ਮੰਦੀ ਦਾ ਸਾਹਮਣਾ ਕਰ ਰਹੀ ਬ੍ਰਿਟੇਨ ਦੀ ਅਰਥਵਿਵਸਥਾ
![](http://mehakewattan.com/wp-content/uploads/2023/11/2023_11image_16_46_286184695britainrecession-ll.jpg)
ਨਵੀਂ ਦਿੱਲੀ – ਮੌਜੂਦਾ ਸਮੇਂ ਬ੍ਰਿਟੇਨ ਭਾਰੀ ਆਰਥਿਕ ਮੰਦੀ ਦਾ ਸਾਹਮਣਾ ਕਰ ਰਿਹਾ ਹੈ। ਬ੍ਰਿਟੇਨ ਵਿਚ ਥੋਕ, ਪ੍ਰਚੂਨ ਅਤੇ ਪ੍ਰਾਹੁਣਚਾਰੀ ਕਾਰੋਬਾਰ ਉੱਚ ਊਰਜਾ ਬਿੱਲਾਂ, ਕਾਰੋਬਾਰੀ ਲਾਗਤਾਂ ਅਤੇ ਖਪਤਕਾਰਾਂ ਵਲੋਂ ਘੱਟ ਮੰਗ ਕਾਰਨ ਕਾਰੋਬਾਰੀ ਫਰਮਾਂ ਨੇ ਸਾਲ 2009 ਤੋਂ ਬਾਅਦ ਸਭ ਤੋਂ ਮਾੜਾ ਪ੍ਰਦਰਸ਼ਨ ਕੀਤਾ ਹੈ। ਇਸ ਸਾਲ ਜੁਲਾਈ ਤੋਂ ਸਤੰਬਰ ਤੱਕ 6,208 ਫਰਮਾਂ ਦਿਵਾਲੀਆ ਹੋ ਗਈਆਂ ਅਤੇ ਪਿਛਲੀਆਂ ਦੋ ਤਿਮਾਹੀਆਂ ਨੇ 2009 ਦੀ ਦੂਜੀ ਤਿਮਾਹੀ ਤੋਂ ਬਾਅਦ ਸਭ ਤੋਂ ਵੱਧ ਘਾਟਾ ਦੇਖਿਆ ਹੈ। ਪਿਛਲੇ ਸਾਲ 4,276 ਨਿਰਮਾਣ ਫਰਮਾਂ ਨੂੰ ਘਾਟੇ ਦਾ ਸਾਹਮਣਾ ਕਰਨਾ ਪਿਆ ਹੈ, ਜੋ ਕਿ ਸੈਕਟਰ ਦੀ ਪਛਾਣ ਕੀਤੇ ਗਏ ਸਾਰੇ ਮਾਮਲਿਆਂ ਦਾ ਲਗਭਗ ਪੰਜਵਾਂ ਹਿੱਸਾ ਹਨ। ਕੰਸਲਟੈਂਸੀ ਬੇਗਬੀਜ਼ ਟਰੇਨੋਰ ਦਾ ਕਹਿਣਾ ਹੈ ਕਿ ਪਿਛਲੇ ਤਿੰਨ ਮਹੀਨਿਆਂ ਦੇ ਮੁਕਾਬਲੇ ਜੁਲਾਈ ਅਤੇ ਸਤੰਬਰ ਮਹੀਨਿਆਂ ਦਰਮਿਆਨ “ਨਾਜ਼ੁਕ” ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੇ ਕਾਰੋਬਾਰਾਂ ਦੀ ਗਿਣਤੀ ਵਿੱਚ ਲਗਭਗ ਇੱਕ ਚੌਥਾਈ ਦਾ ਵਾਧਾ ਹੋਇਆ ਹੈ। ਅਜਿਹੀ ਸਥਿਤੀ ਦਰਮਿਆਨ ਕਰਜ਼ਾ ਰਾਹਤ ਲੈਣ ਵਾਲੇ ਲੋਕਾਂ ਦੀ ਗਿਣਤੀ 49 ਪ੍ਰਤੀਸ਼ਤ ਵੱਧ ਕੇ 8,438 ਦੇ ਰਿਕਾਰਡ ਉੱਚੇ ਪੱਧਰ ‘ਤੇ ਪਹੁੰਚ ਗਈ ਹੈ। ਟ੍ਰੈਵਲ ਵਪਾਰ ਸਮੂਹ ਅਬਟਾ ਦਾ ਕਹਿਣਾ ਹੈ ਕਿ ਗ੍ਰੀਸ ਅਤੇ ਤੁਰਕੀ ਸੰਭਾਵਿਤ ਮੰਗ ਨਾਲ ਨਜਿੱਠਣ ਲਈ ਪਹਿਲਾਂ ਹੀ ਆਪਣੇ ਸੈਰ-ਸਪਾਟਾ ਸੀਜ਼ਨ ਦੀਆਂ ਸਕੀਮਾ ਨੂੰ ਵਧਾ ਰਹੇ ਹਨ।
ਬ੍ਰਿਟਿਸ਼ ਇੰਡੀਪੈਂਡੈਂਟ ਰਿਟੇਲਰਜ਼ ਐਸੋਸੀਏਸ਼ਨ ਦੇ ਐਂਡਰਿਊ ਗੁਡੈਕਰ ਨੇ ਕਿਹਾ: “ਸਾਡੇ ਮੈਂਬਰ ਹਰ ਸਮੇਂ ਸਾਨੂੰ ਦੱਸਦੇ ਹਨ ਕਿ ਹਾਈ ਸਟਰੀਟ ‘ਤੇ ਇਹ ਕਿੰਨਾ ਮੁਸ਼ਕਲ ਹੈ। “ਟਿੱਪਣੀਆਂ ਆ ਰਹੀਆਂ ਹਨ ਕਿ ਇਹ ‘ਕੋਵਿਡ ਨਾਲੋਂ ਔਖਾ’ ਹੈ ਅਤੇ ਉਹ ਥੱਕ ਗਏ ਹਨ।”