ਸੁਸ਼ਾਂਤ ਵਾਂਗ ਮੌਤ ਨੂੰ ਗਲੇ ਲਗਾਉਣਾ ਚਾਹੁੰਦਾ ਸੀ ਵਿਵੋਕ ਓਬਰਾਏ

ਮੁੰਬਈ – ਵਿਵੇਕ ਓਬਰਾਏ ਨੇ ਜਿਵੇਂ ਹੀ ਫ਼ਿਲਮ ਇੰਡਸਟਰੀ ’ਚ ਐਂਟਰੀ ਕੀਤੀ, ਉਸ ਨੇ ਆਪਣੇ ਸ਼ਾਨਦਾਰ ਕੰਮ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ, ਇਸ ਲਈ ਇਹ ਤੈਅ ਸੀ ਕਿ ਉਹ ਸੁਪਰਸਟਾਰ ਬਣੇਗਾ। ਵਿਵੇਕ ਓਬਰਾਏ ਦੀਆਂ ਸਾਰੀਆਂ ਫ਼ਿਲਮਾਂ ਬਾਕਸ ਆਫਿਸ ’ਤੇ ਹਿੱਟ ਰਹੀਆਂ। ਸ਼ਾਦ ਅਲੀ ਦੀ ‘ਸਾਥੀਆ’ ਹੋਵੇ ਜਾਂ ਮਣੀ ਰਤਨਮ ਦੀ ‘ਯੁਵਾ’, ਇਨ੍ਹਾਂ ਫ਼ਿਲਮਾਂ ਨਾਲ ਉਸ ਨੇ ਆਪਣੀ ਵੱਖਰੀ ਪਛਾਣ ਬਣਾਈ। ਹਾਲਾਂਕਿ ਕੁਝ ਸਮੇਂ ਬਾਅਦ ਉਸ ਨੂੰ ਆਪਣੇ ਕਰੀਅਰ ’ਚ ਸੰਘਰਸ਼ ਦਾ ਸਾਹਮਣਾ ਕਰਨਾ ਪਿਆ ਪਰ ਚੁਣੌਤੀਆਂ ਦੇ ਬਾਵਜੂਦ ਉਹ ਵਾਪਸੀ ਕਰ ਗਿਆ। ਹਾਲ ਹੀ ’ਚ ਇਕ ਇੰਟਰਵਿਊ ’ਚ ਵਿਵੇਕ ਓਬਰਾਏ ਨੇ ਆਪਣੀ ਮਾਨਸਿਕ ਸਿਹਤ ਨਾਲ ਆਪਣੇ ਸੰਘਰਸ਼ ਬਾਰੇ ਗੱਲ ਕੀਤੀ ਤੇ ਉਸ ਸਮੇਂ ਨੂੰ ਵੀ ਯਾਦ ਕੀਤਾ ਜਦੋਂ ਉਹ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਅੰਤਿਮ ਸੰਸਕਾਰ ’ਚ ਸ਼ਾਮਲ ਹੋਏ ਤਸਨ।

ਹਿਊਮਨਜ਼ ਆਫ ਬਾਂਬੇ ਨਾਲ ਗੱਲ ਕਰਦਿਆਂ ਵਿਵੇਕ ਓਬਰਾਏ ਨੇ ਸਾਂਝਾ ਕੀਤਾ, ‘‘ਮੈਂ ਸੁਸ਼ਾਂਤ ਨੂੰ ਮਿਲਿਆ ਹਾਂ, ਉਸ ਨਾਲ ਗੱਲਬਾਤ ਕੀਤੀ, ਉਹ ਬਹੁਤ ਪਿਆਰਾ ਲੜਕਾ ਸੀ ਤੇ ਇਹ ਬਹੁਤ ਦੁਖੀ ਸੀ ਕਿ ਅਸੀਂ ਇਕ ਬਹੁਤ ਵਧੀਆ ਅਦਾਕਾਰ ਨੂੰ ਗੁਆ ਦਿੱਤਾ ਹੈ। ਜੇ ਮੈਂ ਪੂਰੀ ਤਰ੍ਹਾਂ ਈਮਾਨਦਾਰ ਹਾਂ ਤਾਂ ਤੁਹਾਨੂੰ ਇਹ ਵੀ ਨਹੀਂ ਪਤਾ ਕਿ ਤੁਸੀਂ ਜ਼ਿੰਦਗੀ ਦੇ ਹਨੇਰੇ ਪੜਾਅ ’ਤੇ ਕਦੋਂ ਪਹੁੰਚ ਜਾਂਦੇ ਹੋ। ਖ਼ਾਸ ਤੌਰ ’ਤੇ ਜਦੋਂ ਨਿੱਜੀ ਤੇ ਪੇਸ਼ੇਵਰ ਜੀਵਨ ’ਚ ਇਕੋ ਸਮੇਂ ਸਭ ਕੁਝ ਗਲਤ ਹੋਣਾ ਸ਼ੁਰੂ ਹੋ ਜਾਂਦਾ ਹੈ। ਮੈਂ ਖ਼ੁਦ ਕਾਲੇ ਦੌਰ ਤੋਂ ਬਾਹਰ ਆਇਆ ਹਾਂ, ਅਜਿਹਾ ਨਹੀਂ ਹੈ ਕਿ ਸੁਸ਼ਾਂਤ ਨੇ ਜੋ ਗੱਲਾਂ ਕੀਤੀਆਂ ਹਨ, ਉਨ੍ਹਾਂ ਬਾਰੇ ਮੈਂ ਨਹੀਂ ਸੋਚਿਆ।’’

ਵਿਵੇਕ ਓਬਰਾਏ ਨੇ ਅੱਗੇ ਕਿਹਾ, ‘‘ਅੰਤਿਮ ਸੰਸਕਾਰ ’ਚ 20 ਲੋਕ ਮੌਜੂਦ ਸਨ। ਮੈਂ ਉਨ੍ਹਾਂ ’ਚੋਂ ਇਕ ਸੀ। ਉਸ ਬਰਸਾਤ ’ਚ ਮੈਂ ਇਕ ਪਿਤਾ ਨੂੰ ਟੁੱਟਿਆ ਹੋਇਆ ਦੇਖਿਆ ਤੇ ਉਸ ਦੀ ਲਾਸ਼ ਨੂੰ ਵੇਖ ਕੇ ਮੇਰੇ ਮਨ ’ਚ ਇਕ ਹੀ ਖਿਆਲ ਆਇਆ ਦੋਸਤੋ, ਜੇ ਤੁਸੀਂ ਇਹ ਸਭ ਵੇਖ ਲਿਆ ਹੁੰਦਾ ਤਾਂ ਤੁਹਾਨੂੰ ਪਿਆਰ ਕਰਨ ਵਾਲੇ ਲੋਕਾਂ ਲਈ ਕਿੰਨਾ ਦੁਖਦਾਈ ਹੁੰਦਾ ਹੈ, ਤੁਸੀਂ ਕੀ ਕੀਤਾ ਹੁੰਦਾ? ਮੈਂ ਇਹ ਕਦਮ ਨਹੀਂ ਚੁੱਕਿਆ ਹੈ। ਸੋਚੋ ਕਿ ਜੋ ਲੋਕ ਤੁਹਾਨੂੰ ਸੱਚਾ ਪਿਆਰ ਕਰਦੇ ਹਨ, ਉਨ੍ਹਾਂ ਨੂੰ ਕਿੰਨਾ ਦੁੱਖ ਤੇ ਦਰਦ ਹੁੰਦੀ ਹੈ। ਮੈਂ ਖ਼ੁਸ਼ਕਿਸਮਤ ਹਾਂ ਕਿ ਮੇਰਾ ਇਕ ਪਰਿਵਾਰ ਹੈ, ਜੋ ਮੈਨੂੰ ਹਰ ਖ਼ੁਸ਼ੀ ਦੇ ਪਲ ’ਚ ਜੋੜਦਾ ਹੈ। ਮੈਂ ਘਰ ਆ ਕੇ ਇਹ ਸਭ ਕੁਝ ਸੋਚਣ ਲੱਗਾ ਤਾਂ ਮੈਂ ਫਰਸ਼ ’ਤੇ ਬੈਠ ਗਿਆ, ਬੱਚਿਆਂ ਵਾਂਗ ਮਾਂ ਦੀ ਗੋਦੀ ’ਚ ਸਿਰ ਰੱਖ ਕੇ ਰੋਇਆ ਤੇ ਸੋਚਿਆ ਕਿ ਮੇਰੇ ਨਾਲ ਅਜਿਹਾ ਕਿਉਂ ਹੋ ਰਿਹਾ ਹੈ?’’

ਵਿਵੇਕ ਓਬਰਾਏ ਨੂੰ ਹਾਲ ਹੀ ’ਚ ਐਮਾਜ਼ੋਨ ਪ੍ਰਾਈਮ ਵੀਡੀਓ ਦੀ ਸੀਰੀਜ਼ ‘ਇੰਡੀਅਨ ਪੁਲਸ ਫੋਰਸ’ ’ਚ ਦੇਖਿਆ ਗਿਆ ਸੀ। ਰੋਹਿਤ ਸ਼ੈੱਟੀ ਨੇ ਵੈੱਬ ਸੀਰੀਜ਼ ਨਾਲ ਆਪਣਾ OTT ਡੈਬਿਊ ਕੀਤਾ ਹੈ। ਇਸ ’ਚ ਸ਼ਿਲਪਾ ਸ਼ੈੱਟੀ, ਸਿਧਾਰਥ ਮਲਹੋਤਰਾ, ਈਸ਼ਾ ਤਲਵਾਰ ਵਰਗੇ ਕਲਾਕਾਰ ਵੀ ਨਜ਼ਰ ਆਏ।