ਇਜ਼ਰਾਈਲੀ ਰਾਜਦੂਤ ਨੇ ਭਾਰਤੀਆਂ ਨੂੰ ਕਿਹਾ,”ਸਾਡੇ ਬੰਧਕਾਂ ਲਈ ਵੀ ਦੀਵਾਲੀ ‘ਤੇ ਜਗਾਓ ਇਕ ਦੀਵਾ”

ਨਵੀਂ ਦਿੱਲੀ- ਦੀਵਾਲੀ ਤੋਂ ਪਹਿਲਾਂ ਭਾਰਤ ਵਿੱਚ ਇਜ਼ਰਾਈਲ ਦੇ ਰਾਜਦੂਤ ਨੇ ਭਾਰਤੀਆਂ ਨੂੰ ਪਿਛਲੇ ਮਹੀਨੇ ਹੋਏ ਹਮਲੇ ਤੋਂ ਬਾਅਦ ਹਮਾਸ ਦੁਆਰਾ ਬੰਧਕ ਬਣਾਏ ਗਏ ਆਪਣੇ ਦੇਸ਼ ਵਿੱਚ ‘ਉਮੀਦ ਦਾ ਦੀਵਾ’ ਜਗਾਉਣ ਦੀ ਅਪੀਲ ਕੀਤੀ ਹੈ। ਭਾਰਤ ਵਿੱਚ ਇਜ਼ਰਾਈਲ ਦੇ ਰਾਜਦੂਤ ਨਾਓਰ ਗਿਲੋਨ ਨੇ ਨਿੰਦਾ ਕਰਦੇ ਹੋਏ ਕਿਹਾ ਹੈ ਕਿ ਜੇਕਰ ਦੇਸ਼ ਹਮਾਸ ਦੇ ਅੱਤਵਾਦੀਆਂ ਨੂੰ ਖ਼ਤਮ ਕਰਨ ਵਿੱਚ ਕਾਮਯਾਬ ਹੋ ਜਾਂਦਾ ਹੈ ਤਾਂ ਵੱਡੇ ਪੱਧਰ ‘ਤੇ ਇਸ ਦੇ ਪ੍ਰਭਾਵ ਦੀ ਸੰਭਾਵਨਾ ਵੀ ਘੱਟ ਜਾਵੇਗੀ।
7 ਅਕਤਬੂਰ ਦੇ ਹਮਲੇ ਲਈ ਹਮਾਸ ਦੀ ਗਿਲੋਨ ਨੇ ‘ਐਕਸ’ ‘ਤੇ ਇਕ ਵੀਡੀਓ ਪੋਸਟ ਕੀਤੀ ਅਤੇ ਕਿਹਾ ਕਿ ਜਿਸ ਤਰ੍ਹਾਂ ਦੀਵਾਲੀ ‘ਤੇ ਰਾਮ ਭਗਵਾਨ ਦੀ ਵਾਪਸੀ ਦਾ ਜਸ਼ਨ ਦੀਵੇ ਜਲਾ ਕੇ ਮਨਾਇਆ ਜਾਂਦਾ ਹੈ, ਉਸੇ ਤਰ੍ਹਾਂ ਸਾਡੇ ਬੰਧਕਾਂ ਦੀ ਵਾਪਸੀ ਦੀ ਉਮੀਦ ਵਿਚ ਇਕ ਦੀਵਾ ਜ਼ਰੂਰ ਜਲਾਉਣਾ ਚਾਹੀਦਾ ਹੈ। ਗਿਲੋਨ ਨੇ ਕਿਹਾ ਕਿ ਸਾਡੇ 240 ਪਿਆਰਿਆਂ ਨੂੰ ਹਮਾਸ ਦੇ ਅੱਤਵਾਦੀਆਂ ਨੇ ਇਕ ਮਹੀਨੇ ਤੋਂ ਬੰਧਕ ਬਣਾ ਕੇ ਰੱਖਿਆ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਦੀਵਾਲੀ ‘ਤੇ ਅਸੀਂ ਤੁਹਾਨੂੰ ਆਪਣੇ ਪਿਆਰਿਆਂ ਦੀ ਵਾਪਸੀ ਦੀ ਉਮੀਦ ‘ਚ ਦੀਵੇ ਜਗਾਉਣ ਦਾ ਸੱਦਾ ਦਿੰਦੇ ਹਾਂ। #DiyaOfHope ਦੀ ਵਰਤੋਂ ਕਰਕੇ ਸਾਨੂੰ ਟੈਗ ਕਰੋ ਅਤੇ ਆਪਣੀਆਂ ਫੋਟੋਆਂ ਸਾਂਝੀਆਂ ਕਰੋ। ਇਜ਼ਰਾਈਲੀ ਮਿਲਟਰੀ ਇੰਟੈਲੀਜੈਂਸ ਅਤੇ ਇਜ਼ਰਾਈਲੀ ਸੁਰੱਖਿਆ ਏਜੰਸੀ (ਆਈ. ਐੱਸ. ਏ) ਨੇ ਮੋਟੇ ਤੌਰ ‘ਤੇ ਅੰਦਾਜ਼ਾ ਲਗਾਇਆ ਹੈ ਕਿ ਹਮਾਸ ਨੇ 180 ਅਗਵਾ ਕੀਤੇ ਬੰਧਕਾਂ ਨੂੰ ਰੱਖਿਆ ਹੋਇਆ ਹੈ। ਬੰਧਕਾਂ ਵਿੱਚੋਂ 40 ਫਲਸਤੀਨੀ ਇਸਲਾਮਿਕ ਜੇਹਾਦ ਦੀ ਹਿਰਾਸਤ ਵਿੱਚ ਹਨ ਅਤੇ 20 ਹੋਰ ਇਸਲਾਮਿਕ ਸਮੂਹਾਂ ਕੋਲ ਹਨ। ਇਹ ਜਾਣਕਾਰੀ ਅਮਰੀਕਾ ਨੂੰ ਵੀ ਦਿੱਤੀ ਗਈ ਹੈ।