ਤਾਮਿਲਨਾਡੂ ਸਰਕਾਰ ਨੇ ਸੁਪਰੀਮ ਕੋਰਟ ’ਚ ਕਿਹਾ, ‘ਦਿ ਕੇਰਲਾ ਸਟੋਰੀ’ ’ਤੇ ਪਾਬੰਦੀ ਨਹੀਂ
![](http://mehakewattan.com/wp-content/uploads/2023/05/2023_5image_16_05_576283151thekerla-ll.jpg)
ਨਵੀਂ ਦਿੱਲੀ : ਸੁਪਰੀਮ ਕੋਰਟ ਦੇ ਸਾਹਮਣੇ ਤਾਮਿਲਨਾਡੂ ਪੁਲਸ ਨੇ ਫ਼ਿਲਮ ‘ਦਿ ਕੇਰਲਾ ਸਟੋਰੀ’ ’ਤੇ ‘ਅਪ੍ਰਤੱਖ ਪਾਬੰਦੀ’ ਲਗਾਉਣ ਦੇ ਦੋਸ਼ਾਂ ਨੂੰ ਖਾਰਿਜ ਕਰਦੇ ਹੋਏ ਮੰਗਲਵਾਰ ਨੂੰ ਕਿਹਾ ਕਿ ਅਜਿਹਾ ਲੱਗਦਾ ਹੈ ਕਿ ਇਸ ਨੂੰ ਦਰਸ਼ਕਾਂ ਨੇ ਹੀ ਨਕਾਰ ਦਿੱਤਾ ਹੈ।
ਤਾਮਿਲਨਾਡੂ ਸਰਕਾਰ ਨੇ ਸਿਖਰਲੀ ਅਦਾਲਤ ਨੂੰ ਦੱਸਿਆ ਕਿ ਮੁਸਲਿਮ ਸੰਗਠਨਾਂ ਦੇ ਵਿਰੋਧ ਦੇ ਬਾਵਜੂਦ ਫ਼ਿਲਮ ਤਾਮਿਲਨਾਡੂ ’ਚ 19 ਮਲਟੀਪਲੈਕਸਾਂ ’ਚ ਰਿਲੀਜ਼ ਹੋਈ ਪਰ ਦਰਸ਼ਕਾਂ ਨੇ ਉਸ ਨੂੰ ਪਸੰਦ ਨਹੀਂ ਕੀਤਾ, ਜਿਸ ਵਜ੍ਹਾ ਨਾਲ ਮਲਟੀਪਲੈਕਸ ਮਾਲਕਾਂ ਵਲੋਂ ਫ਼ਿਲਮ ਨੂੰ ਹਟਾ ਦਿੱਤਾ ਗਿਆ ਸੀ।
ਪੁਲਸ ਨੇ ਦਲੀਲ ਦਿੰਦੇ ਹੋਏ ਕਿਹਾ ਕਿ ਅਜਿਹਾ ਲੱਗਦਾ ਹੈ ਕਿ ਮਲਟੀਪਲੈਕਸ ਮਾਲਕਾਂ ਨੇ ਫ਼ਿਲਮ ਨੂੰ ਮਿਲ ਰਹੀ ਅਲੋਚਨਾ, ਪ੍ਰਸਿੱਧ ਅਦਾਕਾਰਾਂ ਦੀ ਕਮੀ, ਅਦਾਕਾਰਾਂ ਦੀ ਖਰਾਬ ਅਦਾਕਾਰੀ ਅਤੇ ਦਰਸ਼ਕਾਂ ਦੀ ਬੇਰੁਖੀ ਕਾਰਨ 7 ਮਈ 2023 ਤੋਂ ਫ਼ਿਲਮ ਦਾ ਪ੍ਰਦਰਸ਼ਨ ਬੰਦ ਕਰਨ ਦਾ ਫੈਸਲਾ ਲਿਆ ਸੀ। ਸੁਪਰੀਮ ਕੋਰਟ ਨੇ ਫ਼ਿਲਮ ਨਿਰਮਾਤਾਵਾਂ ਸਨਸ਼ਾਈਨ ਫਿਕਚਰਜ਼ ਪ੍ਰਾਈਵੇਟ ਲਿਮ. ਅਤੇ ਨਿਰਮਾਤਾ ਵਿਪੁਲ ਅਮ੍ਰਿਤਲਾਲ ਸ਼ਾਹ ਦੀ ਇਕ ਰਿੱਟ ਪਟੀਸ਼ਨ ’ਤੇ 12 ਮਈ ਨੂੰ ਸੁਣਵਾਈ ਕਰਦੇ ਹੋਏ ਪੱਛਮੀ ਬੰਗਾਲ ਅਤੇ ਤਾਮਿਲਨਾਡੂ ਸਰਕਾਰਾਂ ਤੋਂ ਜਵਾਬ ਮੰਗਿਆ ਸੀ ਕਿ ਦੇਸ਼ ਭਰ ’ਚ ਸੁਚਾਰੂ ਰੂਪ ’ਚ ਚੱਲਣ ਵਾਲੀ ਫ਼ਿਲਮ ਉੱਥੇ (ਪੱਛਮੀ ਬੰਗਾਲ ਅਤੇ ਤਾਮਿਲਨਾਡੂ) ਕਿਉਂ ਨਹੀਂ ਚੱਲ ਸਕਦੀ ਹੈ?
![](http://mehakewattan.com/wp-content/uploads/2023/07/ALL-ADDS-2023_page-0001-1638x2048-1.jpg)