ਰਿੰਕੂ ਸਿੰਘ ‘ਤੇ ਨਹੀਂ ਹੈ ਆਇਰਲੈਂਡ ‘ਚ ਪਰਫਾਰਮ ਕਰਨ ਦਾ ਦਬਾਅ

ਭਾਰਤੀ ਟੀਮ ਨੂੰ 18 ਅਗਸਤ ਤੋਂ ਆਇਰਲੈਂਡ ਖ਼ਿਲਾਫ਼ 3 ਮੈਚਾਂ ਦੀ ਟੀ-20 ਸੀਰੀਜ਼ ਖੇਡਣੀ ਹੈ। ਇਸ ਦੌਰੇ ਲਈ ਟੀਮ ਇੰਡੀਆ ‘ਚ ਕਈ ਨੌਜਵਾਨ ਖਿਡਾਰੀਆਂ ਨੂੰ ਮੌਕਾ ਦਿੱਤਾ ਗਿਆ ਹੈ, ਜਿਨ੍ਹਾਂ ਨੂੰ ਵੈਸਟਇੰਡੀਜ਼ ਖ਼ਿਲਾਫ਼ ਟੀ-20 ਸੀਰੀਜ਼ ‘ਚ ਖੇਡਣ ਦਾ ਮੌਕਾ ਨਹੀਂ ਮਿਲਿਆ ਹੈ। ਇਸ ‘ਚ ਇਕ ਨਾਂ ਖੱਬੇ ਹੱਥ ਦੇ ਧਮਾਕੇਦਾਰ ਬੱਲੇਬਾਜ਼ ਰਿੰਕੂ ਸਿੰਘ ਦਾ ਵੀ ਸ਼ਾਮਲ ਹੈ, ਜਿਸ ਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਦੇ 16ਵੇਂ ਸੀਜ਼ਨ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਹੁਣ ਇਹ ਲਗਭਗ ਤੈਅ ਮੰਨਿਆ ਜਾ ਰਿਹਾ ਹੈ ਕਿ ਉਹ ਇਸ ਟੀ-20 ਸੀਰੀਜ਼ ਦਾ ਪਹਿਲਾ ਮੈਚ ਵੀ ਖੇਡੇਗਾ। ਇਸ ਦੇ ਨਾਲ ਹੀ ਬੀਸੀਸੀਆਈ ਵੱਲੋਂ ਜਾਰੀ ਇਕ ਵਿਸ਼ੇਸ਼ ਵੀਡੀਓ ‘ਚ ਰਿੰਕੂ ਨੇ ਦੱਸਿਆ ਕਿ ਉਹ ਆਇਰਲੈਂਡ ‘ਚ ਖੇਡਣ ਕਾਰਨ ਨਹੀਂ ਸਗੋਂ ਕਿਸੇ ਹੋਰ ਕਾਰਨ ਕਰਕੇ ਜ਼ਿਆਦਾ ਦਬਾਅ ਮਹਿਸੂਸ ਕਰ ਰਿਹਾ ਹੈ।

ਬੀਸੀਸੀਆਈ ਦੀ ਤਰਫੋਂ ਰਿੰਕੂ ਸਿੰਘ ਅਤੇ ਇਸ ਟੀ-20 ਸੀਰੀਜ਼ ‘ਚ ਟੀਮ ਇੰਡੀਆ ਦਾ ਹਿੱਸਾ ਰਹੇ ਵਿਕਟਕੀਪਰ ਬੱਲੇਬਾਜ਼ ਜਿਤੇਸ਼ ਸ਼ਰਮਾ ਵਿਚਾਲੇ ਹੋਈ ਗੱਲਬਾਤ ‘ਚ ਟੀਮ ‘ਚ ਸ਼ਾਮਲ ਹੋਣ ਦੇ ਉਨ੍ਹਾਂ ਦੇ ਤਜ਼ਰਬੇ ਨੂੰ ਦਿਖਾਇਆ ਗਿਆ ਹੈ। ਰਿੰਕੂ ਨੇ ਇਸ ਨੂੰ ਆਪਣੀ ਜ਼ਿੰਦਗੀ ਦਾ ਹੁਣ ਤੱਕ ਦਾ ਸਭ ਤੋਂ ਖ਼ਾਸ ਪਲ ਦੱਸਿਆ ਹੈ ਅਤੇ ਇਸ ਦੇ ਨਾਲ ਹੀ ਉਹ ਪਹਿਲੀ ਵਾਰ ਬਿਜ਼ਨੈੱਸ ਕਲਾਸ ‘ਚ ਸਫ਼ਰ ਕਰਦੇ ਹੋਏ ਵੀ ਕਾਫੀ ਚੰਗਾ ਮਹਿਸੂਸ ਕਰ ਰਹੇ ਹਨ। ਦੂਜੇ ਪਾਸੇ ਰਿੰਕੂ ਨੇ ਵੀ ਜਿਤੇਸ਼ ਨਾਲ ਅਭਿਆਸ ਸੈਸ਼ਨ ਦਾ ਤਜਰਬਾ ਸਾਂਝਾ ਕੀਤਾ ਅਤੇ ਕਿਹਾ ਕਿ ਸੈਸ਼ਨ ਬਹੁਤ ਵਧੀਆ ਰਿਹਾ, ਇਸ ਬਾਰੇ ਸੀਨੀਅਰ ਖਿਡਾਰੀਆਂ ਨਾਲ ਵੀ ਗੱਲ ਕੀਤੀ, ਸਾਰਿਆਂ ਨੇ ਕਿਹਾ ਕਿ ਕਿਸੇ ਕਿਸਮ ਦਾ ਦਬਾਅ ਨਾ ਲਓ। ਹਾਲਾਂਕਿ ਮੇਰੇ ‘ਤੇ ਆਇਰਲੈਂਡ ‘ਚ ਆਪਣੀ ਖੇਡ ਨੂੰ ਲੈ ਕੇ ਕੋਈ ਦਬਾਅ ਨਹੀਂ ਹੈ। ਸਗੋਂ ਮੈਂ ਉਥੇ ਅੰਗਰੇਜ਼ੀ ‘ਚ ਇੰਟਰਵਿਊ ਦੇਣ ਦਾ ਹੈ, ਜਿਸ ‘ਚ ਮੇਰਾ ਹੱਥ ਬਹੁਤ ਤੰਗ ਹੈ।

ਰਿੰਕੂ ਨੇ ਆਪਣੀ ਗੱਲਬਾਤ ‘ਚ ਦੱਸਿਆ ਕਿ ਉਹ ਜਰਸੀ ਦੇਖ ਕੇ ਕਾਫ਼ੀ ਭਾਵੁਕ ਹੋ ਗਏ ਸਨ। ਉਨ੍ਹਾਂ ਕਿਹਾ ਕਿ ਮੈਂ ਬਹੁਤ ਚੰਗਾ ਮਹਿਸੂਸ ਕਰ ਰਿਹਾ ਹਾਂ। ਹਰ ਖਿਡਾਰੀ ਦਾ ਸੁਫ਼ਨਾ ਹੁੰਦਾ ਹੈ ਕਿ ਉਹ ਇਕ ਵਾਰ ਭਾਰਤ ਲਈ ਜ਼ਰੂਰ ਖੇਡੇ। ਜਿਵੇਂ ਹੀ ਮੈਂ ਕਮਰੇ ‘ਚ ਪਹੁੰਚ ਕੇ ਆਪਣੀ ਜਰਸੀ, ਜਿਸ ਦਾ ਨੰਬਰ 35 ਸੀ, ਦੇਖਿਆ ਤਾਂ ਮੈਂ ਬਹੁਤ ਭਾਵੁਕ ਹੋ ਗਿਆ। ਇਸ ਦੇ ਨਾਲ ਹੀ ਮੈਂ ਆਪਣੀ ਮਾਂ ਨੂੰ ਵੀ ਫੋਨ ਕੀਤਾ ਅਤੇ ਉਨ੍ਹਾਂ ਨੂੰ ਆਪਣੀਆਂ ਭਾਵਨਾਵਾਂ ਬਾਰੇ ਦੱਸਿਆ।