ਭਾਰਤ ‘ਚ ਸੀਰੀਜ਼ ਜਿੱਤਣ ਲਈ ਪ੍ਰਸ਼ੰਸਕ ਬਣਾਓ : ਇੰਗਲੈਂਡ ਦੇ ਸਾਬਰਾ ਤੇਜ਼ ਗੇਂਦਬਾਜ਼

ਨਵੀਂ ਦਿੱਲੀ— ਇੰਗਲੈਂਡ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਤੋਂ ਕੁਮੈਂਟੇਟਰ ਬਣੇ ਸਟੀਵਨ ਫਿਨ ਦਾ ਮੰਨਣਾ ਹੈ ਕਿ ਜੇਕਰ ਇੰਗਲੈਂਡ ਨੇ ਭਾਰਤ ‘ਚ 2012 ਦੀ ਜਿੱਤ ਦੇ ਪ੍ਰਦਰਸ਼ਨ ਨੂੰ ਦੁਹਰਾਉਣਾ ਹੈ ਤਾਂ ਉਸ ਦੇ ਆਈਪੀਐੱਲ ਸੁਪਰਸਟਾਰ ਖਿਡਾਰੀਆਂ ਨੂੰ ਰੋਮਾਂਚਕ ਪ੍ਰਦਰਸ਼ਨ ਦੇ ਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਬਣਾਉਣਾ ਹੋਵੇਗਾ। ਭਾਰਤ 13 ਸਾਲ ਪਹਿਲਾਂ ਇੰਗਲੈਂਡ ਖ਼ਿਲਾਫ਼ ਸੀਰੀਜ਼ 1-2 ਨਾਲ ਹਾਰ ਗਿਆ ਸੀ ਅਤੇ ਫਿਨ ਨੇ ਇਸ ਸੀਰੀਜ਼ ‘ਚ ਖੇਡਿਆ ਸੀ। ਭਾਰਤ ਨੇ ਉਦੋਂ ਤੋਂ ਹੁਣ ਤੱਕ 16 ਘਰੇਲੂ ਸੀਰੀਜ਼ ਜਿੱਤੀਆਂ ਹਨ।

ਫਿਨ ਨੇ ਕਿਹਾ, ‘ਮੈਨੂੰ ਲਗਦਾ ਹੈ ਕਿ ਇੰਗਲੈਂਡ ਨੂੰ ਆਪਣੇ ਕੁਝ ਖਿਡਾਰੀਆਂ ਦੇ ਆਈਪੀਐੱਲ (ਇੰਡੀਅਨ ਪ੍ਰੀਮੀਅਰ ਲੀਗ) ਦੇ ਸੁਪਰਸਟਾਰਡਮ ਦਾ ਫਾਇਦਾ ਹੋਵੇਗਾ। ਉਨ੍ਹਾਂ ਨੇ ਕਿਹਾ, ‘ਕੇਵਿਨ ਪੀਟਰਸਨ ਨੂੰ ਛੱਡ ਕੇ, ਉਸ 2012 ਦੀ ਟੀਮ ਦੇ ਖਿਡਾਰੀ ਅਸਲ ਵਿੱਚ ਭਾਰਤ ਵਿੱਚ ‘ਸੁਪਰਸਟਾਰ’ ਨਹੀਂ ਸਨ। ਜਦੋਂ ਕਿ ਇਸ ਵਾਰ ਉੱਥੇ ਜਾਣ ਵਾਲੇ ਕੁਝ ਖਿਡਾਰੀ ਆਈਪੀਐੱਲ ਵਿੱਚ ਖੇਡ ਚੁੱਕੇ ਹਨ ਅਤੇ ਉਹ ਸੁਪਰਸਟਾਰ ਹਨ। ਮੈਨੂੰ ਲੱਗਦਾ ਹੈ ਕਿ ਇਸ ਨਾਲ ਮਦਦ ਮਿਲੇਗੀ।

ਇੰਗਲੈਂਡ ਦੀ ਟੀਮ ‘ਚ ਬੇਨ ਸਟੋਕਸ, ਮਾਰਕ ਵੁੱਡ, ਜੌਨੀ ਬੇਅਰਸਟੋ ਅਤੇ ਹੈਰੀ ਬਰੂਕ ਵਰਗੇ ਆਈਪੀਐੱਲ ‘ਚ ਖੇਡਣ ਵਾਲੇ ਕੁਝ ਸਿਤਾਰੇ ਸ਼ਾਮਲ ਹਨ। ਇੰਗਲੈਂਡ ਦੀ ਟੀਮ ਭਾਰਤ ਦੇ ਖ਼ਿਲਾਫ਼ 25 ਜਨਵਰੀ ਤੋਂ ਹੈਦਰਾਬਾਦ ‘ਚ ਪੰਜ ਮੈਚਾਂ ਦੀ ਸੀਰੀਜ਼ ਦੀ ਸ਼ੁਰੂਆਤ ਕਰੇਗੀ।