ਆਦਿਤਿਆ ਰਾਏ ਨੂੰ ਡੇਟ ਕਰਦਿਆਂ ਅਨਨਿਆ ਪਾਂਡੇ ਨੇ ਰਿਸ਼ਤੇ ਬਾਰੇ ਕੀਤਾ ਖ਼ੁਲਾਸਾ

ਮੁੰਬਈ – ਇਨ੍ਹੀਂ ਦਿਨੀਂ ਬੀ-ਟਾਊਨ ’ਚ ਅਨਨਿਆ ਪਾਂਡੇ ਤੇ ਆਦਿਤਿਆ ਰਾਏ ਕਪੂਰ ਦੇ ਅਫੇਅਰ ਦੀ ਚਰਚਾ ਜ਼ੋਰਾਂ ’ਤੇ ਹੋ ਰਹੀ ਹੈ। ‘ਕੌਫੀ ਵਿਦ ਕਰਨ ਸੀਜ਼ਨ 8’ ’ਚ ਅਨਨਿਆ ਨੇ ਕੁਝ ਇਸ਼ਾਰਿਆਂ ’ਚ ਆਦਿਤਿਆ ਨਾਲ ਡੇਟਿੰਗ ਦੀ ਖ਼ਬਰ ਦੀ ਪੁਸ਼ਟੀ ਕੀਤੀ ਸੀ। ਇਸ ਦੇ ਨਾਲ ਹੀ ਆਦਿਤਿਆ ਰਾਏ ਕਪੂਰ ਨੇ ਵੀ ਕਰਨ ਜੌਹਰ ਦੇ ਸ਼ੋਅ ’ਚ ਬਿਆਨ ਦਿੱਤਾ ਸੀ ਕਿ ਉਹ ਇਸ ਸਮੇਂ ਕਿਸ ਸਥਿਤੀ ’ਚ ਹਨ। ਹੁਣ ਅਨਨਿਆ ਨੇ ਕਿਹਾ ਕਿ ਉਸ ਨੂੰ ਹਾਲਾਤ ਪਸੰਦ ਨਹੀਂ ਹਨ।

ਅਨਨਿਆ ਪਾਂਡੇ ਨੇ ਹਾਲ ਹੀ ’ਚ ਇਕ ਇੰਟਰਵਿਊ ’ਚ ਆਪਣੀ ਡੇਟਿੰਗ ਲਾਈਫ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ। ਉਸ ਨੇ ਕਿਹਾ ਕਿ ਉਹ ਸਥਿਤੀਵਾਦ ’ਚ ਵਿਸ਼ਵਾਸ ਨਹੀਂ ਰੱਖਦੀ ਤੇ ਨਾ ਹੀ ਸੋਸ਼ਲ ਮੀਡੀਆ ’ਤੇ ਆਪਣੀ ਡੇਟਿੰਗ ਲਾਈਫ ’ਤੇ ਚਰਚਾ ਕਰਨਾ ਠੀਕ ਸਮਝਦੀ ਹੈ। ਇੰਡੀਆ ਟੂਡੇ ਨਾਲ ਗੱਲ ਕਰਦੇ ਹੋਏ ਅਨਨਿਆ ਨੇ ਕਿਹਾ, ‘‘ਮੈਨੂੰ ਸਥਿਤੀਵਾਦ ਨਾਲ ਨਫ਼ਰਤ ਹੈ। ਮੈਨੂੰ ਇਹ ਸ਼ਬਦ ਪਸੰਦ ਨਹੀਂ ਹੈ। ਨਾ ਤਾਂ ਮੈਂ ਕਿਸੇ ਡੇਟਿੰਗ ਐਪ ’ਤੇ ਹਾਂ ਤੇ ਨਾ ਹੀ ਮੈਂ ਸੋਸ਼ਲ ਮੀਡੀਆ ’ਤੇ ਆਪਣੇ ਰਿਸ਼ਤਿਆਂ ਬਾਰੇ ਗੱਲ ਕਰਨਾ ਪਸੰਦ ਕਰਦੀ ਹਾਂ। ਮੈਂ ਉਹ ਇਨਸਾਨ ਨਹੀਂ ਹਾਂ, ਜੋ ਸੋਸ਼ਲ ਮੀਡੀਆ ’ਤੇ ਕਿਸੇ ਵੱਖਰੇ ਰਿਸ਼ਤੇ ਦੀ ਸਥਿਤੀ ਦਾ ਦਿਖਾਵਾ ਕਰਦਾ ਹਾਂ।’’

ਅਨਨਿਆ ਪਾਂਡੇ ਤੇ ਆਦਿਤਿਆ ਰਾਏ ਕਪੂਰ ਪਿਛਲੇ ਇਕ ਸਾਲ ਤੋਂ ਆਪਣੇ ਰਿਸ਼ਤੇ ਨੂੰ ਲੈ ਕੇ ਸੁਰਖ਼ੀਆਂ ’ਚ ਹਨ। ਇਕੱਠੇ ਛੁੱਟੀਆਂ ’ਤੇ ਜਾਣ ਤੋਂ ਲੈ ਕੇ ਡਿਨਰ ਡੇਟ ਤੇ ਪਾਰਟੀਆਂ ’ਤੇ ਇਕੱਠੇ ਦੇਖੇ ਜਾਣ ਤੱਕ, ਭਾਵੇਂ ਅਨਨਿਆ ਤੇ ਆਦਿਤਿਆ ਆਪਣੇ ਰਿਸ਼ਤੇ ਨੂੰ ਲੁਕਾਉਂਦੇ ਹਨ ਪਰ ਉਨ੍ਹਾਂ ਦੀ ਇਕੱਠਿਆਂ ਮੌਜੂਦਗੀ ਉਨ੍ਹਾਂ ਦੇ ਰਿਸ਼ਤੇ ਨੂੰ ਸਾਬਿਤ ਕਰਨ ਲਈ ਕਾਫੀ ਹੈ। ਕੁਝ ਦਿਨ ਪਹਿਲਾਂ ਦੋਵੇਂ ਨਵੇਂ ਸਾਲ ਦੀਆਂ ਛੁੱਟੀਆਂ ਮਨਾਉਣ ਲਈ ਇਕੱਠੇ ਬਾਹਰ ਗਏ ਸਨ। ਹਾਲਾਂਕਿ ਦੋਵਾਂ ਨੇ ਆਪਣੇ ਰਿਸ਼ਤੇ ਦੀ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਹੈ।

ਅਨਨਿਆ ਪਾਂਡੇ ਦੀ ਹਾਲੀਆ ਫ਼ਿਲਮ ‘ਖੋ ਗਏ ਹਮ ਕਹਾਂ’ ਨੂੰ ਓ. ਟੀ. ਟੀ. ਪਲੇਟਫਾਰਮ ਨੈੱਟਫਲਿਕਸ ’ਤੇ ਰਿਲੀਜ਼ ਕੀਤਾ ਗਿਆ ਹੈ। ਫ਼ਿਲਮ ’ਚ ਅਨਨਿਆ ਦੀ ਅਦਾਕਾਰੀ ਦੀ ਕਾਫੀ ਤਾਰੀਫ਼ ਹੋਈ ਸੀ। ਇਸ ਤੋਂ ਬਾਅਦ ਅਨਨਿਆ ਸੀ. ਸ਼ੰਕਰਨ ਨਾਇਰ ਦੀ ‘ਦਿ ਅਨਟੋਲਡ ਸਟੋਰੀ’ ’ਚ ਨਜ਼ਰ ਆ ਸਕਦੀ ਹੈ। ਆਦਿਤਿਆ ਰਾਏ ਕਪੂਰ ਦੀ ਗੱਲ ਕਰੀਏ ਤਾਂ ਉਹ ਸਾਰਾ ਅਲੀ ਖ਼ਾਨ ਨਾਲ ਫ਼ਿਲਮ ‘ਮੈਟਰੋ ਇਨ ਦਿਨੋਂ’ ’ਚ ਨਜ਼ਰ ਆਉਣਗੇ।