ਭਾਰਤ ਨੇ ਜਿੱਤੀ ਸੈਫ ਅੰਡਰ-17 ਚੈਂਪੀਅਨਸ਼ਿਪ

ਕੋਲੰਬੋ : ਭਾਰਤ ਨੇ ਬੁੱਧਵਾਰ ਨੂੰ ਫਾਈਨਲ ‘ਚ ਇਕਪਾਸੜ ਨੇਪਾਲ ਨੂੰ 4-0 ਨਾਲ ਹਰਾ ਕੇ ਦੱਖਣੀ ਏਸ਼ੀਆਈ ਫੁੱਟਬਾਲ ਸੰਘ (ਸੈਫ) ਅੰਡਰ-17 ਚੈਂਪੀਅਨਸ਼ਿਪ ਖਿਤਾਬ ਆਪਣੇ ਨਾਂ ਕਰ ਲਿਆ। ਭਾਰਤ ਨੇ ਲਗਾਤਾਰ ਦੂਜੀ ਵਾਰ ਇਹ ਖਿਤਾਬ ਜਿੱਤਿਆ, ਜਿਸ ਨੂੰ ਪਹਿਲਾਂ ਸੈਫ ਅੰਡਰ-15 ਚੈਂਪੀਅਨਸ਼ਿਪ ਦੇ ਨਾਂ ਨਾਲ ਜਾਣਿਆ ਜਾਂਦਾ ਸੀ। ਬੌਬੀ ਸਿੰਘ, ਕੈਰੋ ਸਿੰਘ, ਕਪਤਾਨ ਵਨਲਾਲਪੇਕਾ ਗੁਇਟੇ ਤੇ ਅਮਨ ਨੇ ਭਾਰਤ ਲਈ 1-1 ਗੋਲ ਕੀਤਾ। ਨੇਪਾਲ ਨੇ ਗਰੁੱਪ ਲੀਗ ‘ਚ ਭਾਰਤ ਨੂੰ 3-1 ਨਾਲ ਹਰਾਇਆ ਸੀ ਪਰ ਫਾਈਨਲ ਵਿਚ ਉਹ ਭਾਰਤ ਸਾਹਮਣੇ ਇਕ ਵੀ ਗੋਲ ਨਹੀਂ ਕਰ ਸਕਿਆ।