ਰੈਂਪ ਵਾਕ ਕਰਦਿਆਂ ਅਚਾਨਕ ਨੱਚਣ ਲੱਗੀ ਰਿਤਿਕ ਰੌਸ਼ਨ ਦੀ ਗਰਲਫਰੈਂਡ ਸਬਾ ਆਜ਼ਾਦ
![](http://mehakewattan.com/wp-content/uploads/2023/10/2023_10image_15_00_390712076sabaazad-ll.jpg)
ਮੁੰਬਈ – ਜਿਥੇ ਰਿਤਿਕ ਰੌਸ਼ਨ ਆਪਣੀ ਆਉਣ ਵਾਲੀ ਫ਼ਿਲਮ ‘ਫਾਈਟਰ’ ਨੂੰ ਲੈ ਕੇ ਸੁਰਖ਼ੀਆਂ ’ਚ ਹਨ, ਉਥੇ ਹੀ ਉਨ੍ਹਾਂ ਦੀ ਗਰਲਫਰੈਂਡ ਸਬਾ ਆਜ਼ਾਦ ਦੀ ਤਾਜ਼ੀ ਵੀਡੀਓ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਅਦਾਕਾਰਾ ਤੇ ਗਾਇਕਾ ਦੀ ਹਾਲ ਹੀ ’ਚ ਵਾਇਰਲ ਹੋਈ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕ ਤਿੱਖੀ ਪ੍ਰਤੀਕਿਰਿਆ ਦੇ ਰਹੇ ਹਨ।
ਦਰਅਸਲ ਹਾਲ ਹੀ ’ਚ ਇਕ ਫੈਸ਼ਨ ਸ਼ੋਅ ਦਾ ਹਿੱਸਾ ਬਣੀ ਸਬਾ ਆਜ਼ਾਦ ਨੇ ਰੈਂਪ ’ਤੇ ਵਾਕ ਕਰਦਿਆਂ ਡਾਂਸ ਕਰਨਾ ਸ਼ੁਰੂ ਕਰ ਦਿੱਤਾ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਈ। ਇਸ ਦੇ ਨਾਲ ਹੀ ਲੋਕਾਂ ਨੇ ਕੁਮੈਂਟਸ ’ਚ ਕਾਫੀ ਰਿਐਕਸ਼ਨ ਦਿੱਤੇ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੇ ਹਨ। ਵੂੰਪਲਾ ਦੇ ਇੰਸਟਾਗ੍ਰਾਮ ਪੇਜ ’ਤੇ ਸ਼ੇਅਰ ਕੀਤੀ ਵੀਡੀਓ ’ਚ ਸਬਾ ਆਜ਼ਾਦ ਨੇ ਸਭ ਤੋਂ ਪਹਿਲਾਂ ਖ਼ੂਬਸੂਰਤ ਲੁੱਕ ’ਚ ਰੈਂਪ ’ਤੇ ਵਾਕ ਕੀਤੀ। ਇਸ ਤੋਂ ਬਾਅਦ ਉਹ ਮਾਈਕ ਹੱਥਾਂ ’ਚ ਲੈ ਕੇ ਨੱਚਦੀ ਹੋਈ ਵਾਪਸ ਚਲੀ ਜਾਂਦੀ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਪ੍ਰਤੀਕਿਰਿਆਵਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਸਬਾ ਆਜ਼ਾਦ ‘ਮੁਝਸੇ ਫਰੈਂਡਸ਼ਿਪ ਕਰੋਗੇ’, ‘ਦਿਲ ਕਬੱਡੀ’, ‘ਸੌਂਗਸ ਆਫ ਪੈਰਾਡਾਈਜ਼’, ‘ਨੌਟੰਕੀ ਸਾਲਾ’, ‘ਮਿਨੀਮਮ’ ਤੇ ‘ਕਾਰਵਾਂ’ ਵਰਗੀਆਂ ਫ਼ਿਲਮਾਂ ’ਚ ਨਜ਼ਰ ਆ ਚੁੱਕੀ ਹੈ।
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)