ਖ਼ੂਨੀ ਕ੍ਰਾਂਤੀ ਨਾਲ ਹਟਾਇਆ ਜਾ ਸਕਦੈ ਮੌਜੂਦਾ ਸਰਕਾਰ ਨੂੰ : ਇਮਰਾਨ ਖ਼ਾਨ

ਇਸਲਾਮਾਬਾਦ – ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇਣ ਤੋਂ ਬਾਅਦ ਭੜਕ ਗਏ ਹਨ, ਜਿਸ ਕਾਰਨ ਉਹ ਹਮੇਸ਼ਾ ਕੋਈ ਨਾ ਕੋਈ ਭੱਦਾ ਬਿਆਨ ਦਿੰਦੇ ਰਹਿੰਦੇ ਹਨ। ਇਮਰਾਨ ਖ਼ਾਨ ਨੇ ਕਿਹਾ ਕਿ ਦੇਸ਼ ’ਚ ਸੱਤਾਧਾਰੀ ਸਰਕਾਰ ਨੂੰ ਸਿਰਫ ਖ਼ੂਨੀ ਕ੍ਰਾਂਤੀ ਜਾਂ ਚੋਣਾਂ ਨਾਲ ਹੀ ਹਟਾਇਆ ਜਾ ਸਕਦਾ ਹੈ।

ਹਾਲ ਹੀ ’ਚ ਇਮਰਾਨ ਖ਼ਾਨ ਵਿਵਾਦਿਤ ਬਿਆਨ ਦੇਣ ਤੋਂ ਬਾਅਦ ਕੋਰਟ ਦੇ ਚੱਕਰ ਲਗਾ ਰਹੇ ਹਨ। ਸਥਾਨਕ ਚੈਨਲ ਸਮਾ ਟੀ. ਵੀ. ਰਿਪੋਰਟ ਮੁਤਾਬਕ ਬਹਾਵਲਪੁਰ ’ਚ ਇਕ ਜਲੂਸ ਨੂੰ ਸੰਬੋਧਨ ਕਰਦਿਆਂ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ (ਪੀ. ਟੀ. ਆਈ.) ਦੇ ਪ੍ਰਧਾਨ ਨੇ ਇਸ ਗੱਲ ’ਤੇ ਜ਼ੋਰ ਦਿੱਤਾ ਕਿ ਕਿਸ ਤਰ੍ਹਾਂ ਸ਼ਰੀਫ, ਜ਼ਰਦਾਰੀ ਤੇ ਮੌਲਾਨਾ ਫਜ਼ਲੂਰ ਰਹਿਮਾਨ ਇਕ ਅਜਿਹੀ ਬੀਮਾਰੀ ਹੈ, ਜਿਸ ਨਾਲ ਦੇਸ਼ ਪੀੜਤ ਹੈ।

ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਰਕਾਰ ਮਹਿੰਗਾਈ ਨੂੰ ਘੱਟ ਕਰਨ ਲਈ ਸੱਤਾ ’ਚ ਨਹੀਂ ਆਈ ਹੈ, ਸਗੋਂ ਆਪਣੀ ਕਾਲੀ ਕਮਾਈ ਦੀ ਰੱਖਿਆ ਲਈ ਆਈ ਹੈ।