5 ਕਰੋੜ ਰੁਪਏ ਤੋਂ ਵੱਧ ਦੇ ਕਾਰੋਬਾਰ ਵਾਲੀ ਕੰਪਨੀਆਂ ਲਈ ਈ-ਚਲਾਨ ਕੱਢਣਾ ਹੋਇਆ ਲਾਜ਼ਮੀ, ਨੋਟੀਫਿਕੇਸ਼ਨ ਜਾਰੀ

ਨਵੀਂ ਦਿੱਲੀ – 5 ਕਰੋੜ ਰੁਪਏ ਤੋਂ ਵੱਧ ਦੇ ਕਾਰੋਬਰ ਵਾਲੀਆਂ ਕੰਪਨੀਆਂ ਨੂੰ ਆਉਦੀ 1 ਅਗਸਤ ਤੋਂ ਬੀ2ਬੀ ਲੈਣ-ਦੇਣ ਲਈ ਇਲੈਕਟ੍ਰਾਨਿਕ ਜਾਂ ਈ-ਇਨਵਾਇਸ (ਚਲਾਨ) ਕੱਢਣਾ ਹੋਵੇਗਾ। ਹੁਣ ਤੱਕ 10 ਕਰੋੜ ਰੁਪਏ ਜਾਂ ਜ਼ਿਆਦਾ ਦੇ ਕਾਰੋਬਾਰ ਵਾਲੀਆਂ ਇਕਾਈਆਂ ਨੂੰ ਬੀ2ਬੀ ਲੈਣ-ਦੇਣ ਲਈ ਈ-ਚਲਾਨ ਕੱਢਣਾ ਹੁੰਦਾ ਹੈ।

ਵਿੱਤ ਮੰਤਰਾਲਾ ਦੇ 10 ਮਈ ਨੂੰ ਜਾਰੀ ਨੋਟੀਫਿਕੇਸ਼ਨ ਅਨੁਸਾਰ ਬੀ2ਬੀ ਲੈਣ-ਦੇਣ ਲਈ ਈ-ਚਲਾਨ ਕੱਢਣ ਦੀ ਹੱਦ ਨੂੰ 10 ਕਰੋਡ਼ ਤੋੋਂ ਘਟਾ ਕੇ 5 ਕਰੋਡ਼ ਰੁਪਏ ਕਰ ਦਿੱਤੀ ਗਈ ਹੈ। ਇਹ ਵਿਵਸਥਾ 1 ਅਗਸਤ ਤੋਂ ਲਾਗੂ ਹੋਵੇਗੀ। ਡੇਲਾਈਟ ਇੰਡੀਆ ਦੇ ਭਾਈਵਾਲ, ਇਨਡਾਇਰੈਕਟ ਟੈਕਸ-ਲੀਡਰ ਮਹੇਸ਼ ਜੈਸਿੰਘ ਨੇ ਕਿਹਾ ਕਿ ਇਸ ਐਲਾਨ ਦੇ ਨਾਲ ਈ-ਚਲਾਨ ਦੇ ਤਹਿਤ ਸੂਖਮ, ਛੋਟੇ ਅਤੇ ਦਰਮਿਆਨੇ ਉਦਯੋਗਾਂ (ਐੱਮ. ਐੱਸ. ਐੱਮ. ਈ.) ਦਾ ਘੇਰਾ ਵਧ ਜਾਵੇਗਾ ਅਤੇ ਉਨ੍ਹਾਂ ਨੂੰ ਈ-ਚਲਾਨ ਲਾਗੂ ਕਰਨ ਦੀ ਲੋੜ ਹੋਵੇਗੀ।

ਏ. ਐੱਮ. ਆਰ. ਜੀ. ਐਂਡ ਐਸੋਸੀਏਟਸ ਦੇ ਸੀਨੀਅਰ ਭਾਈਵਾਲ ਰਜਤ ਮੋਹਨ ਨੇ ਕਿਹਾ ਕਿ ਈ-ਚਲਾਨ ਦੇ ਪੜਾਅਬੱਧ ਲਾਗੂਕਰਕਨ ਨਾਲ ਰੁਕਾਾਵਟਾਂ ਘੱਟ ਹੋਈਆਂ ਹਨ, ਪਾਲਣਾ ’ਚ ਸੁਧਾਰ ਹੋਇਆ ਹੈ ਅਤੇ ਮਾਲੀਆ ਵਧਿਆ ਹੈ। ਈ-ਚਲਾਨ ਸ਼ੁਰੂ ’ਚ 500 ਕਰੋਡ਼ ਰੁਪਏ ਤੋਂ ਵੱਧ ਦੇ ਕਾਰੋਬਾਰ ਵਾਲੀਆਂ ਵੱਡੀਆਂ ਕੰਪਨੀਆਂ ਲਈ ਲਾਗੂ ਕੀਤਾ ਗਿਆ ਸੀ ਅਤੇ 3 ਸਾਲ ਦੇ ਅੰਦਰ ਇਸ ਹੱਦ ਨੂੰ ਘਟਾ ਕੇ ਹੁਣ 5 ਕਰੋਡ਼ ਰੁਪਏ ਕਰ ਦਿੱਤਾ ਗਿਆ ਹੈ।