‘ਭੂਲ ਭੁਲੱਈਆ 3’ ’ਚ ਤ੍ਰਿਪਤੀ ਡਿਮਰੀ ਨੇ ਕੀਤਾ ਕਿਆਰਾ ਅਡਵਾਨੀ ਨੂੰ ਰਿਪਲੇਸ

ਮੁੰਬਈ – ਪਿਛਲੀ ਫ਼ਿਲਮ ‘ਭੂਲ ਭੁਲੱਈਆ 2’ ਤੋਂ ਲੈ ਕੇ ਹੁਣ ਤੱਕ ਇਸ ਦੀ ਤੀਜੀ ਸੀਰੀਜ਼ ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਹੈ। ਹਾਲ ਹੀ ’ਚ ਇਸ ਦੀ ਸਟਾਰ ਕਾਸਟ ਦਾ ਖ਼ੁਲਾਸਾ ਹੋਇਆ ਕਿ ਫ਼ਿਲਮ ’ਚ ਵਿਦਿਆ ਬਾਲਨ ਇਕ ਵਾਰ ਫਿਰ ਮੰਜੁਲਿਕਾ ਦੇ ਕਿਰਦਾਰ ’ਚ ਨਜ਼ਰ ਆਵੇਗੀ। ਹੁਣ ਤਾਜ਼ਾ ਖ਼ਬਰਾਂ ਨਾਲ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਹੋਰ ਵੱਧ ਗਿਆ ਹੈ। ਕਾਰਤਿਕ ਆਰੀਅਨ ਨੇ ਸੋਸ਼ਲ ਮੀਡੀਆ ’ਤੇ ਪਹਿਲੀ ਬੁਝਾਉਣ ਵਾਲੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਤੇ ਪ੍ਰਸ਼ੰਸਕਾਂ ਨੂੰ ਕਿਹਾ ਕਿ ਉਨ੍ਹਾਂ ਦੀ ਫ਼ਿਲਮ ’ਚ ਆਉਣ ਵਾਲੀ ਇਹ ਮਿਸਟਰੀ ਗਰਲ ਕੌਣ ਹੈ। ਹਾਲਾਂਕਿ ਅੱਧੀ ਨਜ਼ਰ ’ਚ ਹੀ ਲੋਕਾਂ ਨੂੰ ਪਤਾ ਲੱਗ ਗਿਆ ਕਿ ਇਹ ਕੋਈ ਹੋਰ ਨਹੀਂ, ਸਗੋਂ ਤ੍ਰਿਪਤੀ ਡਿਮਰੀ ਸੀ।

ਕਾਰਤਿਕ ਆਰੀਅਨ ਨੇ ਇਸ ਮਿਸਟਰੀ ਗਰਲ ਬਾਰੇ 3 ਪੋਸਟਾਂ ਕੀਤੀਆਂ ਹਨ। ਪਹਿਲੀ ਝਲਕ ’ਚ ਉਸ ਦੀ ਬਾਹ ਤੇ ਉਸ ਦਾ ਅੱਧਾ ਚਿਹਰਾ ਦਿਖਾਈ ਦੇ ਰਿਹਾ ਸੀ, ਦੂਜੀ ਪੋਸਟ ’ਚ ਉਸ ਦੀ ਅੱਖ ਦਿਖਾਈ ਦੇ ਰਹੀ ਸੀ। ਤੀਜੀ ਪੋਸਟ ’ਚ ਉਸ ਨੇ ਪੂਰਾ ਪੋਸਟਰ ਸ਼ੇਅਰ ਕੀਤਾ ਹੈ। ਹਾਲਾਂਕਿ ਪਹਿਲੀ ਨਜ਼ਰ ’ਚ ਹੀ ਲੋਕ ਸਮਝ ਗਏ ਕਿ ਇਹ ਤ੍ਰਿਪਤੀ ਹੈ। ਉਸ ਪੋਸਟ ’ਤੇ ਕਈ ਲੋਕਾਂ ਨੇ ਤ੍ਰਿਪਤੀ ਨੂੰ ਕਿਆਰਾ ਦੀ ਜਗ੍ਹਾ ਲੈਣ ’ਤੇ ਨਾਰਾਜ਼ਗੀ ਜਤਾਈ ਹੈ।

ਕੁਝ ਲੋਕਾਂ ਨੇ ਤਾਂ ਇਹ ਵੀ ਕਿਹਾ, ‘‘ਮੁਆਫ਼ ਕਰਨਾ ਕਿਆਰਾ, ਨਹੀਂ ਤਾਂ ਮੈਂ ਹੁਣ ਫ਼ਿਲਮ ਨਹੀਂ ਦੇਖਾਂਗਾ।’’ ਇਕ ਨੇ ਕਿਹਾ, ‘‘ਚੰਗਾ ਹੁੰਦਾ ਜੇਕਰ ਅਸੀਂ ਸ਼ਰਧਾ ਕਪੂਰ ਨੂੰ ਵੀ ਲੈ ਲੈਂਦੇ।’’ ਇਕ ਹੋਰ ਨੇ ਕਿਹਾ, ‘‘ਮੁਆਫ਼ ਕਰਨਾ ‘ਭੂਲ ਭੁਲੱਈਆ’ ਫ੍ਰੈਂਚਾਇਜ਼ੀ ਹੁਣ ਉਹ ਨਹੀਂ ਰਹਿ ਸਕਦੀ, ਜਿਵੇਂ ਕਿਆਰਾ ਨਾਲ ਹੁੰਦੀ ਸੀ।’’ ਕਈ ਲੋਕ ਕਹਿ ਰਹੇ ਹਨ ਕਿ ਕਿਆਰਾ ਇਸ ਸੀਰੀਜ਼ ਲਈ ਸਭ ਤੋਂ ਵਧੀਆ ਸੀ।

ਕੁਝ ਲੋਕਾਂ ਨੇ ਖ਼ੁਸ਼ੀ ਜ਼ਾਹਿਰ ਕਰਦਿਆਂ ਕਿਹਾ, ‘‘ਇਹ ‘ਭੂਲ ਭੁਲੱਈਆ 3’ ਨਹੀਂ ‘ਭਾਬੀ 3’ ਹੈ। ਕਈਆਂ ਨੇ ਤਾਂ ਇਹ ਵੀ ਕਿਹਾ ਕਿ ਕਾਰਤਿਕ ਆਰੀਅਨ ਉਸ ਨਾਲ ਵਿਆਹ ਕਰਨ ਜਾ ਰਹੇ ਹਨ ਤੇ ਇਹ ਉਨ੍ਹਾਂ ਦੀ ਭਵਿੱਖਬਾਣੀ ਹੈ। ਕੁਝ ਲੋਕਾਂ ਨੇ ਖ਼ੁਸ਼ੀ ਜਤਾਈ ਹੈ ਕਿ ਇਸ ਨਵੀਂ ਜੋੜੀ ਨੂੰ ਪਰਦੇ ’ਤੇ ਇਕੱਠੇ ਦੇਖਣਾ ਮਜ਼ੇਦਾਰ ਹੋਵੇਗਾ।