ਸਟਾਰ ਪਲੱਸ ਦੇ ਸ਼ੋਅ ‘ਝਨਕ’ ਨਾਲ ਜੁੜੀਆਂ ਹਿਬਾ ਨਵਾਬ ਨੇ ਦੱਸੀਆਂ ਦਿਲਚਸਪ ਗੱਲਾਂ
November 15, 2023
![](http://mehakewattan.com/wp-content/uploads/2023/11/2023_11image_13_25_178097944hibanawab-ll.jpg)
ਮੁੰਬਈ– ਸਟਾਰ ਪਲੱਸ ਬੇਮਿਸਾਲ ਸਮੱਗਰੀ ਪ੍ਰਦਾਨ ਕਰਨ ਤੇ ਅਣਚਾਹੇ ਖ਼ੇਤਰ ’ਚ ਉੱਦਮ ਕਰਨ ਲਈ ਜਾਣਿਆ ਜਾਂਦਾ ਹੈ। ਹੁਣ ਇਹ ਨਵਾਂ ਸ਼ੋਅ ‘ਝਨਕ’ ਲੈ ਕੇ ਆ ਰਿਹਾ ਹੈ, ਜਿਸ ’ਚ ਇਹ ਉਮੀਦਾਂ ਤੇ ਸੁਪਨਿਆਂ ਨਾਲ ਭਰੀ ਇਕ ਮੁਟਿਆਰ ਦੀ ਕਹਾਣੀ ਬਿਆਨ ਕਰੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਹਿਬਾ ਨਵਾਬ ‘ਝਨਕ’ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ। ‘ਝਨਕ’ ਇਕ ਛੋਟੀ ਲੜਕੀ ਦੀ ਕਹਾਣੀ ਹੈ, ਜੋ ਗਰੀਬੀ ’ਚ ਵੱਡੀ ਹੁੰਦੀ ਹੈ ਪਰ ਡਾਂਸਰ ਬਣਨ ਦਾ ਸੁਪਨਾ ਲੈਂਦੀ ਹੈ।
ਉਹ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਸਾਰੀਆਂ ਰੁਕਾਵਟਾਂ ਨੂੰ ਪਾਰ ਕਰਨ ਦਾ ਫ਼ੈਸਲਾ ਕਰਦੀ ਹੈ ਪਰ ਉਸ ਦੇ ਪਰਿਵਾਰ ਦੀਆਂ ਮੁਸ਼ਕਿਲਾਂ ਦੇ ਕਾਰਨ ਉਸ ਦੀ ਜ਼ਿੰਦਗੀ ਉਲਟ ਗਈ ਹੈ। ਲੀਨਾ ਗੰਗੋਪਾਧਿਆਏ ਵਲੋਂ ਨਿਰਮਿਤ ‘ਝਨਕ’ 20 ਨਵੰਬਰ ਤੋਂ ਸੋਮਵਾਰ ਤੋਂ ਐਤਵਾਰ ਰਾਤ 10.30 ਵਜੇ ਸਟਾਰ ਪਲੱਸ ’ਤੇ ਪ੍ਰਸਾਰਿਤ ਹੋਵੇਗਾ।