ਅਮੀਰਾਂ ਨੂੰ ITR ਲਈ ਦੇਣੀ ਪਵੇਗੀ ਵਧੇਰੇ ਜਾਣਕਾਰੀ, CBDT ਨੇ ਜਾਰੀ ਕੀਤੇ ਫਾਰਮ

ਨਵੀਂ ਦਿੱਲੀ – ਅਮੀਰ ਟੈਕਸਦਾਤਾਵਾਂ ਨੂੰ ਇਸ ਸਾਲ ਇਨਕਮ ਟੈਕਸ ਰਿਟਰਨ (ਆਈ.ਟੀ.ਆਰ.) ਭਰਦੇ ਸਮੇਂ ਪਹਿਲਾਂ ਨਾਲੋਂ ਵਧੇਰੇ ਜਾਣਕਾਰੀ ਦੇਣੀ ਪਵੇਗੀ। ਕੇਂਦਰੀ ਪ੍ਰਤੱਖ ਕਰ ਬੋਰਡ (ਸੀਬੀਡੀਟੀ) ਨੇ ਵਿੱਤੀ ਸਾਲ 2023-24 (ਮੁਲਾਂਕਣ ਸਾਲ 2024-25) ਲਈ ਫਾਰਮ ITR-2 ਅਤੇ ITR-3 ਨੂੰ ਸੂਚਿਤ ਕੀਤਾ ਹੈ। ਰਿਟਰਨ ਭਰਨ ਦੀ ਆਖਰੀ ਮਿਤੀ 31 ਜੁਲਾਈ 2024 ਹੈ। ਇਹ ਫਾਰਮ 1 ਅਪ੍ਰੈਲ ਤੋਂ ਰਿਟਰਨ ਲਈ ਪ੍ਰਭਾਵੀ ਹੋਣਗੇ। ਇਸ ਦੇ ਤਹਿਤ, 50 ਲੱਖ ਰੁਪਏ ਤੋਂ ਵੱਧ ਆਮਦਨੀ ਜਾਂ ਇੱਕ ਤੋਂ ਵੱਧ ਘਰ ਹੋਣ ਦੀ ਸਥਿਤੀ ਵਿੱਚ, LEI ਨੰਬਰ ਅਤੇ ਰਾਜਨੀਤਿਕ ਪਾਰਟੀਆਂ ਨੂੰ ਕੀਤੇ ਗਏ ਚੰਦੇ ਦੀ ਜਾਣਕਾਰੀ ITR-2 ਵਿੱਚ ਸਾਂਝੀ ਕਰਨੀ ਹੋਵੇਗੀ।