ਭਲਕੇ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਵੇਗਾ ਪੰਜਾਬੀ ਫ਼ਿਲਮ ‘ਮਸਤਾਨੇ’ ਦਾ ਟ੍ਰੇਲਰ

ਚੰਡੀਗੜ੍ਹ : ਪੰਜਾਬੀ ਫ਼ਿਲਮ ‘ਮਸਤਾਨੇ’ 5 ਅਗਸਤ ਸ਼ਾਮ 5:00 ਵਜੇ ਕਈ ਸ਼ਹਿਰਾਂ ਦੇ ਸਿਨੇਮਾਘਰਾਂ ’ਚ ਵਿਚ ਇਕੋ ਸਮੇਂ ਆਪਣੇ ਟ੍ਰੇਲਰ ਦਾ ਪ੍ਰੀਮੀਅਰ ਕਰਕੇ ਇਤਿਹਾਸ ਰਚ ਰਹੀ ਹੈ। ਹੋਰ ਵੀ ਦਿਲਚਸਪ ਗੱਲ ਇਹ ਹੈ ਕਿ ਦਰਸ਼ਕ ਇਸ ਨੂੰ ਸਿਰਫ਼ ਇਕ ਰੁਪਏ ਵਿਚ ਦੇਖ ਸਕਦੇ ਹਨ, ਜਿਸ ਨਾਲ ਉਨ੍ਹਾਂ ਨੂੰ YouTube ’ਤੇ ਟ੍ਰੇਲਰ ਰਿਲੀਜ਼ ਹੋਣ ਤੋਂ ਪਹਿਲਾਂ ਇਕ ਨਿਵੇਕਲੀ ਝਲਕ ਮਿਲਦੀ ਹੈ। ਵੱਡੇ ਪਰਦੇ ’ਤੇ ਸਿਨੇਮਾ ਦੇ ਜਾਦੂ ਨੂੰ ਦੇਖਣ ਦੇ ਇਸ ਅਸਾਧਾਰਨ ਮੌਕੇ ਨੂੰ ਨਾ ਗੁਆਓ। ਆਪਣੇ ਨੇੜੇ ਦੇ ਇਕ ਥੀਏਟਰ ਵਿਚ ‘ਮਸਤਾਨੇ’ ਦੇ ਰੋਮਾਂਚ ਅਤੇ ਉਤਸ਼ਾਹ ਦਾ ਅਨੁਭਵ ਕਰਨ ਵਾਲੇ ਪਹਿਲੇ ਲੋਕਾਂ ’ਚ ਸ਼ਾਮਲ ਹੋਵੋ।

ਵੇਹਲੀ ਜਨਤਾ ਫਿਲਮਜ਼ ਅਤੇ ਓਮਜੀਜ਼ ਸਿਨੇ ਵਰਲਡ ਵੱਲੋਂ ਪੇਸ਼ ਕੀਤੀ ਜਾ ਰਹੀ ਫਿਲਮ ‘ਮਸਤਾਨੇ’ ਨਿਰਮਾਤਾ ਮਨਪ੍ਰੀਤ ਜੌਹਲ ਦੇ ਨਾਲ ਆਸ਼ੂ ਮੁਨੀਸ਼ ਸਾਹਨੀ ਅਤੇ ਕਰਮਜੀਤ ਸਿੰਘ ਜੌਹਲ ਵੱਲੋਂ ਨਿਰਮਿਤ ਕੀਤੀ ਗਈ ਹੈ। ਫਿਲਮ ਸ਼ਰਨ ਆਰਟ ਵੱਲੋਂ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਹੈ। ਫਿਲਮ ਵਿਚ ਤਰਸੇਮ ਜੱਸੜ, ਗੁਰਪ੍ਰੀਤ ਘੁੱਗੀ ਦੇ ਨਾਲ ਸਿਮੀ ਚਾਹਲ, ਕਰਮਜੀਤ ਅਨਮੋਲ, ਹਨੀ ਮੱਟੂ ਅਤੇ ਬਨਿੰਦਰ ਬੰਨੀ ਮੁੱਖ ਕਿਰਦਾਰਾਂ ਵਜੋਂ ਇਸ ਅਸਾਧਾਰਨ ਕਹਾਣੀ ਨੂੰ ਦਰਸਾਉਣ ਲਈ ਤਿਆਰ ਹਨ। ਫ਼ਿਲਮ ‘ਮਸਤਾਨੇ’ 25 ਅਗਸਤ 2023 ਨੂੰ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਵੇਗੀ।