ਸ਼ਾਹਰੁਖ ਖ਼ਾਨ ਨੇ ਆਟੋ ਐਕਸਪੋ 2023 ‘ਚ ਲੁੱਟੀ ਮਹਿਫਲ

ਮੁੰਬਈ : ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖ਼ਾਨ ਜਾਣਦੇ ਹਨ ਕਿ ਸਾਰੀ ਮਹਿਫਲ ‘ਚ ਉਨ੍ਹਾਂ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਕਿਵੇਂ ਖਿੱਚਣਾ ਹੈ। ਬੀਤੇ ਦਿਨ ਬਾਲੀਵੁੱਡ ਦੇ ਬਾਦਸ਼ਾਹ ਆਟੋ ਐਕਸਪੋ 2023 ‘ਚ ਹਿੱਸਾ ਲੈਣ ਲਈ ਗ੍ਰੇਟਰ ਨੋਇਡਾ ਪਹੁੰਚੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੀ ਮਸ਼ਹੂਰ ਫ਼ਿਲਮ ‘ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ’ ਦਾ ਗੀਤ ‘ਤੁਝੇ ਦੇਖਾ ਤੋ ਯੇ ਜਾਨਾ ਸਨਮ’ ਪੱਤਰਕਾਰਾਂ ਦੇ ਸਾਹਮਣੇ ਗਾਇਆ। ਇਸ ਦੌਰਾਨ ਦੀਆਂ ਕਾਫ਼ੀ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ।

ਕਿੰਗ ਖ਼ਾਨ ਦੇ ਫੈਨ ਕਲੱਬ ਨੇ ਇਵੈਂਟ ‘ਤੇ ਗਾਉਂਦੇ ਹੋਏ ਸ਼ਾਹਰੁਖ ਦਾ ਇੱਕ ਵੀਡੀਓ ਸਾਂਝਾ ਕੀਤਾ, ਜਿਸ ‘ਚ ਲਿਖਿਆ, “Awwwwww ਮੈਨੂੰ ਉਸ ਨੂੰ ਗਾਣਾ ਪਸੰਦ ਹੈ!!” ਜਦੋਂ ਕਿ ਇੱਕ ਹੋਰ ਵੀਡੀਓ ‘ਚ  ‘ਚੇਨਈ ਐਕਸਪ੍ਰੈਸ’ ਸ਼ਾਹਰੁਖ ਨੂੰ ਆਪਣੀਆਂ ਬਾਹਾਂ ਨਾਲ ਰੋਮਾਂਟਿਕ ਪੋਜ਼ ‘ਚ ਦੇਖਿਆ ਜਾ ਸਕਦਾ ਹੈ।

ਦੱਸ ਦਈਏ ਕਿ ਸ਼ਾਹਰੁਖ ਖ਼ਾਨ ਹੁੰਡਈ ਮੋਟਰ ਦੀ ਪਹਿਲੀ ਆਲ-ਇਲੈਕਟ੍ਰਿਕ IONIQ5 SUV ਨੂੰ ਲਾਂਚ ਕਰਨ ਲਈ ਆਟੋ ਐਕਸਪੋ 2023 ‘ਚ ਪਹੁੰਚੇ ਸਨ। ਸਿਧਾਰਥ ਆਨੰਦ ਦੇ ਨਿਰਦੇਸ਼ਨ ‘ਚ ਬਣ ਰਹੀ ਫ਼ਿਲਮ ‘ਪਠਾਨ’ ‘ਚ ਦੀਪਿਕਾ ਪਾਦੂਕੋਣ ਅਤੇ ਜਾਨ ਅਬ੍ਰਾਹਮ ਅਹਿਮ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ। ਬਹੁਤ ਉਡੀਕੀ ਜਾ ਰਹੀ ਇਹ ਫ਼ਿਲਮ 25 ਜਨਵਰੀ 2023 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ।