ਮੈਂ ਇਕ ਬਕਸੇ ’ਚ ਬੰਦ ਨਹੀਂ ਹੋਣਾ ਚਾਹੁੰਦਾ : ਤਾਹਿਰ ਰਾਜ ਭਸੀਨ

ਮੁੰਬਈ – ਅਭਿਨੇਤਾ ਤਾਹਿਰ ਰਾਜ ਭਸੀਨ ਆਪਣੇ ਅਗਲੇ ਪ੍ਰੋਜੈਕਟ ‘ਸੁਲਤਾਨ ਆਫ ਦਿੱਲੀ’ ਦੀ ਰਿਲੀਜ਼ ਲਈ ਤਿਆਰੀ ਕਰ ਰਹੇ ਹਨ। ਨਿਰਦੇਸ਼ਕ ਮਿਲਨ ਲੂਥਰੀਆ ਦੁਆਰਾ ਨਿਰਦੇਸ਼ਿਤ ਇਸ ਸੀਰੀਜ਼ ’ਚ ਤਾਹਿਰ ਇਕ ਗੈਂਗਸਟਰ ਦਾ ਕਿਰਦਾਰ ਨਿਭਾਉਂਦੇ ਹੋਏ ਨਜ਼ਰ ਆਉਣਗੇ, ਜਿਸਦੀ ਇਕ ਝਲਕ ਸਾਨੂੰ ਟਰੇਲਰ ’ਚ ਮਿਲੀ ਹੈ। 

ਆਪਣੀਆਂ ਵੱਖ-ਵੱਖ ਭੂਮਿਕਾਵਾਂ ਦੀ ਚੋਣ ਬਾਰੇ ਟਿੱਪਣੀ ਕਰਦੇ ਹੋਏ ਤਾਹਿਰ ਕਹਿੰਦੇ ਹਨ, ”ਮੈਂ ਸਿਨੇਮਾ ’ਚ ਕਦੀ ਵੀ ਇਕ ਕਿਸਮ ਦੀ ਭੂਮਿਕਾ ਜਾਂ ਇਕ ਸ਼ੈਲੀ ਤੱਕ ਸੀਮਿਤ ਰਹਿਣ ਦਾ ਫੈਸਲਾ ਨਹੀਂ ਕੀਤਾ ਹੈ। ਵਿਕਾਸ ਕਿਸੇ ਦੇ ਆਰਾਮ ਖੇਤਰ ਤੋਂ ਬਾਹਰ ਹੁੰਦਾ ਹੈ ਤੇ ਮੈਂ ਨਹੀਂ ਚਾਹੁੰਦਾ ਕਿ ਜਿਸ ਤਰ੍ਹਾਂ ਦੀਆਂ ਭੂਮਿਕਾਵਾਂ ਮੈਂ ਕਰਦਾ ਹਾਂ, ਉਨ੍ਹਾਂ ਤੱਕ ਹੀ ਸੀਮਿਤ ਰਹਾਂ ਜਾਂ ਦਾਇਰੇ ’ਚ ਬੰਦ ਕਰ ਦਿੱਤਾ ਜਾਵਾਂ।” ‘ਦਿੱਲੀ ਦਾ ਸੁਲਤਾਨ’ 13 ਅਕਤੂਬਰ ਨੂੰ ਡਿਜ਼ਨੀ+ਹੌਟਸਟਾਰ ’ਤੇ ਰਿਲੀਜ਼ ਹੋਵੇਗੀ।