ਲੋਹੜੀ ਮੌਕੇ ਸ਼ਹਿਨਾਜ਼ ਗਿੱਲ ਬਣੀ ‘ਪੰਜਾਬੀ ਪਟੋਲਾ’
January 14, 2024
![](http://mehakewattan.com/wp-content/uploads/2024/01/2024_1image_14_01_26349639437-ll.jpg)
ਅੱਜ ਦੇਸ਼ ਭਰ ‘ਚ ਲੋਹੜੀ ਦਾ ਤਿਉਹਾਰ ਧੂਮ-ਧਾਮ ਨਾਲ ਮਨਾਇਆ ਜਾ ਰਿਹਾ ਹੈ। ਇਸ ਮੌਕੇ ਫ਼ਿਲਮੀ ਸਿਤਾਰੇ ਵੀ ਲੋਹੜੀ ਦੇ ਰੰਗ ‘ਚ ਰੰਗੇਂ ਨਜ਼ਰ ਆ ਰਹੇ ਹਨ। ਹਾਲ ਹੀ ‘ਚ ਸ਼ਹਿਨਾਜ਼ ਗਿੱਲ ਨੇ ਸੋਸ਼ਲ ਮੀਡੀਆ ‘ਤੇ ਹਰੇ ਸੂਟ ‘ਚ ਆਪਣੀਆਂ ਕੁਝ ਤਸਵੀਰਾਂ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ ਨੂੰ ਫੈਨਜ਼ ਵਲੋਂ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ। ਸ਼ਹਿਨਾਜ਼ ਗਿੱਲ ਨਿਓਨ ਰੰਗ ਦੇ ਸੂਟ ‘ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਸ਼ਹਿਨਾਜ਼ ਨੇ ਇਸ ਲੁੱਕ ‘ਚ ਆਪਣੇ ਸਧਾਰਨ ਅੰਦਾਜ਼ ਨਾਲ ਪ੍ਰਸ਼ੰਸਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਸ਼ਹਿਨਾਜ਼ ਨੇ ਸੁੰਦਰ ਗੁਲਾਬੀ ਚੂੜੀਆਂ ਨਾਲ ਆਪਣੇ ਪੰਜਾਬੀ ਸੂਟ ਲੁੱਕ ਨੂੰ ਪੂਰਾ ਕੀਤਾ ਹੈ।