Dream 11 ‘ਤੇ 1.5 ਕਰੋੜ ਰੁਪਏ ਜਿੱਤਣ ਮਗਰੋਂ ਹੋਈ ਮਸ਼ਹੂਰੀ ਪੈ ਗਈ ਮਹਿੰਗੀ
![](http://mehakewattan.com/wp-content/uploads/2023/10/2023_10image_02_50_59601049136-ll.jpg)
ਪੁਣੇ ਜ਼ਿਲ੍ਹੇ ਦੇ ਪਿੰਪਰੀ ਚਿੰਚਵਾੜ ਪੁਲਸ ਕਮਿਸ਼ਨਰੇਟ ਨਾਲ ਜੁੜੇ ਪੁਲਸ ਸਬ-ਇੰਸਪੈਕਟਰ ਸੋਮਨਾਥ ਜ਼ੇਂਡੇ, ਜਿਸ ਨੇ ਕ੍ਰਿਕਟ ਫੈਂਟੇਸੀ ਨਾਲ ਸਬੰਧਤ ਆਨਲਾਈਨ ਗੇਮ ‘ਚ 1.5 ਕਰੋੜ ਰੁਪਏ ਜਿੱਤੇ ਸਨ, ਨੂੰ ਮੁੱਢਲੀ ਪੁੱਛਗਿੱਛ ਤੋਂ ਬਾਅਦ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਜ਼ੇਂਡੇ ਨੇ ਬਿਨਾਂ ਇਜਾਜ਼ਤ ਦੇ ਗੇਮਿੰਗ ਐਪ ਡਰੀਮ 11 ਵਿਚ ਹਿੱਸਾ ਲਿਆ ਸੀ।
ਜਾਂਚ ਅਧਿਕਾਰੀ ਪਿੰਪਰੀ ਚਿੰਚਵਾੜ ਪੁਲਸ ਦੇ ਸਹਾਇਕ ਪੁਲਸ ਕਮਿਸ਼ਨਰ ਸਤੀਸ਼ ਮਾਨੇ ਦੇ ਅਨੁਸਾਰ ਪਿੰਪਰੀ ਚਿੰਚਵਾੜ ਪੁਲਸ ਕਮਿਸ਼ਨਰੇਟ ਨਾਲ ਜੁੜੇ PSI ਸੋਮਨਾਥ ਜ਼ੇਂਡੇ ਨੇ ਆਨਲਾਈਨ ਗੇਮਿੰਗ ਵਿਚ ਹਿੱਸਾ ਲਿਆ ਸੀ ਅਤੇ ਇਸ ਤੋਂ ਕੁਝ ਵਿੱਤੀ ਲਾਭ ਕਮਾਇਆ ਸੀ, ਜਿਸ ਤੋਂ ਬਾਅਦ ਉਸ ਨੇ ਇੰਟਰਵਿਊ ਦਿੱਤੀ ਸੀ। ਉਸ ਦੀ ਇੰਟਰਵਿਊ ਤੋਂ ਬਾਅਦ ਸੋਸ਼ਲ ਮੀਡੀਆ ਰਾਹੀਂ ਪੁਲਸ ਵਿਭਾਗ ਲਈ ਕੁਝ ਨਕਾਰਾਤਮਕ ਪ੍ਰਤੀਕਿਰਿਆਵਾਂ ਆਈਆਂ ਸਨ। ਸਤੀਸ਼ ਮਾਨੇ ਨੇ ਦੱਸਿਆ ਕਿ ਇਨ੍ਹਾਂ ਘਟਨਾਵਾਂ ਨੂੰ ਲੈ ਕੇ ਤੱਥਾਂ ਦੀ ਜਾਂਚ ਲਈ ਜਾਂਚ ਕੀਤੀ ਗਈ ਅਤੇ ਜਾਂਚ ਦੌਰਾਨ ਇਹ ਗੱਲ ਸਾਹਮਣੇ ਆਈ ਕਿ ਸੋਮਨਾਥ ਝੇਂਡੇ ਨੇ ਬਿਨਾਂ ਕਿਸੇ ਅਗਾਊਂ ਇਜਾਜ਼ਤ ਦੇ ਆਨਲਾਈਨ ਗੇਮਾਂ ਵਿਚ ਹਿੱਸਾ ਲਿਆ ਸੀ। ਉਸ ਨੇ ਬਿਨਾਂ ਲੋੜੀਂਦੀ ਇਜਾਜ਼ਤ ਲਏ ਮੀਡੀਆ ਚੈਨਲਾਂ ਨੂੰ ਇੰਟਰਵਿਊ ਵੀ ਦਿੱਤੀ ਸੀ ਜਿਸ ਕਰਕੇ ਉਸ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਸੀ।
ਜਾਂਚ ਅਧਿਕਾਰੀ ਨੇ ਅੱਗੇ ਦੋਸ਼ ਲਾਇਆ ਕਿ ਜ਼ੇਂਡੇ ਨੇ ਬਿਨਾਂ ਅਗਾਊਂ ਇਜਾਜ਼ਤ ਤੋਂ ਅਜਿਹੀਆਂ ਖੇਡਾਂ ਵਿਚ ਹਿੱਸਾ ਲੈ ਕੇ ਸਿਵਲ ਕੋਡ ਆਫ ਕੰਡਕਟ ਦੇ ਨਿਯਮਾਂ ਦੀ ਉਲੰਘਣਾ ਕੀਤੀ ਹੈ। ਉਨ੍ਹਾਂ ਕਿਹਾ, ”ਲੋਕਾਂ ਦੇ ਮਨਾਂ ‘ਚ ਪੁਲਸ ਨੂੰ ਲੈ ਕੇ ਇਕ ਵੱਖਰੀ ਤਰ੍ਹਾਂ ਦੀ ਧਾਰਨਾ ਬਣੀ ਹੋਈ ਹੈ ਅਤੇ ਇਸ ਘਟਨਾ ‘ਚ ਇਹ ਪਾਇਆ ਗਿਆ ਕਿ ਜ਼ੇਂਡ ਨੇ ਅਜਿਹੀਆਂ ਖੇਡਾਂ ‘ਚ ਹਿੱਸਾ ਲੈ ਕੇ ਸਿਵਲ ਕੋਡ ਆਫ ਕੰਡਕਟ ਦੇ ਨਿਯਮਾਂ ਦੀ ਉਲੰਘਣਾ ਕੀਤੀ ਹੈ। ਏਸੀਪੀ ਸਤੀਸ਼ ਮਾਨੇ ਨੇ ਕਿਹਾ ਕਿ ਇਜਾਜ਼ਤ ਅਣਉਚਿਤ ਸੀ, ਇਸ ਲਈ ਉਸ ਵਿਰੁੱਧ ਜਾਂਚ ਸ਼ੁਰੂ ਕੀਤੀ ਗਈ ਅਤੇ ਕਾਰਵਾਈ ਕੀਤੀ ਗਈ। ਏਸੀਪੀ ਨੇ ਪੁਲਸ ਮੁਲਾਜ਼ਮਾਂ ਨੂੰ ਭਵਿੱਖ ਵਿਚ ਅਜਿਹੀਆਂ ਖੇਡਾਂ ਵਿਚ ਭਾਗ ਨਾ ਲੈਣ ਦੀ ਵੀ ਅਪੀਲ ਕੀਤੀ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)