰਗ ਇਲੈਕਟ੍ਰੀਕਲ, ਖੋਜ ਅਤੇ ਅਧਿਕਾਰਕ ਭਾਸ਼ਾ ਵਿਭਾਗਾਂ ‘ਚ ਦੋ-ਦੋ ਅਹੁਦਿਆਂ ‘ਤੇ ਅਧਿਕਾਰੀਆਂ ਦੀ ਨਿਯੁਕਤੀ ਕਰੇਗਾ। ਸੇਬੀ ਵੱਲੋਂ ਜਾਰੀ ਨੋਟਿਸ ਅਨੁਸਾਰ ਚੋਣ ਤਿੰਨ ਪੜਾਵਾਂ ‘ਚ ਕੀਤੀ ਜਾਵੇਗੀ। ਪਹਿਲੇ ਪੜਾਅ ‘ਚ ਇਕ ਈਨਲਾਈਨ ਪ੍ਰੀਖਿਆ ਹੋਵੇਗੀ, ਜਿਸ ‘ਚ ਦੋ ਪ੍ਰਸ਼ਨ ਪੱਤਰ ਹੋਣਗੇ। ਇਸ ਪੜਾਅ ‘ਚ ਚੁਣੇ ਗਏ ਉਮੀਦਵਾਰ ਦੂਜੇ ਪੜਾਅ ਲਈ ਹਾਜ਼ਰ ਹੋਣਗੇ।