ਕੈਲੀਫੋਰਨੀਆ ਦੀ ਸਪੇਸ ਕੰਪਨੀ ਨੇ 22 ਸਟਾਰਲਿੰਕ ਉਪਗ੍ਰਹਿ ਕੀਤੇ ਲਾਂਚ

ਸੈਕਰਾਮੈਂਟੋ : ਅਮਰੀਕਾ ਵਿੱਚ ਕੈਲੀਫੋਰਨੀਆ ਦੀ ਪੁਲਾੜ ਕੰਪਨੀ ਨੇ ਸੋਮਵਾਰ ਨੂੰ ਘੋਸ਼ਣਾ ਕੀਤੀ ਕਿ ਸਪੇਸਐਕਸ ਦੇ ਫਾਲਕਨ 9 ਕੈਰੀਅਰ ਰਾਕੇਟ ਨੇ 22 ਸਟਾਰਲਿੰਕ ਉਪਗ੍ਰਹਿਆਂ ਨੂੰ ਆਰਬਿਟ ਵਿੱਚ ਸਫਲਤਾਪੂਰਵਕ ਸਥਾਪਿਤ ਕੀਤਾ। ਕੰਪਨੀ ਨੇ ਟਵੀਟ ਕੀਤਾ ਕਿ “ਫਾਲਕਨ 9 ਨੇ ਫਲੋਰੀਡਾ ਦੇ ਕੇਪ ਕੈਨਾਵੇਰਲ ਸਪੇਸ ਫੋਰਸ ਸਟੇਸ਼ਨ SLC-40 ਤੋਂ 22 ਸਟਾਰਲਿੰਕ ਸੈਟੇਲਾਈਟ ਲਾਂਚ ਕੀਤੇ ਹਨ।” ਕੰਪਨੀ ਨੇ ਕਿਹਾ ਕਿ ਸਾਰੇ ਸੈਟੇਲਾਈਟਾਂ ਦੀ ਤਾਇਨਾਤੀ ਦੀ ਪੁਸ਼ਟੀ ਹੋ ​​ਗਈ ਹੈ।

ਇਸ ਤੋਂ ਪਹਿਲਾਂ ਲਾਂਚਿੰਗ ਦੋ ਵਾਰ ਲੇਟ ਹੋ ਚੁੱਕੀ ਹੈ ਕਿਉਂਕਿ 19 ਜੁਲਾਈ ਨੂੰ ਅਣਪਛਾਤੀ ਤਕਨੀਕੀ ਸਮੱਸਿਆ ਆਈ ਸੀ ਅਤੇ ਐਤਵਾਰ ਨੂੰ ਖਰਾਬ ਮੌਸਮ ਕਾਰਨ ਲਾਂਚ ਨੂੰ ਰੱਦ ਕਰ ਦਿੱਤਾ ਗਿਆ ਸੀ। ਸਟਾਰਲਿੰਕ ਇੱਕ ਸੈਟੇਲਾਈਟ ਨੈਟਵਰਕ ਹੈ ਜੋ ਪੂਰੇ ਗ੍ਰਹਿ ਨੂੰ ਬ੍ਰੌਡਬੈਂਡ ਇੰਟਰਨੈਟ ਪਹੁੰਚ ਪ੍ਰਦਾਨ ਕਰਨ ਲਈ ਤਿਆਰ ਕੀਤਾ ਗਿਆ ਹੈ।  ਅਮਰੀਕੀ ਅਰਬਪਤੀ ਉਦਯੋਗਪਤੀ ਐਲੋਨ ਮਸਕ ਦੀ ਮਲਕੀਅਤ ਵਾਲਾ ਸਪੇਸਐਕਸ 2018 ਤੋਂ ਇਸ ਪ੍ਰੋਜੈਕਟ ਦਾ ਪ੍ਰਬੰਧਨ ਕਰ ਰਿਹਾ ਹੈ। ਹੁਣ ਤੱਕ 4,200 ਸਟਾਰਲਿੰਕ ਉਪਗ੍ਰਹਿ ਧਰਤੀ ਦੇ ਪੰਧ ਵਿੱਚ ਸਥਾਪਿਤ ਕੀਤੇ ਜਾ ਚੁੱਕੇ ਹਨ।