ਆਮਿਰ ਖਾਨ ਨੇ ਆਫ਼ਤ ਪੀੜਤ ਹਿਮਾਚਲ ਲਈ ਮਦਦ ਵਜੋਂ ਦਿੱਤੇ 25 ਲੱਖ ਰੁਪਏ
September 24, 2023
![](http://mehakewattan.com/wp-content/uploads/2023/09/2023_9image_17_04_403099751aamir-ll.jpg)
ਸ਼ਿਮਲਾ- ਬਾਲੀਵੁੱਡ ਅਭਿਨੇਤਾ ਆਮਿਰ ਖਾਨ ਨੇ ਹਾਲੀਆ ਆਫ਼ਤ ਤੋਂ ਪ੍ਰਭਾਵਿਤ ਪਰਿਵਾਰਾਂ ਨੂੰ ਮਦਦ ਪ੍ਰਦਾਨ ਕਰਨ ਲਈ ਇਕ ਨੇਕ ਕਦਮ ਵਜੋਂ ‘ਆਫ਼ਤ ਰਾਹਤ ਫੰਡ’ 2023 ‘ਚ 25 ਲੱਖ ਰੁਪਏ ਦਾ ਯੋਗਦਾਨ ਦਿੱਤਾ ਹੈ। ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ ਨੇ ਕੀਮਤੀ ਸਮਰਥਨ ਲਈ ਆਮਿਰ ਖਾਨ ਦੇ ਪ੍ਰਤੀ ਡੂੰਘਾ ਆਭਾਰ ਜ਼ਾਹਰ ਕਰਦੇ ਹੋਏ ਕਿਹਾ ਕਿ ਇਹ ਮਦਦ ਰਾਹਤ ਅਤੇ ਮੁੜ ਵਸੇਬੇ ਦੀਆਂ ਕੋਸ਼ਿਸ਼ਾਂ ‘ਚ ਮਦਦ ਕਰੇਗੀ, ਜਿਸ ਦਾ ਮਕਸਦ ਪ੍ਰਭਾਵਿਤ ਪਰਿਵਾਰਾਂ ਨੂੰ ਆਫ਼ਤ ਤੋਂ ਬਾਅਦ ਉਭਰਨ ‘ਚ ਮਦਦ ਕਰਨਾ ਹੈ।
ਸੁੱਖੂ ਨੇ ਕਿਹਾ ਕਿ ਫੰਡ ਦੀ ਵਰਤੋਂ ਵਿਵੇਕਪੂਰਨ ਤਰੀਕੇ ਨਾਲ ਕੀਤੀ ਜਾਵੇਗੀ ਤਾਂ ਕਿ ਇਹ ਯਕੀਨੀ ਕੀਤਾ ਜਾ ਸਕੇ ਕਿ ਇਹ ਲੋੜਵੰਦ ਲੋਕਾਂ ਤੱਕ ਪਹੁੰਚੇ। ਉਨ੍ਹਾਂ ਿਕਹਾ ਕਿ ਹਿੰਦੀ ਸਿਨੇਮਾ ਆਈਕਨ ਦਾ ਨੇਕ ਕਦਮ ਉਨ੍ਹਾਂ ਲੋਕਾਂ ਦੇ ਜੀਵਨ ‘ਚ ਜ਼ਿਕਰਯੋਗ ਤਬਦੀਲੀ ਲਿਆਉਣ ਲਈ ਤਿਆਰ ਹੈ, ਜੋ ਰਾਜ ‘ਚ ਮਾਨਸੂਨ ਦੇ ਪ੍ਰਕੋਪ ਤੋਂ ਪ੍ਰਤੀਕੂਲ ਰੂਪ ਨਾਲ ਪ੍ਰਭਾਵਿਤ ਹੋਏ ਹਨ।