ਆਕਲੈਂਡ ਰਿਜ਼ਰਵ ‘ਤੇ ਝਗੜੇ ਦੌਰਾਨ ਚੱਲੀ ਗੋਲੀ

ਆਕਲੈਂਡ- ਇੱਕ ਪੁਆਇੰਟ ਇੰਗਲੈਂਡ ਰਿਜ਼ਰਵ ‘ਤੇ ਦੋ ਸਮੂਹਾਂ ਵਿਚਕਾਰ ਹੋਏ ਝਗੜੇ ਦੌਰਾਨ ਇੱਕ ਵਿਅਕਤੀ ਦੀ ਗੋਲੀ ਲੱਗਣ ਕਾਰਨ ਮੌਤ ਹੋ ਗਈ ਹੈ। ਡਿਟੈਕਟਿਵ ਸੀਨੀਅਰ ਸਾਰਜੈਂਟ ਸਟੀਵ ਸਾਲਟਨ ਨੇ ਦੱਸਿਆ ਕਿ ਸ਼ਨੀਵਾਰ ਦੁਪਹਿਰ ਕਰੀਬ 2.40 ਵਜੇ ਆਕਲੈਂਡ ਦੇ ਪੁਆਇੰਟ ਇੰਗਲੈਂਡ ਦੇ ਟੌਰੀਮਾ ਰਿਜ਼ਰਵ ਵਿਖੇ ਗੜਬੜ ਅਤੇ ਗੋਲੀਆਂ ਚੱਲਣ ਦੀਆਂ ਕਈ ਰਿਪੋਰਟਾਂ ਮਿਲਣ ਤੋਂ ਬਾਅਦ ਪੁਲਿਸ ਨੂੰ ਬੁਲਾਇਆ ਗਿਆ ਸੀ। ਬੰਦੂਕ ਦੀ ਗੋਲੀ ਨਾਲ ਜ਼ਖਮੀ ਹੋਏ ਇੱਕ ਵਿਅਕਤੀ ਨੂੰ ਇਲਾਜ ਲਈ ਆਕਲੈਂਡ ਦੇ ਹਸਪਤਾਲ ਵਿੱਚ ਲਿਜਾਇਆ ਗਿਆ ਸੀ ਜਿੱਥੇ ਬਾਅਦ ਵਿੱਚ ਉਸਦੀ ਮੌਤ ਹੋ ਗਈ।

ਡਿਟੈਕਟਿਵ ਇੰਸਪੈਕਟਰ ਗਲੇਨ ਬਾਲਡਵਿਨ ਨੇ ਕਿਹਾ ਕਿ ਇਸ ਘਟਨਾ ਦੇ ਕਾਰਨਾਂ ਸਬੰਧੀ ਜਾਂਚ ਕੀਤੀ ਜਾ ਰਹੀ ਹੈ। ਇਹ ਲਾਪਰਵਾਹੀ ਹਿੰਸਾ, ਖ਼ਾਸਕਰ ਜਦੋਂ ਇਹ ਜਨਤਕ ਥਾਵਾਂ ‘ਤੇ ਵਾਪਰਦੀ ਹੈ, ਪੁਲਿਸ ਅਤੇ ਜਨਤਾ ਲਈ ਦੁਖਦਾਈ ਹੈ।” ਪੁਲਿਸ ਹੱਤਿਆ ਦੀ ਜਾਂਚ ਦੇ ਹਿੱਸੇ ਵਜੋਂ ਲੋਕਾਂ ਤੋਂ ਘਟਨਾ ਦੀ ਫ਼ੋਨ ਜਾਂ ਸੀਸੀਟੀਵੀ ਫੁਟੇਜ ਮੰਗ ਰਹੀ ਹੈ।