ਪਾਕਿਸਤਾਨ ਦੇ ਸਾਬਕਾ ਆਰਮੀ ਚੀਫ਼ ਬਾਜਵਾ ਦੀ ਅਸ਼ਲੀਲ ਵੀਡੀਓ ਨਾਲ ਦੇਸ਼ ’ਚ ਆਇਆ ਭੂਚਾਲ

ਗੁਰਦਾਸਪੁਰ-ਪਾਕਿਸਤਾਨੀ ਫ਼ੌਜ ਦੇ ਸਾਬਕਾ ਆਰਮੀ ਚੀਫ ਕਮਰ ਜਾਵੇਦ ਬਾਜਵਾ ਦਾ ਇਕ ਅਸ਼ਲੀਲ ਵੀਡੀਓ ਲੀਕ ਹੋਣ ਨਾਲ ਪੂਰੇ ਪਾਕਿਸਤਾਨ ’ਚ ਭੂਚਾਲ ਆ ਗਿਆ ਹੈ। ਇਸ ਸਬੰਧੀ ਕਮਰ ਜਾਵੇਦ ਬਾਜਵਾ ਨੇ ਚੁੱਪੀ ਧਾਰਨ ਕੀਤੀ ਹੋਈ ਹੈ ਅਤੇ ਪਾਕਿਸਤਾਨੀ ਫ਼ੌਜ ਦੇ ਡਰ ਨਾਲ ਪਾਕਿਸਤਾਨ ’ਚ ਇਸ ਵੀਡੀਓ ਸਬੰਧੀ ਖ਼ਬਰ ਨੂੰ ਨਾ ਤਾਂ ਕਿਸੇ ਚੈਨਲ ’ਤੇ ਪ੍ਰਸਾਰਿਤ ਹੋਣ ਦਿੱਤਾ ਗਿਆ ਹੈ ਅਤੇ ਨਾ ਹੀ ਕਿਸੇ ਅਖਬਾਰ ’ਚ ਪ੍ਰਕਾਸ਼ਿਤ ਹੋਣ ਦਿੱਤਾ ਗਿਆ ਹੈ ਪਰ ਰਾਜਨੀਤਕ ਹਲਕਿਆਂ ’ਚ ਇਸ ਵੀਡੀਓ ਦੀ ਬਹੁਤ ਚਰਚਾ ਹੈ।

ਸੂਤਰਾਂ ਅਨੁਸਾਰ ਪਾਕਿਸਤਾਨ ਫ਼ੌਜ ਦੇ ਸਾਬਕਾ ਆਰਮੀ ਚੀਫ ਕਮਰ ਜਾਵੇਦ ਬਾਜਵਾ ਦੀ ਇਕ ਅਸ਼ਲੀਲ ਵੀਡੀਓ ਇਸ ਸਮੇਂ ਪਾਕਿਸਤਾਨ ’ਚ ਰਾਜਨੀਤਕ ਗਲਿਆਰਿਆਂ ’ਚ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਇਸ ਸਬੰਧੀ ਫ਼ੌਜ ਦੇ ਡਰ ਨਾਲ ਕੋਈ ਵੀ ਵਿਅਕਤੀ ਹੁਣ ਇਸ ਵੀਡੀਓ ਨੂੰ ਅੱਗੇ ਫਾਰਵਰਡ ਨਹੀਂ ਕਰ ਰਿਹਾ ਹੈ ਪਰ ਰਾਜਨੇਤਾਵਾਂ ’ਚ ਇਹ ਵੀਡੀਓ ਚੁੱਪਚਾਪ ਫਾਰਵਰਡ ਹੋ ਰਿਹਾ ਹੈ।

ਉਥੇ ਦੂਜੇ ਪਾਸੇ ਇਸ ਵੀਡੀਓ ਸਬੰਧੀ ਕਮਰ ਜਾਵੇਦ ਬਾਜਵਾ ਨੇ ਚੁੱਪੀ ਧਾਰਨ ਕੀਤੀ ਹੋਈ ਹੈ। ਇਹ ਅਸ਼ਲੀਲ ਵੀਡੀਓ ਕਿੰਨੀ ਪੁਰਾਣੀ ਹੈ ਅਤੇ ਉਸ ਦੇ ਨਾਲ ਔਰਤਾਂ ਕੌਣ ਹਨ, ਇਹ ਪਤਾ ਨਹੀਂ ਲੱਗਾ।