IPLਦੇ ਓਪਨਿੰਗ ਮੁਕਾਬਲਿਆਂ ਦੇ ਕਿੰਗ ਹਨ ਸੰਜੂ ਸੈਮਸਨ
![](http://mehakewattan.com/wp-content/uploads/2024/03/2024_3image_20_19_500197184sanjusamsonraj-ll.jpg)
ਜੈਪੁਰ ਦੇ ਸਵਾਈ ਮਾਨਸਿੰਘ ਸਟੇਡੀਅਮ ‘ਚ ਰਾਜਸਥਾਨ ਰਾਇਲਜ਼ ਦੇ ਕਪਤਾਨ ਸੰਜੂ ਸੈਮਸਨ ਆਈ. ਪੀ. ਐੱਲ. ਦੇ ਆਪਣੇ ਸ਼ੁਰੂਆਤੀ ਮੈਚ ‘ਚ ਇਕ ਵਾਰ ਫਿਰ ਅਰਧ ਸੈਂਕੜਾ ਲਗਾਉਣ ‘ਚ ਕਾਮਯਾਬ ਰਹੇ। ਸੰਜੂ ਦੇ 11 ਸਾਲ ਲੰਬੇ IPL ਕਰੀਅਰ ‘ਚ ਜੇਕਰ ਅਸੀਂ ਪਿਛਲੀਆਂ 5 ਪਾਰੀਆਂ ‘ਤੇ ਨਜ਼ਰ ਮਾਰੀਏ ਤਾਂ ਉਹ ਸ਼ਾਨਦਾਰ ਰਹੀ ਹੈ। ਉਸ ਨੇ ਲਗਾਤਾਰ ਪੰਜ ਵਾਰ 50 ਤੋਂ ਵੱਧ ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ ਇੱਕ ਸੈਂਕੜਾ ਵੀ ਸ਼ਾਮਲ ਹੈ। ਐਤਵਾਰ ਨੂੰ ਵੀ ਸੈਮਸਨ ਨੇ ਲਖਨਊ ਸੁਪਰ ਜਾਇੰਟਸ ਦੇ ਖਿਲਾਫ ਪਹਿਲੇ ਮੈਚ ‘ਚ 82 ਦੌੜਾਂ ਬਣਾਈਆਂ ਅਤੇ ਆਪਣੀ ਟੀਮ ਨੂੰ 193 ਦੌੜਾਂ ਤੱਕ ਲੈ ਗਏ।
ਇਸ ਦੇ ਨਾਲ ਸੈਮਸਨ ਨੇ ਆਈ.ਪੀ.ਐੱਲ. ਦੀ ਆਰੇਂਜ ਕੈਪ ਹਾਸਲ ਕਰ ਲਈ ਹੈ। ਉਸ ਤੋਂ ਬਾਅਦ ਆਂਦਰੇ ਰਸੇਲ (64), ਸੈਮ ਕੁਰਾਨ (63), ਹੇਨਰਿਕ ਕਲਾਸੇਨ (63), ਫਿਲ ਸਾਲਟ (54) ਦਾ ਨਾਂ ਆਉਂਦਾ ਹੈ। ਸੰਜੂ ਨੇ IPL 2020 ਤੋਂ ਹੁਣ ਤੱਕ 99 ਛੱਕੇ ਲਗਾਏ ਹਨ, ਜੋ ਕਿ ਕਿਸੇ ਵੀ ਬੱਲੇਬਾਜ਼ ਤੋਂ ਵੱਧ ਹਨ। ਇੰਨਾ ਹੀ ਨਹੀਂ ਸੈਮਸਨ ਨੇ ਆਈ. ਪੀ. ਐੱਲ. ਦੀ ਕਿਸੇ ਪਾਰੀ ਵਿੱਚ 7ਵੀਂ ਵਾਰ 6 ਜਾਂ ਇਸ ਤੋਂ ਵੱਧ ਛੱਕੇ ਲਗਾਏ। ਫਿਲਹਾਲ ਇਸ ਸੂਚੀ ‘ਚ ਕ੍ਰਿਸ ਗੇਲ (22 ਵਾਰ) ਸਿਖਰ ‘ਤੇ ਹੈ।