ਨਿਊਜ਼ੀਲੈਂਡ : ਪ੍ਰਸ਼ਾਂਤ ਖੇਤਰ ‘ਚ 7.7 ਤੀਬਰਤਾ ਦਾ ਭੂਚਾਲ, ਛੋਟੀ ਸੁਨਾਮੀ ਦਾ ਖਤਰਾ

ਵੈਲਿੰਗਟਨ : ਨਿਊਜ਼ੀਲੈਂਡ ਵਿਖੇ ਦੂਰ ਪ੍ਰਸ਼ਾਂਤ ਵਿੱਚ ਸ਼ੁੱਕਰਵਾਰ ਨੂੰ 7.7 ਤੀਬਰਤਾ ਦਾ ਭੂਚਾਲ ਆਇਆ। ਇਸ ਭੂਚਾਲ ਨੇ ਵੈਨੂਆਟੂ ਲਈ ਸੁਨਾਮੀ ਦਾ ਖਤਰਾ ਪੈਦਾ ਕਰ ਦਿੱਤਾ ਹੈ। ਪੈਸੀਫਿਕ ਸੁਨਾਮੀ ਚੇਤਾਵਨੀ ਕੇਂਦਰ ਨੇ ਕਿਹਾ ਕਿ ਵੈਨੂਆਟੂ ਲਈ 1 ਮੀਟਰ (3 ਫੁੱਟ) ਤੋਂ ਉੱਪਰ ਦੀਆਂ ਲਹਿਰਾਂ ਸੰਭਵ ਹਨ, ਜੋ ਸ਼ੁਰੂਆਤੀ ਪੂਰਵ ਅਨੁਮਾਨ ਨਾਲੋਂ ਬਹੁਤ ਘੱਟ ਹਨ। ਨਿਊਜ਼ੀਲੈਂਡ ਦੀ ਨੈਸ਼ਨਲ ਐਮਰਜੈਂਸੀ ਮੈਨੇਜਮੈਂਟ ਏਜੰਸੀ ਨੇ ਕਿਹਾ ਕਿ ਉਹ ਅਜੇ ਵੀ ਸੁਨਾਮੀ ਦੀ ਸੰਭਾਵਨਾ ਦਾ ਮੁਲਾਂਕਣ ਕਰ ਰਹੀ ਹੈ।

PTWC ਨੇ ਕਿਹਾ ਕਿ ਫਿਜੀ, ਕਿਰੀਬਾਤੀ, ਪਾਪੂਆ ਨਿਊ ਗਿਨੀ, ਗੁਆਮ ਅਤੇ ਹੋਰ ਪ੍ਰਸ਼ਾਂਤ ਟਾਪੂਆਂ ਲਈ .3 ਮੀਟਰ (1 ਫੁੱਟ) ਤੱਕ ਦੀਆਂ ਲਹਿਰਾਂ ਸੰਭਵ ਹਨ।ਯੂ.ਐੱਸ ਭੂ-ਵਿਗਿਆਨਕ ਸਰਵੇਖਣ ਨੇ ਕਿਹਾ ਕਿ ਲੌਇਲਟੀ ਟਾਪੂ ਨੇੜੇ ਭੂਚਾਲ 37 ਕਿਲੋਮੀਟਰ (23 ਮੀਲ) ਡੂੰਘਾ ਸੀ। ਭੂਚਾਲ ਦਾ ਕੇਂਦਰ ਫਿਜੀ ਦੇ ਦੱਖਣ-ਪੱਛਮ, ਨਿਊਜ਼ੀਲੈਂਡ ਦੇ ਉੱਤਰ ਅਤੇ ਆਸਟ੍ਰੇਲੀਆ ਦੇ ਪੂਰਬ ਵਿੱਚ ਹੈ ਜਿੱਥੇ ਕੋਰਲ ਸਾਗਰ ਪ੍ਰਸ਼ਾਂਤ ਨਾਲ ਮਿਲਦਾ ਹੈ।